Duteronomi 24:15 - Nobonob Baibel

¹⁵ Nug am daɗek, amunu nug ee, amu keeke laala ele daden mekkunu, nug men doɗonu oo daatte. Anam amunu na uɗat hak nob nuhig deɗ ohppa uu-ii-doobob medakkut. Na anam ii hekkut dayeb amu, danab amu nug hak amunu Yawenu gayeb, hipuninnu aab na beɗunppa daakku.

Duteronomi 24:15 Referans Kwoze

Lewitikas 19:13

Ag aib lokkumak kobol eheɗppa ahilkad mudippan laippu, ahilkad keeke aoppig. Ahilag keeke ele aib yab aoppig. Ag haen oh ahilkad uɗat nid ag uɗat heppignu nob, daden ⌊elele⌋ haenppa matteg!

Jems 5:4

Antteg! Uɗat nid ag ahilag uɗat heppig, me ag enub danab ag uɗat nid amu buppualadnana, uɗat heppignu daden nob ii madappig amu, men doɗo amu eɗua danab baag bia, “Ag eheɗ heppig,” awa maditte. Uɗat nid amu dilag ewak, nai amuam Naɗi Ɠagattag Oh Ele, Nug daugppa noum daatte.

Jeremaia 22:13

King auntai laa nug genab tutukku hak kobol ii dim lamitta, danab ah gumattette, ag nuhig uɗat hetteb, amge nug ag ahilag uɗatnu nob ii madatta, nug nuhig lag enanagnab hette amu, nuhignu gadonnab gadon. Ao, king auntai laa nug nai doya mala hettoɗia epeɗia elele mettak kobol ii dim lamittatta he, danab ah gumadtte ele, ag nuhig uɗat hamu, nob iitta heegeg, nug lag enanagnab nuhig hette amu, nuhignu gadonnab gadon.

Duteronomi 15:9

Am ag dabmen autna aweg! Am ag dabmak nau aon aɗan, akka akka ahilagnu inam aib appig. “Nakok laa ele amu maɗ eblaih aɗit ele, amuam lonnu hippalakppanu uhuqaknu maɗ amu, maɗ amu digmekkunu daatte, am da men doɗo dahil eɗuen aokkulnu elele iittatai.” Dabmak amuam ena iitta. Ag amubia dabmena, ag daɗek keeke laa ii mattaglag am eheɗ. Danab amu amu, ag am ag lailkad, am ag ii ehanadkkulag dayeb amu, ag eheɗ heppignu Yawe oɗ mettaglagnu elele daatte. Ag anam heppeg, Kayak Nug ag eheɗ heppig akku.

Job 35:9

Danab okkai ag laa eheɗ hattegeg, danab ag eheɗ aotteb amu, ag Kayak ehanadkkunu gaatteb. Ao, ag Kayak ehanatteb, ag danab ɠagattag amu eppelkadppa daamnanu oo doyakppa Kayak unuqidtteb.

Job 34:28

Danab okkai amu ag daɗek danab ah dilag eheɗ hatteg, daɗek amu ag Kayak ehanadkkunu gaappig. Ag gaaegeg, Nug ahilag unuqittak doyom.

Mak 10:19

Amge nahip oɗmaknu amu, na ɗo oh doottem. Na ewau aib pakkuna gappai heme. Na danab aib qeppe mauhom. Na yabhok aib heme. Na hettoɗiakppa, aben laa oh eleppa, na layapnu nai hambuppuak aib mattime. Na kobol hambuppuakppa keeke aib aome. Na mamen, anin ele binalah mate!” awa aum.

Matyu 20:8

Aria, uɗat haen iitta me, grep dad mameg nug uɗat amu gumak danab onigppa e uɗie, amegppa inam aum. ‘Na uɗat nid onilagppa eppe uɗippeg, ahilag uɗat nob daden matte! Madakkut, amge laa dim doppig, amu dilagppa digmena, daden madappe ukkeb, tatam doppigppa bate!’ awa aum.

