Duteronomi 24:16 - Nobonob Baibel

¹⁶ Ag nid dilag hipuninnu anig mameg ii aqappeg mauhkkulagoitte. Am anig mameg hipunin heppignu nid ii aqappeg mauhkkulagoitte. Aun laa nug eheɗ heum, am nukka nuhig eheɗnu qeppeg mauhkkuoitte; laa ii mauhma.

Duteronomi 24:16 Referans Kwoze

Esekiel 18:20

Danab aun nug hipunin hette ele, nug mauhkku. Laa nuhig abenab ii awa mauhma. Laa beɗuppa aab laa daatte ele amu, aab amuam nug bekka beɗuppa ii daama. O aab laa bekka beɗuppa daatte amu, aab amu nug mameg beɗuppa ii daama. Genab tutukku hak danabnu kobol genab tutukku ele, am nug beɗuppaib daakku. Danab nau, nau hette ele amu, nau hak amunu aab am nug beɗuppaib daakku. Laa beɗuppa ii daama.

2 Stori 25:4

Nug he, aa mauhpiɗ, amge nug Yawenu haknunab nai, Ɗo Nai Buk, Kayak Nug Moses amegppa a, Moses nug bukppa yom amu, nug nai amu laa dim lamitta, danab amu, aa nug mameg qeeh mauhom, nug aa bekkalti ii aqe mauhppig. Haknunab nai amuam inam. “Ag nid dilag hipuninnu anig mameg ii aqappeg mauhkkulagoitte. Am anig mameg hipunin heppignu nid ii aqappeg mauhkkulagoitte. Aun laa nug eheɗ heum, am nukka nuhig eheɗnu qeppeg mauhkkuoitte; laa ii mauhma.” Nai amu daatte amu, Amasaia nug amu dabmaama, nug nai amu dim lamittom.

Namba 26:11

Ahilagnu anam beum, amge Kora buɗub oh ii mauha malom, laa daappig.

Daniel 6:24

Ag amu anidna, king haknunab a, daup ag danab ag Daniel beɗuppa nai genab iitta yaappig ele, ag danab amu, ahilkad ah, ahilkad nid ele diin dona, moɗ naɗi laion daattebppa buɗiatteg noegeg, ag moɗ batakppa ii noegeg, laion aelkadppa, eppelkadppa ele kattiɗadna heeg, huppu huppu neppig.

1 Samuel 22:16

Ahimelek nug anam aum, amge King Saul nug aum. “Iitta! Ahimelek, na amu na mamen baekkudppa ele ag mauhkkulag,” awa aum.

Esekiel 18:4

Danab ohnab am dahiladib. Laa mameg am dahil, danab amu bekka am ele dahil. Aɗit oh am dahilib, amu auntai laa nug hipunin heeb, nug mauhkku, am laa iitta.