Duteronomi 27:26 - Nobonob Baibel

²⁶ Appeg, Lewi buɗub ag inam akkulag. “Laa nug ɗo imu dim ii lamidtte amu, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.

Duteronomi 27:26 Referans Kwoze

Galesia 3:10

Amge danab ag genab tutukku hak danab bekkulagnu amu, ag, “Ig ɗo dim lamidta genab tutukku hak danab bekkunig,” dabmenan atteb ele, danab amu ag eheɗ laa awaknu anak waappa daatteb. Aɗinu? Kayak naippa nai amunu inam daatte. “Danab oh ag nai huppu oh ɗo yaak bukppa daatte tutukkunab ii dim lamidna, oh elele ii hena amu, ag eheɗ laa awaknu anak waappa daatteb.”

Rom 10:5

Moses nug danab ag ɗo kobol dim lamitteg, Kayak ahilagnu, “Genab tutukku hak danab,” akkunu dabmetteb ele, nug ahilagnu inam yom. “Danab nug dahil ɗo anam dim lamidkku dayeb, amuppa nug bauklel daakku.”

Esekiel 18:24

Amu Naɗi Yawe Nug tuɗitta atte. “Anam, amge genab tutukku hak danab nug tuɗitta, kobol genab tutukku ele hekkunu uua, nug hipunin hekku daya, nug nau hak danab kobol digdig, da kobol amunu oolppa uuaknab doottem amu, nug kobol amu nau hak danab hette bia ha, nug bau daakkute? Iitta. Nug mauhkku. Kobol genab tutukku ele laa oh nug heum amu, nug amu uua, kobol eheɗ hekku dayeb, kobol genab tutukku ele tatam heum amu, da amu dab-ii-mepa. Iitta. Da daul atikku. Nug da ippunidminu oo metta ii uuak kobol ii dim lamitta ha, hipunin he, beɗuppa aab dayom, diig amunu nug mauhkku.

Sam 119:21

Beɗuppa tak danab ag ɗo nahip ii dim lamidtteb, ag eheɗ laa awaknu anak waappa daatteb amu, na ag daulag batattem.

1 Korint 16:22

Am danab laa nug Naɗinu oo ii mauhtte dayeb, nug eheɗ laa awaknu anak waappa dayaɗ! Naɗi, na uɗie!

Matyu 25:41

Aria, laa nanehppa daatteb ele, da ag amelagppa akkul. ‘Ag laa ag eheɗ laa awaknu anak waappa daatteb amu, ag uuiɗna ukkeg! Ag aab aɗu ii qauha, hanhan eotte ele, Naɗi Nug Satan, amu nuhikkud engel ele dilag heum amu, ag amuppa ukkeg!

Duteronomi 27:15

“Laa nug kayak hambuppuak dottog aɗi keekeppa ha, lokkumakppa qabatte amu, nug eheɗ laa awaknu anak waappa dayaɗ! Kayak hambuppuak dottolkad danab uɗat amu haknu doyak okkai ele amu, Yawe Nug dottog amunu ooppa uuaknab dootte,” aon akkulag. Ag anam aon appeg, danab ah oh ag, “Genab, anam dayaɗ!” akkulag.

2 Korint 3:9

Aɗinu? Ɗo nai, nuhig uɗat am nug ig epeɗikka, hipuninnu nob nau aognignu atte, amge nug am binag amahlak oppiaawak ele. Anam daatte amunu, nug tituana nai qakkak bau nug he, danab ah ag genab tutukku hak danab bena daatteb amu, amuam binag amahlak oppiaawak naɗinab iittate?

2 King 22:13

“Ag da, Juda danab ah oh ele, ag ig oh ig ounkad daanna, ag gona, buk imu laa nug anttom amu, ag buk imunu nai, ag amunu Yawe oɗ medappeg, ig aɗi hekkunignu ab dooglag. Ig mamenkad aɗi ag nai amu ii dim lamidppig, ag nai amu oh aɗi aɗi ippunigtte ii heppig amunu, Yawe Nug ihinignu oo nauhak okkai dootte,” awa aum.

Esra 7:26

Auntai laa nug Kayaknu ɗo ii dim lamidtte, da, king, dahil ɗo ele ii dim lamidtte amu, epeɗiak danab ag amu anidna, ag bu mettaglag. Ag nug qeppeg mauhkkutai, o ag nug lamidppeg, wan laappa ukka daakkutai, o ag nuhig keeke oh da, king, dahil daakkunu aɗaglagtai, o ag nug maniguittakppa inaglagtai. Ag ib amu laa epiɗin dim lamidna, danab Kayaknu ɗo, da king, dahil ɗo ele ii dim lamidtte amu, ag nuhigppa anam heig!” King Artekserksis nug pas laa anam ya, Esra mettom.