Duteronomi 24:13 - Nobonob Baibel

¹³ Nahipad mudippan laippu nug lamen amuppa niikkude amunu, na lamen amu uu-ii-doobob, eɗun medakkut. Na amu hekkut dayeb, na laipad mudippan laa amu nug amunu, “Ena heme,” awa akku, amu Yawe, ahilag Kayak, Nug danab anam hette ele, Nug nuhig hak amunu genab tutukku hak kobol dookku.

Duteronomi 24:13 Referans Kwoze

Daniel 4:27

Anam aakku amunu, O king, da ulum nai laa medappi, na nai amu aon dim lamidkkutnu oɗ medattem. Na hipunin baula aib heme, amu na aɗi hettem amu, na hanhan kobol genab tutukkuib he! Ao, na eheɗ laa aib heme, amu na danab ah, ag laa eppelagppa daaeg, eheɗ hadatteb ele, na amu dilagnu oo gai-iitta doya, oo metta, ehanattak kobol he! Na amu hekkut dayeb amu, Kayak Nug ehanitteb, na tuɗidna, maɗoɗ ele daakkuttai.” Daniel nug King Nebukatnesar amegppa anam aum.

Duteronomi 6:25

Amu ig Yawe, ihinig Kayak, ig Nug haknunab anak oh ig mekkom, Nug noobppa pehettak dim lamidkkunig dayeb amu, amuam genab tutukku hak kobol ihinig daakku.” Nai amuam ag nid naunau ahilkad tutukku appeg dooglag.

Duteronomi 24:15

Nug am daɗek, amunu nug ee, amu keeke laala ele daden mekkunu, nug men doɗonu oo daatte. Anam amunu na uɗat hak nob nuhig deɗ ohppa uu-ii-doobob medakkut. Na anam ii hekkut dayeb amu, danab amu nug hak amunu Yawenu gayeb, hipuninnu aab na beɗunppa daakku.

Jems 1:27

Danab nug Kayak, ig Mamenig, Nug binag tutukku mekkunu amu, Kayak Nug kobol imunu elele anidtte. Danab amu nug nid naunau laa ag mamelkad anilkad mauhppig, o iitta danab nug mauhe, wau qab ma daatte ele amu, nug amu ehanatta, uug ahilag maokku. Keeke laa ele, nug nuhig oiyak, dayak elenu dabmak awa, nug wanppan kobol, nug oo dubuttid mettamanu, amu ele nug dabma auta aokku.

Epesus 4:26

Ag oolag nauhkku dayeb amu, ag hipunin hemananu dabmeig! Ag oolag nauhkku dayeb, oo nauhak amu nug dayebeb ukkeb, aam aib noum. Aam ii noak haenppa ag oolag laippu meig!

Amos 2:8

Ag laa dilag lamen, lamen amuam keeke lonnu onig awak daatte, ag tueb eɗun, mameg mettalob amu, ag lamen amuppa niitteb. Ag ahilkad kayak hambuppuak binalag menana, ahilkad qaɗab oh daugppa amu hetteb. Ao, ag danab hettoɗiakppa mena, ag eppelagppanu men doɗo aon, ag men doɗo amuppa wain aon, ag ahilkad kayak hambuppuak laulkadppa wain amu latteb.

Esekiel 33:15

nug ii mauhma. Iitta. Nug bau daakku. Nai doya mala hettoɗia epeɗia elele mettak kobol, genab tutukku hak kobol ele nug digma hekku am inam bia. Nug keeke lonnu onig awak daatte, nug keeke amu laa nug mettom amu, nug eppegppa eɗua mekku. Nug aɗi keeke yab awom amu, nug keeke amu awa, mameg eɗua medakku. Nug dahil ɗo, danab amu dim lamittatta bau daakku amu, nug ɗo amu dim lamidkku. Nug eheɗ hak kobol digdig ii hema. Kobol nug hekku am anam. Nug anam hekku dayeb amu, nug ii mauhma. Nug bau daakku.

Esekiel 18:12

Nug daɗek danab amu laa ag keekenu tutu mak daatteb ele eheɗ hadatte. Nug yab hette. Nug keeke lonnu onig awak daatte amu eɗua, mameg ii medatte. Nug kayak hambuppuak binag maama, nug kobol digdig, da kobol amunu oolppa uuaknab doottem amu, nug kobol amu ele hette.

Esekiel 18:7

Nug laa eheɗ ii hatta, nug keeke lonnu onig awak daatte amu eɗua, mameg medatte. Genab tutukku hak danab amu nug yab ii hette. Nug danab enug qeeqe, ee medatte. Ao, nug laa lamen iitta ele lamen medatte.

Aisaia 58:8

Amu ag anam heppeg amu, amahlak ahilagppa pahanab buttua amahlak uɗitte bia uɗikku. Yawe Nug heeb, ag paha eɗun ena daaglag. Amu ele, Yawe Nug ahilag genab tutukku hak kobolnu diig daatte, Nug geha ag noolag awa, anuqa ugakka, atognoadkku. Yo, Yawe Nug binag amahlak oppiaawak ele, Nug ag dim lamattatta, atognoadkku.

Sam 112:9

Genab tutukku hak danab nug daɗek danab huana ehanadtte. Ao, nuhig genab tutukku hak kobol am hanhan alet daatte. Ge, nug danab laa noolagppa binag okkai ele daakku.

Genesis 15:6

Aria, Abram nug Yawenu nai ooppa genab doyom amunu, Yawe Nug Abramnu, “Nug am genab tutukku hak danab daatte,” awa aum.

Esekiel 18:16

Nug laa eheɗ ii hatta, nug laa lon metta, nug keeke lonnu onig awak daakkunu ii atte. Genab tutukku hak danab amu nug yab ii hette. Nug danab enug qeeqe ee medatte. Ao, nug laa lamen iitta ele lamen medatte.

Duteronomi 24:12

Am laipad Israel oolagppa laa nug daɗektai, nug layaknu lamen aakkuibtai keeke lonnu onig awak daakkunu elele aɗatte dayeb, na lamen amu aib tuqan aɗan daame.

Eksodas 22:25

Danab o ah dahil laa ag oolagppan nug keekenu tutu mak dayaya, ahilagppanu lon aweb amu, ag danab nug bisnis uɗat ha, lonnu intres aotte amu, ag nug hette bia aib heppig. Iitta. Ag intres laa aib aoppig.