Duteronomi 28:1 - Nobonob Baibel

¹ Amu Moses nai tuɗitta mattiom. Ag genab Yawe, ahilag Kayak, ag Nug oɗe doon, ag haknunab anak nai gemu da ag madattem imu dabmettaglag dayeb amu, Yawe, ahilag Kayak, Nug heeb, ag wan laa oh eɗattak daan, ag binag okkai, amu onig okkai ele daaglag.

Duteronomi 28:1 Referans Kwoze

Aisaia 1:19

Ag ⌊dahil nai dim lamidkkulagnu⌋ oolag heeb, da aakkuib oɗel dim lamidkkulag amu, geha ag wanppa ahilag dayak ena ele daanna, ee ena ena dad ahilagppanu aon lanana daaglag.

Eksodas 23:22

Amge ag nai nuhig pehettaknab doon dim lamidna, keeke oh da ⌊nug oɗeppa⌋ akkul bia hekkulag dayeb amu, aria da geha kekeɗ ahilagnu kekeɗ daappi, laa ag ahilag ib oo nekkulagnu hetteb ele amu, da ahilag ib oo nekkul.

Jon 15:14

Amu ag da haknunab anak nai ag mattami dim lamidtteb dayeb amu, ag da lailad daatteb.

Luk 11:28

Amge Jesus Nug aum. “Anam iitta! Danab ag Kayak nai doon dim lamidtteb ele, ag itittak ena aoppig daatteb,” awa aum.

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Sam 91:14

Yawe Nug atte. “Na dahilnu oot mauhe, da gukkuiɗaknab daattem amunu, da geha na ehanidppi, na qagaiettakppa ii daamna. Ao, na da dooiɗttem amunu, da geha na atognoitte dabmedakkul.

Duteronomi 11:13

Ag haknunab anak nai, gemu da ag madattem imu oh tutukku dim lamidnana, ag Yawe, ahilag Kayak, ag meulag ohppa, oolag ohppa ele nuhignu oolag mauheb, ag Nug waappa daan Nug oɗe dim lamidkkulag dayeb amu,

Rom 2:7

Danab laala ag binag amahlak oppiaawak ele, bau hanhan dayak, binag ele mattinna, kobol tutukku hetteb amu, geha Kayak Nug danab amu bauklel hanhannu madakku.

Aisaia 3:10

Imu dabmenan oiyeg! Genab tutukku hak danab ah dilagnu amu, ahilagnu am ena. Aɗinu? Ag ahilag haknu meu ena aon daaglag.

Sam 111:10

Danab nug Yawenu ebehi oh bodoetta le mette ele amu, danab amu nug digma, doyak dabmak ena ele aokkunu hette. Ao, danab ah oh ag Yawenu oo yaak nai ɗo bia dim lamidtteb ele amu, ag diignu doyak tutukku ele. Ag Nug binag hanhan meig!

Galesia 3:10

Amge danab ag genab tutukku hak danab bekkulagnu amu, ag, “Ig ɗo dim lamidta genab tutukku hak danab bekkunig,” dabmenan atteb ele, danab amu ag eheɗ laa awaknu anak waappa daatteb. Aɗinu? Kayak naippa nai amunu inam daatte. “Danab oh ag nai huppu oh ɗo yaak bukppa daatte tutukkunab ii dim lamidna, oh elele ii hena amu, ag eheɗ laa awaknu anak waappa daatteb.”

Luk 9:48

Nug ag amelagppa aum. “Danab nug da onilnu nid nakok laa imubia laippu dayaknu ooppa eleleib dootte, nug da ele laippu dayaknu ooppa eleleib dootte. Danab nug da ele laippu dayaknu ooppa eleleib dootte amu nug Laa, Nug he da uɗimi ele, nug Nug ele laippu dayaknu ooppa eleleib dootte. Ag oh oolagppanu danab nug nakoknab daatte amu, nug am anuqak,” awa aum.