Aisaia 5:7

Aɗinu? Israel buɗub ag am Yawe Nukka Ɠagattag Oh Ele, ag nuhig muɗi grep dad bia. Ao, Juda buɗub ag am muɗi grep, Yawe eppa, muɗi grep amunu enanagnab doyom bia. ⌊Yawe Nug ag ena atognoattatta,⌋ Nug danab ah amu ag nai doya mala hettoɗia epeɗia elele mettak kobol dim lamidkkulagnu dabmeum, amge iitta! Ag danab aqaeg mauhtteb! Ao, Nug ag anen anen, ag genab tutukku hak kobol danab ah laa dilagppa hekkulagnu dabmeum, amge iitta! Ag danab ah laa dilagppa kobol nau heegeg, danab ah ag uug nau doon gaatteb!

Sam 86:4

Ge, O Naɗi, da, nahip maɗi nid, da na unuqidttem amunu, na heppe, da gamag ahak dookkulnu oɗ medattem.

Sam 25:1

O Yawe, da gemu na unuqidttem.

Sam 24:4

Amuam laa ag oolagppa oppiak ele, agib appa daaglag. Yo, amuam laa ag dottolag eppelagppa hoyadppig dilagnu dup noa binag mak kobol ii hetteb, agib appa daaglag. Ge, amuam laa ag hambuppuak nai laanu ag ahilag nai ɠagattag qena ana, ag nai amunu, “Am nai genab,” ii maditteb ele, agib appa daaglag.

Job 31:38

Da danab laa qe mauhe, nug baekkudppan nuhignu eheɗ gaaegeg, da nuhig wan hamu aolomlob,

1 Timoti 5:18

Amuam Kayak nai atte amubia. “Na makau okkai ebehi ele ee aeg, dappunkkeg ele piɗe piɗe daaglagnu uɗat haaha, ee laabob, na aib lanak uukkunu oɗe hautna qakkame.” Laa ele, “Uɗat nid nug nuhig uɗatnu nob aokkun daatte.”

Lewitikas 25:35

Ag lailag, Israel ted laa, nug ag oolagppa dayebeb, aɗi uug beeb, daɗek ma, nug ee keeke aokkunu ib iitta daakku dayeb, nug tuɗid ag oolagppa daakkunu, ag wan laihnu danab ehanidtteb, o ag danab laa nug wan laappan uɗia, haen tutuib dayak danab ehanidtteb, amubia ag laa daɗek meum amu, nuhignu heig!

Job 31:13

Amu dahilad maɗi nid laa, o dahilad maɗi ah laa nug dahilnu nai ele, amge da haen amuppa nai doya mala hettoɗia epeɗia elele mettak kobol ii dim lamidlomlob amu,

Job 7:2

Ig begbeg maɗi nid laa, nug laanu uɗat huana haaha, tueb meeb, hik awa daakkunu oo huana hette bia daattem. Ao, ig laa nug laanu uɗat nid, nug uɗat haaha, nuhig daden aokkunu oo huana hette bia daattem.

Malakai 3:5

Amu Yawe Nukka Ɠagattag Oh Ele Nug atte. “Haen amuppa da ag hettoɗiakppa maadkkul. Da danab ag onig awak heppig, danab wau uuitta ah laa ele oipiɗ, laa hambuppunna, nai hambuppuaknu, da dahil nai ɠagattag qein, nai amuam genab attem, appig ele amu, da ahilag kobol nau amunu paha mattien, naippa yaaladkkulnu daakkul. Laa ag ahilkad uɗat nid daden elele ii madappig, laa ag ah qab, gamulkad mauhppig, amu nid anilkad mamelkad mauhppig ele eheɗ hadappig, amu laa ag wan laihnu danab ag uɗin, ag oolagppa daaegeg, ag ahilagnu nai doya mala hettoɗia epeɗia elele mettak kobol ii dim lamidppig amu, da ahilag kobol nau amunu paha mattien, naippa yaaladkkulnu daakkul. Danab ah nau amu hetteb ele amu, ag dahilnu ebehilag oh bodoetta le ii mette amunu, da anam hekkul.” Yawe Nukka Ɠagattag Oh Ele Nug anam atte.