Duteronomi 26:12 - Nobonob Baibel

¹² Maɗ ohppa na nahip keh ohnu obatak eblaih tanig ele ooppanu obatak laippu Yawe medakkutoitte, amge maɗ ewam awebeb amu, na amu hewona, na keeke obatak eblaih tanig ele ooppanu obatak laippu amu Lewi buɗubppan mana mettak danab iitta, wan laihnu danab ah, nid mamelkad mauhppig, amu ah qab ele madappeg, ag ee elele aab amuppa daanna lakkulagnu elele daaglagoitte.

Duteronomi 26:12 Referans Kwoze

Namba 18:24

Aɗinu? Da Lewi buɗubppan mana mettak danab iitta amu, da keeke obatak eblaih tanig ele ooppanu obatak laippu, Israel ag ofa daakkunu aon, da, Yawe, da meɗatteb amu, da amu, ag aulag bia daakkunu madattem. Diig amunu amu, da anam aakku ahilagnu ami. ‘Israel oolagppa ag wan maha laa, ag aulag daakkunu ii aomna,’ ” awa aum.

Lewitikas 27:30

Wanppan kehte, o ad meute laa obatak eblaih tanig ele ooppanu obatak laippu am Yawenu. Yawe Nug amunu nuhignu tituanak daatte anidtte.

Prowerb 14:21

Danab nug mudippan laippunu ena iinab dootte amu, nug aakku hipunin hette; amge danab nug daɗek ehanadtte, nug itittak ena awom daatte.

Hibru 7:5

Amu Jakop bekka Lewi buɗub ooppanu laala ag mana mettaknu uɗat aotteb ele amu, ɗo ag keeke ameg eblaih tanig ele ooppanu laippu, Israel dilagppanu aoglagnu atte. Amu Israel laa oh ele ag am Abraham buɗub amunuib, ag lailkadnab, ag oh am Abraham buɗub daatteb, amge ɗo nug ag mana mettak danab keeke ameg 10 oolagppanu ameg laippu mattaglagnu atte.

Duteronomi 16:14

Ag hobul henana, ag gamag ahak ele hekkulag. Ag baelkadppa, maɗi nid maɗi ah ele, Lewi buɗub, wan laihnu danab, aria nid ag mamelkad mauhppig, amu ah qab ele, ag appalkadppa daatteb ele, ag oh gamag ahak dooglag.

Hibru 7:9

Amunu ig inam akkunignu elele. Lewi buɗub ag gemu keeke ameg 10 oolagppa ameg laippu aotteb, amge Melkisedek, nug anukka keeke ameg 10 oolagppa ameg laippu Abraham eppegppanu awom amunu, nug aakku Lewi eppegppanu keeke ameg 10 oolagppa ameg laippu ele awom bia daatte.

Genesis 47:24

Amge dimppa ag ee eppan, haen ag meu aona amu, ag laih tanig ele oppatna, laih laippu Paro metteg! Waɗele laa amu, ahilag tumu eppaknu, amu ag lakkulagnu ele aweg!” awa aum.

Genesis 47:26

Anam beum amunu, Josep nug ɗo inam ma aum. “Ag Isip danab ag ahilag lanaknu oh maɗ ohnu laih tanig eleppa oppatnana, laih laippu Paro mettana, laih waɗele amu ag aweg!” awa aum. Ɗo amu gemu ele ⌊nai imu yaak haenppa⌋ Isip wanppa daatte. Amge mana mettak danab dilagnu amu, Paro nug wan ahilag ii awom amunu, ag ɗo amu waappa ii daappig.