Jeremaia 17:24

Yawe Nug ag memetalkad dilagnu anam atte, amge Nug ahilagnu inam atte. “Ag memetalkad anam heppig, amge ag gemu daatteb, ag da oɗel tutukku dim lamidkkulagnu dabmena autna aon, dim lamidkkulag dayeb, ag Sabat deɗ am dahilnu tituanak daakkunu keeke maon, aab okkai imunu aɗnu od attenppa uɗin, aab ooppa ii gokkulag dayeb, ag uɗat laa ele ii hekkulag dayeb amu,

Duteronomi 26:19

Ag anam hekkulag dayeb amu, Nug heeb, ag wan laa oh eɗattak daan, ag binag okkai, amu onig okkai ele aoglag. Ag geha Yawenu oppiaawak ele daaglag. Ag am Yawe, ahilag Kayak, ag nuhignu daaglag. Nug heeb, ag anam daaglagnu nai anan qakkom amu, Nug amubianab hekku. Moses nug anam mattiom.

Jeremaia 11:4

Anukka ag Israel, ag mamelkad aɗi ag Isip wanppa uɗat ɠagattag, eheɗ nau henan daappig. Ag daanna anam heegeg, da ag Isipnu diien, omlatti uɗiegeg, da haknunab nai ag haen amuppa mattami amu, nai amu, nai laa iitta, nai amu aakkuib gemu daatte. Da ami. “Ag da oɗel dim lamidnana, ag dahil haknunab nai oh dim lamidkkulag dayeb amu, ag dahilad danab ah daappeg, da ahilag Kayak daakkul.

Sam 106:3

Danab ag nai doya mala hettoɗia epeɗia elele mettak kobol dim lamidtteb ele, ag itittak ena aoppig daatteb. Ao, laa ag hanhan genab tutukku hak kobol ele dim lamitteb amu, ag itittak ena aoppig daatteb.

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.

Sam 148:14

Yawe he, laa nug nuhikkud danab ah dilag king daatte. Laa aun aɗi ag nuhikkud danab ah daatteb, ag nuhignu oo metta ii uuak kobol dim lamidtteb ele, ag king amu binag mekkulagnu elele. Ao, Israel danab ah ag Yawe guguittak daatteb, ag king amu, ag Nug binag mekkulagnu elele. Ag Yawe binag meig!

Sam 119:128

Da nahip oo yaak nai ɗo bia ohnu amu, da ag tutukkuib daatteb oolppa genab doottem. Ao, da nahip ɗo, nahip oo yaak nai ɗo bia ohnu anam doottem amunu, da ib eheɗnu nau ninig ele doottem.

Sam 119:6

Da ool ɗo nahip dim lamidkkulnu ɠagattag dayeb, da ele nahip ɗonu dabmein hekkul dayeb amu, da uɗa nak ii aopa.

Jeremaia 12:16

Ag anam daana, ag anukka ag kayak hambuppuak Bal dim lamidna, dahilad danab ah ahilag nai Bal onigppa ɠagattag qettaglagnu ippunadppig, ag butti aɗi haen amuppa amubia ag dahilad danab ah dilagppanu ippunittak ena aon autna aonna, ag da dim lamiɗna, ag da onilppa ahilag nai ɠagattag qettaglagnu, ag, ‘Yawe genab bau daatte, genab amu bia,’ akkulag dayeb amu, danab ah amu ag ele dahilad danab ah daaglag.

Eksodas 23:25

Ag daib, da am Yawe, ahilag Kayak, ag daib da noolppa dup nona binal mekkulag dayeb amu, da ag ena itatte, ag ee madakkul, le ele madakkul, amu da ahilag oɗe ele heppi, iitta mekku.

Duteronomi 11:27

Ag nai haknunab anak gemu da ag madattem imu dim lamidkkulag dayeb amu, Yawe, ahilag Kayak, Nug ag itittak ena madakku.

Duteronomi 28:13

Ag haknunab anak nai Yawe, ahilag Kayak, ag nuhig nai imu dabmettan dim lamidkkulag amu, Yawe Nug ag humatteb, ag ikki bia, binalag okkai ele daaglag. Ag boob bia, danab ah laa oh waalagppa ii daamna.

1 Stori 14:2

Amu Dawit nug Yawe, Nug nuhikkud danab ah Israel dilagnu anuqak doya, Nug he, Dawit nug ahilag king dayeye, wan laappan danab ag nuhig gumaknu am binag ele dooppig amu, nug amu doyom.

Duteronomi 26:18

Yawe Nug gemu, ag am nuhig danab ah, ag nuhikkudnab danab ah daattebnu atte. Nug anam hekkununab nai anan qakkom, amu Nug ag nuhig haknunab anak nai oh dim lamidkkulagoittenu ag amelagppa aum.