Duteronomi 24:12 - Nobonob Baibel

¹² Am laipad Israel oolagppa laa nug daɗektai, nug layaknu lamen aakkuibtai keeke lonnu onig awak daakkunu elele aɗatte dayeb, na lamen amu aib tuqan aɗan daame.

Duteronomi 24:12 Referans Kwoze

Duteronomi 24:17

Ag wan laihnu danab ah dilagppan nai doya mala hettoɗia epeɗia elele mettak kobol dim lamidkkulagoitte. Ag nid naunau mamelkad mauhppig ele dilagppa ele anam hekkulagoitte. Ag ah qabnu lamen, keeke lonnu onig awak daakkunu ii aoglagoitte.

Job 24:9

Nid yuɗ, mameg mauhom ele amu, nug anignu huh ii uuom, huh lanan dayeye, anig nug gamu iitta, keeke ele iitta amunu, nug eɗua lonnu men doɗo nau hak danab medakkunu elele iitta dayeye, nau hak danab nug uɗia, ah amunu nid yuɗ huh laawo, aɗitta awa ukka me, laa nid am okkai ma, nuhig maɗi nid daakkunu daden mette. Ge, daɗek ag men doɗo aoglagnu gona, nau hak danab eppelagppa lon aon, eɗun men doɗo amu nob mattaglagnu elele iitta daaegeg, nau hak danab ag ahilag men doɗo eɗun aoglagnu daɗek dilag nid yuɗ diitteb.

Job 24:3

Ag nid ag mamelkad mauhppig ele dilag donki yab aotteb. Ao ag ah qab, ag ahilkad makau okkai ebehi ele keeke lonnu onig awak daaglagnu ele diin aotteb.

Job 22:6

Anak amunu diig am inam. Na layap laa lon mettan, na hamu, diig iittappa keeke lon amunu onig awak daatte nug eppegppanu aome. Ao, ib amuppa na hee, danab ag ulahnu lamen ahilag keeke lonnu onig awak daakkunu na metton, ag lamen amu iitta ele, beɗulagppa lamen elele iitta aakku oippig.

Duteronomi 24:11

Na dimittim daappe, keeke amu mameg nug awa, dimittim doa medakku.

Duteronomi 24:13

Nahipad mudippan laippu nug lamen amuppa niikkude amunu, na lamen amu uu-ii-doobob, eɗun medakkut. Na amu hekkut dayeb, na laipad mudippan laa amu nug amunu, “Ena heme,” awa akku, amu Yawe, ahilag Kayak, Nug danab anam hette ele, Nug nuhig hak amunu genab tutukku hak kobol dookku.

Job 24:7

Ag ⌊ulahnu⌋ lamen iitta amunu, tuqan ag lamen elele iittappa niitteb. Ge, ag oug doomnanu lamen laa laappeg, gakkaɗeb niiglagnu laal iitta.

Job 24:10

Daɗek ag lamen iitta amunu, ag beɗulag miag ele oitteb; ag nau hak danab dilag ee maon oin, ma lakka, o daden mak abenppa metteb, amge ag ee lakkulagnu laal iitta amunu, enug aqatte.