Duteronomi 28:13 - Nobonob Baibel

¹³ Ag haknunab anak nai Yawe, ahilag Kayak, ag nuhig nai imu dabmettan dim lamidkkulag amu, Yawe Nug ag humatteb, ag ikki bia, binalag okkai ele daaglag. Ag boob bia, danab ah laa oh waalagppa ii daamna.

Duteronomi 28:13 Referans Kwoze

Duteronomi 28:1

Amu Moses nai tuɗitta mattiom. Ag genab Yawe, ahilag Kayak, ag Nug oɗe doon, ag haknunab anak nai gemu da ag madattem imu dabmettaglag dayeb amu, Yawe, ahilag Kayak, Nug heeb, ag wan laa oh eɗattak daan, ag binag okkai, amu onig okkai ele daaglag.

Pilipai 1:27

Anam, amge aɗi kobol bekku amu, ahilagnu keeke anuqak daatte am, ag oiyak ahilagppa, ag Kristusnu Nai Ena ag amu attem oiglagnu ippunadtte amu, ag anam dim lamidnana tutukku eleleppa oiyeg! Ag anam heppeg amu, da ag anadkkulnu gokkultai, iitta da naippulagib dookkultai am keeke okkai iitta, amge da ag oolag laippu ele daanna, ag dabmak laippu tamanin, ag nug ehanidnana, Jesusnu ooppa genab doyak ahilag aɗan daatteb dookkul.

Duteronomi 15:6

Yawe, ahilag Kayak, Nug nai anan qakkom bia ag itittak ena madakku amunu, ag geha wanppan wan anen anen oh dilag danab ah lon mattaglag, amge ag am ahilagppanu ii aomna! Ag geha wanppan wan anen anen oh gumadkkulag, amge appan danab, ag ahan, ag Israel, ag ag ii gumadmana.

Duteronomi 26:19

Ag anam hekkulag dayeb amu, Nug heeb, ag wan laa oh eɗattak daan, ag binag okkai, amu onig okkai ele aoglag. Ag geha Yawenu oppiaawak ele daaglag. Ag am Yawe, ahilag Kayak, ag nuhignu daaglag. Nug heeb, ag anam daaglagnu nai anan qakkom amu, Nug amubianab hekku. Moses nug anam mattiom.

Duteronomi 28:43

Wan laihnu danab, ag uɗin, ag oolagppa daatteb, ag geha tuɗidib ɠagattag bebeppeg, ag amu geha tuɗidib bodoettaglag.

Duteronomi 28:44

Danab laihnu uɗiak, ag oolagppa daatteb, ag geha lon mattaglag, amge ag amu, ag ag lon mattaglagnu elele iitta daaglag. Danab amu ag ikki bia daaglag; ag amu, ag am boob bia daaglag.

Jeremaia 31:7

Yawe Nug ⌊ag Israel ehanatteb, ena daaglag amunu,⌋ Nug inam atte. “Ag Israel, ag oo gamag ahak doon ahi etteg! Ao, ag wanppan wan oh oolagppan wan laa anuqak daatte, ag ⌊Yawe ag ehanattomnu gamag ahak doon,⌋ huana eig! Ge, ag Yawe binag humappeg, laa ag, ag doyatteg! Ag ‘O Yawe, na nahipad danab ah, ag oɗo yaak daatteb amu, na ag padal memananu ehanadkkutnu oɗ medattem,’ aon aig!

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.