Duteronomi 27:10 - Nobonob Baibel

¹⁰ amunu, ag Yawe, ahilag Kayak, ag Nug oɗe doon, ag haknunab anak nai, amu ɗo ele, da gemu ag madattem imu aɗeg!” awa aum.

Duteronomi 27:10 Referans Kwoze

Matyu 5:48

Anam amunu, ag Mamelag, hab aabppa daatte amu, Nug qa oppiaawak daatte, amubia ag qa oppiaawak dayeg!

Maika 6:8

Amu oh am iitta. Yawe Nug na aun daattem, Nug na kobol ena oh ippunitta malom. Nug na attem hekkutnu ippunittom? Amu inam; na nai doya mala hettoɗia epeɗia elele mettak kobol tutukku dim lamidna, na laa dilagnu oo gai-iitta doya oo metta ehanittak kobol ele hena, na nakka na onin qeppe neeb, na nahip Kayak, na Nug ele oiyeɗ! Nug na amu hekkutnu oo daatte.

Duteronomi 11:1

Ag Yawe, ahilag Kayak, ag nuhignu oolag mauhehe, ag nuhig haknunab anak, nuhig ɗo ele oh hanhan dim lamidkkulagoitte.

Maika 4:5

Anam amunu, danab ah wan atu laih ohnu, ag ahilkad kayak hambuppuak onigppa oiglagnu oolag heeb, anam oiglag, amge ig Yawe, ihinig Kayak, ig Nug onigppa hanhan oignig.

Lewitikas 19:2

“Na Israel danab ah oh amelagppa nai imu appe doyeg!” awa aum. ⌊Nug anam a amu, Moses nug Yawe oɗe awa, Israel danab ah amelagppa inam aum.⌋ “Da Yawe, ahilag Kayak, da oppiaawak daattem amunu, ag ele oppiaawak dayeg!

Duteronomi 27:9

Aria, Moses nug anam ana male, mana mettak danab, ag ele Lewi buɗub amu, ag Moses ele hippaidna daanna, nug Israel danab ah amelagppa aum: “O Israel, ag toettan, daulag humeg! Gemu ag Yawe, ahilag Kayak, ag nuhig danab ah beppig daatteb

Duteronomi 27:11

Deɗ amuppaib Moses nug danab ah amelagppa haknunab nai imu mattom. Nug aum.

Duteronomi 26:17

Gemu ag Yawe Nug ahilag Kayak daatte anan malappig. Ag nuhig kobolppa oinna, ag nuhig ɗo iɗu iɗu, nuhig haknunab anak, nuhig ɗo laa ele dim lamidna, ag Nug keeke ohnu atte amu, ag anam hekkulagnu ele appig.

Duteronomi 26:18

Yawe Nug gemu, ag am nuhig danab ah, ag nuhikkudnab danab ah daattebnu atte. Nug anam hekkununab nai anan qakkom, amu Nug ag nuhig haknunab anak nai oh dim lamidkkulagoittenu ag amelagppa aum.