Duteronomi 26:13 - Nobonob Baibel

¹³ Na anam henana, na Yawe, nahip Kayak, na Nug amegppa inam akkutoitte. “Da keeke obatak eblaih tanig ele ooppanu obatak laippu awen, Lewi buɗub, wan laihnu danab ah, nid mamelkad mauhppig, ah qab ele dilagnu, haknunab anak ihinignu ame bia hemi. Da nahip nai haknunab anak laa amu ii tippalmi; daul ele ii atiom.

Duteronomi 26:13 Referans Kwoze

Sam 119:176

O Yawe, da sipsip laa qettoɗom bia, da yawaiye oimi, amge da nahip ɗonu ii daul atitte amunu, na uɗin, na da, nahip maɗi nid, na da mattiɗna awiɗkkutnu oɗ medattem.

Sam 119:153

Da nahip ɗo daul ii atiom amunu, na da uug mawewe daattem imu neegna ehaniɗppe, da qagaiettakppa ii daapanu oɗ medattem.

Sam 119:141

Am danab ah ag dahilnu, da am keeke hamu doonna, ag da aon aon iutteb, amge da nahip oo yaak nai ɗo bia ii daul atitte.

2 Korint 11:31

Kayak, Naɗi Jesus Mameg, ig Nugib haen oh binag mekkunig amu, Nug dootte, da ham-ii-bubuttem.

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

Aposel 24:16

Amunu da hanhan deɗ oh da oolppa keeke eheɗ laa Kayak noobppa, danab ah amelagppa ele ii daamanu, da wagai mettem.

Prowerb 3:1

O da bekkal, da aɗi na ippunidttem amu, na aib daut atiom. Ao, na daut atimanu amu, na dahil haknunab nai, nahip dabmakppa meppe dayebeb oiye!

Sam 119:139

Dahil kekeɗ ag oolag eɗueb, na dim lamidkkulagnu uɗat hekkulnu yag-nab-bak doye, hei ukke, da ebehil bodoettom. Aɗinu? Dahilad kekeɗ ag nahip nai dimettan, ii dim lamidtteb.

Sam 119:93

Na nahip oo yaak nai ɗo bia, na nai amu da ippuniɗna heehe, da beɗul ena dayak aomi amunu, da nahip nai amu ii daul atima.

Sam 26:6

O Yawe, da kobol laa dubuttid ele hepanu, da dakka da awaitten oiyeye, da na noomppa dup noin binan mekkulnu da nahip qaɗab gukkuitten gottem.

Duteronomi 26:12

Maɗ ohppa na nahip keh ohnu obatak eblaih tanig ele ooppanu obatak laippu Yawe medakkutoitte, amge maɗ ewam awebeb amu, na amu hewona, na keeke obatak eblaih tanig ele ooppanu obatak laippu amu Lewi buɗubppan mana mettak danab iitta, wan laihnu danab ah, nid mamelkad mauhppig, amu ah qab ele madappeg, ag ee elele aab amuppa daanna lakkulagnu elele daaglagoitte.

Duteronomi 14:29

Amu Lewi buɗub, ag aulag wan iitta ele, ag oolagppa daatteb, aria danab ag wan laihnu danab daatteb, nid ag mamelkad mauhppig daatteb, amu ah qab ag appalkadppa daatteb, ag ele oh uɗin daan, ag lappeg, oolag aɗakkunu, ag ee amu bakkalen lakka mekkulag. Ag anam heppeg, Yawe, ahilag Kayak, Nug ag aɗi hekkulag am itidkku.

1 Tesalonaika 2:10

Ag Tesalonaika daatteb ag oh ihinig hak ag oolagppa hemut, ag anidna, ihinig aɗi heehe anttomnu mattiak danab daatteb; Kayak ele anam daatte. Ig ag oolagppa genab dooppig ele, ig ag oolagppa oitta, ig oppiaawak daatta, genab tutukku hak kobol hetata, oonigppa kaliak laa iitta ele oimut.

Duteronomi 26:14

Da mahiakppa dayeye amu, da obatak 10 ooppanu, obatak laippunu ee laa ii lami; da Kayak ele ouqa dayaknu elele iitta haenppa keeke laa ii lauɗidmi; mauhakppa iinab mei waum. Da na, Yawe, ihinig Kayak, da na oɗen dim lamitte, na keeke ohnu, haknunab anak nai ig mekkame amu, da hemi.