Duteronomi 23:7 - Nobonob Baibel

⁷ Ag Edom dilagnu, Isip dilagnu ele oolagppa uuaknab aib dooppig. Aɗinu? Edom ag ele amu, ag am eamag bia. Aria, Isipnu amu, ag appa wan laihnu danab ah ag oolagppa daappig.

Duteronomi 23:7 Referans Kwoze

Duteronomi 10:19

Ag Israel, ag anukka Isip wanppa, ag wan laihnu danab ah daadppig amunu, ag ele wan laihnu danab dilagnu oolag mauhaɗ!

Eksodas 22:21

Amu ag laa nug wan laihnu danab, ag nug uug aib medappig. Aɗinu? Anukka ag Israel, ag ele anam aakku nug daatte bia, ag Isip appa wan laihnu danab daappig.

Lewitikas 19:34

Ag amu dilagnu amu, ag akka ag ahilkad menuattak ena hadattebbia, ag anamib amu dilag hattan, ag akka ahilagnu oolag mauhtte bia, ahilagnu oolag mauhkkuoitte. Aɗinu? Ag ele am haen laa, Isip wanppa, wan laihnu danab ah daappig. Da am Yawe, ahilag Kayak.

Eksodas 23:9

Ag laa nug wan laihnu danab, ag nuhignu kobol nau aib heppig. Aɗinu? Anukka ag Israel ag Isip appa wan laihnu danab ah daappig amunu, ag wan laihnu danab ah ag aɗi uug digdig dootteb amu, ag amu aakku dootteb.

Namba 20:14

Amu dimppa amu, Moses nug nai awa ukkak danab Kades appanu maatte, ag Edom dilag king toppa gona appig. “Ig, Israel danab amu, ig na laipad. Ihinigppa uug oh beum amu, na amunu doottem.

Genesis 25:30

“Enug huan iutte amunu, na paha lewa kokoɗ amu meɗappe lai!” awa aum. Anam aum amunu, ag Esau onig laa Edom ataɗppig.

Malakai 1:2

Yawe Nug Israel amelagppa atte. “Da ahilagnu oo mauhak doye, gemu ele doottem,” awa atte. Yawe Nug anam aakku atte, amge ag, Israel danab ah, ag Nug amegppa atteb. “Na ib adekkuppa genab ihinignu oot mauhom, gemu ele oot mauhtte ippunigkkutnu od medattem?” aon atteb. Ag anam atteb amu, Yawe Nug inam iikku amelagppa atte. “Esau am Jakop awag, me da ag alalag Jakopnu ool mauhom.

Sam 105:23

Amu dimppa Josep mameg Israel nug Isip ukkom. Ao, Jakop nug Isip, ⌊Isip onig laa am Ham,⌋ nug appa laihnu uɗiak danab dayom.

Genesis 47:27

Aria, Israel danab ag wan atu onig Gosen appa wan aona appatnana, enulag kuɗum ele aona, kuɗum daappig. Wan atu onig Gosen am Isip wanppa daatte.

Genesis 47:12

Ag appa daaegeg amu, Josep nug mameg, awakkud, amag amu laa oh ag ele daappig ee ahilag elele lakkulagnu otia madattom.

Genesis 47:6

Antte! Isip wan aakku daatte. Isip wan laih adekku am enanagnab amu, na appe, ag appa daaglag. Ag wan atu onig Gosen appa ena daaglag dayeb amu, ag appa dayeg! Amu laa ele, laa ag oolagppanu doɗ gumattak uɗat tutukku dootteb ele amu, na appe, ag doɗ dahil gumadkkulag,” awa aum.

Genesis 46:7

Jakop buɗub amu, ag am nug bekkod, nug aɗekkud, amu nug alakkud danab ah ele. Nug buɗub amu oh, ag aakku nug ele oh Isip wanppa goppig.

Duteronomi 23:8

Menuattak huu laippu bia ewam batak amu, menuattak amuppan Isip danab ah, Edom danab ah ele, ag Isipnu, o Edomnu ahan uɗippig ele, ag ag, Yawenu danab ah, Israel, ag ag ele laippunab daaglagnu elele.

1 King 11:25

Reson nug Aram dilag okkai dayaya, haen Solomon nug Israel dilag king dayeye, Reson nug haen amuppa Israel dilag kekeɗ dayom. Uug amuam Hadatnu uug tuɗittom.

Esra 9:12

Wan amuppan danab ah ag anam ele amunu, aria ag Israel, ag aɗelkad wan amuppan bekkalkad madappeg, ahilkad ah aib daappig. Anamib, ag wan amuppan aɗelkad diin, ag bekkalkad madappeg, ahilkad ah aib daappig. Ag ɠagattag daan, ag wan amuppan ee ena aon lakkulagnu, ag wan amu aon daan, ag ag bekkalkad ag aulag hanhan daakkunu mattaglagnu elele daaglagnu amu, ag wan amuppan danab ah ele layam batan, ag ele nug tituanna nai aib qagappig; gemu, butti aɗi ele anamib.’ Propet ag ig amenigppa anam appig.