Duteronomi 23:9 - Nobonob Baibel

⁹ Haen ag ahilkad kekeɗ banelag gona, haen tutu dayaknu aab kalakppa daanna amu, ag Kayak ele ouqa dayaknu elele iitta keeke, ag keeke amu oh dilagnu awaidna dayeg!

Duteronomi 23:9 Referans Kwoze

Josua 6:18

Ag Yawenuib nuhig pelemppa daamnanu, ag aibnab keeke Yawenuib nuhig pelemppa daatteb, ag amu laa aɗappig! Ag keeke laa Yawenuib nuhig pelemppa daatte aoglag dayeb amu, amuppa ag akka ag hena, ag Israel oh ag Yawenuib nuhig pelemppa daan, ag hena, Israel dilag haen tutu dayaknu aab kalak nauhkkun daakku.

2 Stori 19:4

Amu Jehosapat nug Jerusalem appa dayom, amu nug aha, appanu Juda wan ohppa, amuam aab Berseba ukka, Epraim wanppa, qauko qauko daattebppa batak, nug aben amu ohppa oiyaya, nug danab ah ag eɗun, Yawe, ag mamelkad aɗi dilag Kayak, nug ag eɗun, Yaweib dim lamidkkulagnu a, aakku ag heppig.

Ikki Danab 20:26

Anam heeg, Israel oh ag eɗun, Betel tena, ag Yawe noobppa gaanna, ag ee ohnu kud mena daaeg ukke, uudoum. Ag manaknu ofa Yawe mettana, amu ag laippu dayaknu ofa ele Nug mettana,

Luk 3:14

Anam a amu ban danab laala ele ag oɗ medappig. “Ig amu attem hekkunig?” aon appig. Aeg amu nug amelagppa aum. “Ag danab laa aib duttunattegeg, ag men doɗo madappig; amu laa ag hambuppuna, danab eheɗ laa ii heum ele, ag nug eheɗ heum aib appig. Ag ahilag uɗatnu nob tutukku aona, baubau awaknu aib dabmeppig. Ag aotteb ele amu, ag amunu elele doonna dayeg!” awa aum.

2 Stori 31:20

Hesekaia nug Juda wan ohppa anam heum. Nug Yawe, nuhig Kayak, nug nuhig neekkakppa, keeke ena, keeke tutukku, kobol ena haknu oo metta ii uuak kobol ele dim lamittatta heum.

Duteronomi 23:8

Menuattak huu laippu bia ewam batak amu, menuattak amuppan Isip danab ah, Edom danab ah ele, ag Isipnu, o Edomnu ahan uɗippig ele, ag ag, Yawenu danab ah, Israel, ag ag ele laippunab daaglagnu elele.

Duteronomi 23:10

Aun laa nug tul niia, hipab leppu hamu gokkaɗom dayeb amu, nug Kayak ele ouqa dayaknu elele iitta amunu, nug haen tutu dayaknu aab kalak amu uua aha, deɗ laippu oh amu laih ukka daakkuoitte.

Aisaia 56:3

Amu wan laihnu danab laa, nug Yawe dim lamittatta, nug Kayak noobppa dup noa, genab binag mette amu, nug, “Yawe Nug da nuhikkud danab oolagppa daakkulnu genab uukku,” aib aum. Amu danab laa, nug hipab qak daatte amu, nug, “Da nid ele daakkulnu elele iitta amunu, Yawe Nug dahilnu oo ii hema,” aib aum.