Duteronomi 23:8 - Nobonob Baibel

⁸ Menuattak huu laippu bia ewam batak amu, menuattak amuppan Isip danab ah, Edom danab ah ele, ag Isipnu, o Edomnu ahan uɗippig ele, ag ag, Yawenu danab ah, Israel, ag ag ele laippunab daaglagnu elele.

Duteronomi 23:8 Referans Kwoze

Duteronomi 23:7

Ag Edom dilagnu, Isip dilagnu ele oolagppa uuaknab aib dooppig. Aɗinu? Edom ag ele amu, ag am eamag bia. Aria, Isipnu amu, ag appa wan laihnu danab ah ag oolagppa daappig.

Duteronomi 23:9

Haen ag ahilkad kekeɗ banelag gona, haen tutu dayaknu aab kalakppa daanna amu, ag Kayak ele ouqa dayaknu elele iitta keeke, ag keeke amu oh dilagnu awaidna dayeg!

Genesis 25:25

Matunu amu nug beɗu kokoɗ, uɗig alala amunu, ag nug onig Esau ataɗppig.

Genesis 25:26

Aria, gehanu nug anig menuewe, nug Esau baeg bittub aɗaɗa neum amunu, ag nug onig Jakop ataɗppig. Haen aa dopiɗ amu, Aisak nug maɗ 60 ele dayom.

Eksodas 22:20

Da am Yawe, amu ag doɗ main, daib meɗeg! Danab laa nug doɗ laa mana, kayak hambuppuak laa medakku dayeb, ag heppeg, danab amu nug dahilnuib, dahil pelemppa dayaɗ!

Lewitikas 19:34

Ag amu dilagnu amu, ag akka ag ahilkad menuattak ena hadattebbia, ag anamib amu dilag hattan, ag akka ahilagnu oolag mauhtte bia, ahilagnu oolag mauhkkuoitte. Aɗinu? Ag ele am haen laa, Isip wanppa, wan laihnu danab ah daappig. Da am Yawe, ahilag Kayak.

Duteronomi 10:19

Ag Israel, ag anukka Isip wanppa, ag wan laihnu danab ah daadppig amunu, ag ele wan laihnu danab dilagnu oolag mauhaɗ!

1 Samuel 30:11

Ag gonana, Dawitnu ban danab laala ag Isip nid bau laa, nug wanppa niieye anidppig. Anidna, ag aon, Dawit toppa gona, ag ee, le ele nid bau amu medappig.

1 King 3:1

Am Solomon nug Isip dilag king Paro ele aa nug tituanpiɗ. Wan aɗit amu, Israel wan am Isip wan ele, aa ban ii hemaya, ena, hamu daaglahnu, aa amunu anam hepiɗ. Aa tituanak amu heya, Solomon nug Paro aɗeg nuhig ah daakkunu awom. Am Solomon nug ah amu awa, nug omala, Dawitnu Aab, appa uɗie dayom. Nug ah amu awa uɗie, nug appa dayeye ukke, Solomon nug nuhig lag enanagnab ha malowa, nug Yawenu mettid lag ha malowa, amu nug Jerusalem aɗub, Jerusalem talilitta daakkunu ele ita male ⌊ukke, ah amunu laug ele ha male, ah amu nug lag amuppa ta,⌋ haen amuppa nug dayomppa dayak am batom.

Esra 9:1

Amu dimppa Israel dilag ikki laa ag uɗin, da, Esra, ag da amelppa appig. “Danab ag gemu ig miag taliligna daatteb ag, ag kobol nau digdig, Kayak Nug kobol amunu ooppa uuaknab dootte amu, ag kobol amu hetteb. Ag Kanan danab, Hit danab, Peres danab, Jebus danab, Amon danab, Moap danab, Isip danab, Amo danab ele dilag kobol nau dim lamidna heegeg, Israel danab ah ag danab ah amu ele ouqak ii daamnanu ag akka ag awaidna ii daan, ag ele kobol nau hetteb. Israel danab ah, Lewi buɗubppan mana mettak danab, Lewi buɗubppan mana mettak danab iitta ele, ag amu hetteb.

Obadaia 1:10

Amu Yawe Nug inam atte. “Aɗinu ag Edom danab, ag anam aoglag? Diig am iikku. Ag ag lailkad Israel danab ah guittak nau mauhnoak madappig. Ag amu heppig amunu, uɗa nak ag tonatta daakku. Ao, geha ahilkad kekeɗ ag ag oɗoɗadppeppeg, ag nauhna autna aoppeg, hanhan anamib daakku.