Duteronomi 24:19 - Nobonob Baibel

¹⁹ Na ee meu dad nahip-ppanu aonna, na ee gumu aɗa ehakkak awa uɗiaknu laippu daut atieb uɗion, na aib aokkutnu eɗun gome. Yawe, ahilag Kayak, Nug na aɗi hettem antta, Nug na itidkkunu, na uuppe, wan laihnu danab ah, nid ag mamelkad mauhppig, amu ah qab ele dilag dayaɗ!

Duteronomi 24:19 Referans Kwoze

Lewitikas 23:22

Am haen ag ahilag ee aeg aotteb amu, ag aib dad daugppan tuqanna, ee meu awak danab, ag ee laa heeg neum, ag amu ele aib eɗun aoppig. Uuppeg dayebeb, daɗek danab, wan laihnu danab ele, ahilag dayaɗ! Da am Yawe, ahilag Kayak,” awa aum.

Duteronomi 14:29

Amu Lewi buɗub, ag aulag wan iitta ele, ag oolagppa daatteb, aria danab ag wan laihnu danab daatteb, nid ag mamelkad mauhppig daatteb, amu ah qab ag appalkadppa daatteb, ag ele oh uɗin daan, ag lappeg, oolag aɗakkunu, ag ee amu bakkalen lakka mekkulag. Ag anam heppeg, Yawe, ahilag Kayak, Nug ag aɗi hekkulag am itidkku.

Prowerb 19:17

Aun nug daɗek ehanadtte, amuppa nug Yawe keeke lon mettom bia hette; Yawe Nug nug heumnu nob ena eɗua medakku.

Luk 6:38

Ag danab keeke madappeg amu, laa ag eɗun ag keeke mattaglag. Ag keeke ambeeb, ye noak dayeb, baubau ineb amba gokkaɗebeb aoglag. Ag lailkad dilagnu aɗi melemelppa keeke hetteb, ag melemel amuppaib geha keeke aoglag,” awa aum.

Aisaia 32:8

Danab nau ag anam hetteb, amge danab ena, kobol tutukkuib dim lamidtte ele, nug hanhan dabmak ena, tutukku ele aakkuib haen oh awawa, enaib hekkunu dabmak aotte. Nug dabmak anam awawa, nug ɠagattag hibaitta daatte.

Sam 112:9

Genab tutukku hak danab nug daɗek danab huana ehanadtte. Ao, nuhig genab tutukku hak kobol am hanhan alet daatte. Ge, nug danab laa noolagppa binag okkai ele daakku.

Job 42:12

Amu Job nug tatam dayeye, Yawe Nug ititte, keeke ele dayom; uug awom dimppa Kayak nug ititte, keeke ele dayom amu, itittak ena dimnu am itittak ena tatamnu eɗittak. Dimnu itittak enanu amu Job nug sipsip 14,000, kamel 6,000, makau okkai ebehi ele 2,000, donki anig 1,000 ele.

Duteronomi 26:13

Na anam henana, na Yawe, nahip Kayak, na Nug amegppa inam akkutoitte. “Da keeke obatak eblaih tanig ele ooppanu obatak laippu awen, Lewi buɗub, wan laihnu danab ah, nid mamelkad mauhppig, ah qab ele dilagnu, haknunab anak ihinignu ame bia hemi. Da nahip nai haknunab anak laa amu ii tippalmi; daul ele ii atiom.

Duteronomi 15:10

Ag oolag qak iitta, hamu elelenab mattaglag. Aɗinu? Ag amu hekkulag dayeb amu, Yawe, ahilag Kayak, Nug ag aɗi hekkulag, Nug amu ohppa ag itadkku.

Luk 6:35

Amge ag kekeɗ ahilkadnu ag oolag mauhaɗ! Amu ele ag ahilagppa kobol ena heig! Danab ag ahilagnu lon aoglagnu appeg amu matteg! Mattona, dimppa ag ahilagppa keeke amu eɗun aoglagnu aib dabmeppig. Ag anam heppeg amu, nob ena ahilag am okkai daakku. Ag Kayak Attannab Laa Oh Eɗattak, ag Nug bekkod daaglag. Aɗinu? Nug nuhig oo doyakppa danab laala, ag danab nau, danab nuhignu dab-ii-metteb ele, ag akka ahilagib dabmetteb ele, Nug amu dilag ele keeke ena madatte.

Prowerb 14:21

Danab nug mudippan laippunu ena iinab dootte amu, nug aakku hipunin hette; amge danab nug daɗek ehanadtte, nug itittak ena awom daatte.

Duteronomi 24:18

Isip appa, ag begbeg maɗi nid daaegeg, Yawe, ahilag Kayak, Nug ag begbeg maɗi nid dayak amunu qagaiettakppanu eɗua uhuqak dayaknu heum, gemu ag appa ii daatteb amu, dabmak amu hanhan ag daulagppa doaɗ! Diig amunu da ag haknunab anak nai imu madattem.

Rut 2:2

Aria, anam daye, deɗ laa Moap ah Rut nug ahipa Naomi amegppa aum. “⌊I ee aoɗ lakkunihnu amu,⌋ na appe, da ukken, maɗi nid dilag gumak danab laa oɗ medappi, nug, ‘Yo,’ ab amu, da maɗi nid amu dim lamatte, bali gumu ikki ele ii aoeg daatteb amu, da aokkul,” awa aum. Nug anam a amu, Naomi nug aum. “Am ena, na gona akke!” awa aum.