Duteronomi 24:6 - Nobonob Baibel

⁶ Amu men aɗit, danab nug amuppa ee aeg ganuɗtte ele, o men aɗit amunu laa attannu amu, na men aɗit amu, o amunu men attannu, na amu keeke lonnu onig awak daakkunu aib aome. ⌊Amu awaknu am kobol eheɗ aakku.⌋ Men amu mameg nug amuppa ee aeg bret haknu ganuɗtte amunu, nug amuppa ha awa lanana, bau daatte. Anam amunu, men amu awaknu amu kobol nau.

Duteronomi 24:6 Referans Kwoze

Luk 12:15

Anam awona, Nug danab ah oh amelagppa aum. “Ag dabmena, tutukku doyeg! Ag baubau awaknu hik qak kobol oh aib heppig. Aɗinu? Danab nug keeke ohnu elelenab eɗittak daatte amu, nug nuhig keeke amuppa bau dayak ii aotte,” awa aum.

Duteronomi 20:19

Haen ag aab okkai laa ele nug qenan, oo mattan aqaglagnu daappeppeg ukka, eɗidkkulagnu haen elabnab gokku dayeb amu, ag ad meu lakkulagnu elele, ag ad amu aib heppeg nauhppig. Ag aib oadppig. Aɗinu? Ad ag am kekeɗ iitta, amu ele ban haknu ii daatteb.

Genesis 44:30

Juda nug nai anam ana amu, nug nai tuɗitta aum. “Anam amunu, da nid imu awe ii goppi, da mamel nug mauhkku. Aɗinu? Nug beɗu oh am nid imunuppa daatte. Anam aakku daatte amunu, ig laa gokkunig, haen amuppa ig nid imu ii aot gopput, ig mamenig nug ii antta, oo doyakppa ig beɗunigppa mauhkku.

Revelesen 18:22

Babilon, nahip-ppa danab ag heegeg, harpnu oqotti, ahiettaknu oqotti, dumuttum iwalaknu oqotti, trampet iwalaknu oqotti ele amu baula nahip-ppa ii daama. Nahip-ppa amu, danab nug aɗi uɗat laa haknu doyak okkai ele laa ii daama, amu laa nug ee aeg ganuaɗaknu mennu oqotti ele baula nahip-ppa ii dooma.

Matyu 24:41

Ah aɗit aa bretnu plaua kalu nekkunu hebepeɗ, laa amu awawa, laa am uuitteb daakku.

Duteronomi 24:5

Danab laa nug ah bau awom dayeb, ag nug aib ban danab bekkunu uɗat medappig; o nug aib tamaniak uɗat laa hekkunu appig. Nug aabppa maɗ laippu anam hamunab dayaya, ah bau awom amu gamag ahak medatta daakkuoitte.

Duteronomi 24:7

Amu laa nug Israel ted laa aɗa awa, nug nuhig begbeg maɗi nid bia hedakku dayeb, o nug heeb, laa daden mekkulag dayeb amu, danab amu heum ele nug mauhkkuoitte. Kobol nau ag oolagppa daamanu, ag heppeg, aib dayom!

Job 22:6

Anak amunu diig am inam. Na layap laa lon mettan, na hamu, diig iittappa keeke lon amunu onig awak daatte nug eppegppanu aome. Ao, ib amuppa na hee, danab ag ulahnu lamen ahilag keeke lonnu onig awak daakkunu na metton, ag lamen amu iitta ele, beɗulagppa lamen elele iitta aakku oippig.