Duteronomi 23:5 - Nobonob Baibel

⁵ Amge Yawe, ahilag Kayak, Nug ag Israel, ahilagnu oo mauhak dootte amunu, Nug Balam, ag Israel, ag eheɗ laa awaknu anak waappa daaglagnu nai akkunu uua, nug amu amananu ib keldoum. Nug Balam anam hekkunu uua he, ii beum, amge Yawe Nug he, Balam nug itittak ena ag mattom.

Duteronomi 23:5 Referans Kwoze

Rom 8:31

Amunu ig Kayak keeke heum ele, amu ohnu ig aɗi aot akkunig? Ig inam aot akkunig. “Kayak Nug ig ehanigtte dayeb amu, laa nug ig kekeɗ mekka eɗigkku? Iitta!” aot akkunig.

Namba 24:9

Israel danab ah ag amu laion laa bia; laion nug doɗ laa qa lawowa amu, nug niitte. Ao, Israel danab ag amu laion anig bia. Danab oh ag laion anam niieye maɗettaknu baɗatteb, amubia danab oh ag, ag Israel, ag ahilagnu anam dootteb. Auntai laa nug aɗalatteb ahaglagnu am laa iitta. O Israel danab, danab laa ag ag itadtteb amu, ag itittak ena aoglagnu ool daatte. Ao, danab laa ag ag eheɗ laa awaknu anak waappa daaglagnu nai atteb amu, ag am eheɗ laa awaknu anak waappa daaglagnu ool daatte.” Balam nug nai anam aakku mattiom.

2 Korint 4:17

Amu inam. Ihinigppa uug bette amuam nakokib; am haen tutu aakkuib daatte. Geha dimppa hab aabppa amu ig bau hanhan, ena dayak amu aognig. Hab aabppa bau ena dayak amuam ig beɗunignu uug nakok imu huanak eɗadtte.

Rom 11:28

Israel ag Jesusnu Nai Ena doon uuna, ag Kayaknu kekeɗ daatteb, amu ag iitta aɗi ag amuppa ehanittak aotteb, amge Kayak Nug anukka Israel ag tituanattom amu, Nug ag alalkad dilag dabmaama, Nug ag Israel, ahilagnu Nug oo mauhak ele dootte.

Maika 6:5

O danab ah dahilad, ag da, da Yawe, ag da kobol genab tutukku ele hanhan hettem dooglagnu, ag Moap dilag king Balak, nug ag Israel eheɗ hadakkunu dabmeum ele amu, ag nuhig nai nau amu dabmenana, ag Beor bekka Balam nug aɗi nai eɗua, Balak amegppa aum amu, ag amu oh dabmenan dayeg! Laa amu, ag Israel, ag Sitim daanna, ag ahan, Jodan le mataɗna, Gilgal goppig amu, ag amu ele dabmenan dayeg!” Yawe Nug anam awa atte.

Jeremaia 31:3

Amu anukka Yawe Nug ig Israel danab gumikka uɗia, Nug mattiaya inam aum. “Da oo mauhak tuqa ii awak eleppa ahilagnu ool mauhom, gemu ele amu hettem. Ao, da oo mauhaknab kobol dim lamittette, dahilppa uɗiglagnu eeɗadmi.

Esekiel 16:8

Na anam ena mena dayeye, dimppa da baula laih gokkulnu na daameppa uɗie, da neekki ukke, na anitten, na elele ena mena, na danab aokkutnu elele daame anidmi. Da anam anitte, da na dahil ah daakkutnu tituanitten, bam iitta daamnanu lamen mette, da nahip danab daakkulnu dahil nai ɠagattagnab qetten mattii, na da ele ewau daagnihnu i nug tituanɗa nai qakkaɗa, na dahil aakku daame.’ ” Naɗi Yawe, Nug anam awa atte.

Prowerb 26:2

Danab laa nug eheɗ laa ii heum, me danab ag nug eheɗ laa awaknu anak waappa daakkunu akkulag dayeb, nai amuam meu ii oma; nai amuam ai naunau ag hagagaɗna laih laih gona, aben laippuppa ii daatteb, am amubia, nai amu danab amu, nuhigppa ii daama.

Sam 73:1

Amu genabnab, Kayak Nug am Israel danab ah dilagnu ena hadatte. Ao, Nug am laa ag oolag unuqagppa oppiak ele daatteb dilagnu ena hadatte.

Duteronomi 33:3

Amu genabnab, Yawe Nug nuhikkud danab ah dilagnu oo mauhak dootte. Yo, nuhikkud tituanak daatteb oh ag Nug eppegppa aakku daatteb. Ag nuhig hak amu dim lamidnan, nuhig ib ippunittak nai ele dim lamidtteb.

Rom 9:13

Kayak naippa yaak amunu inam daatte. “Da Jakopnu ool mauhom, amge da Esau geɗidmi.”

Namba 22:35

Balam nug anam aum, amge Yawenu engel nug amegppa aum. “Na danab imu ele gokkulag, amge na aɗi madikkutnu akkul ele aakkuib mattie!” awa aum. Awa a amu, Balam nug anuqak danab Balaknu ele oh goppig.

Malakai 1:2

Yawe Nug Israel amelagppa atte. “Da ahilagnu oo mauhak doye, gemu ele doottem,” awa atte. Yawe Nug anam aakku atte, amge ag, Israel danab ah, ag Nug amegppa atteb. “Na ib adekkuppa genab ihinignu oot mauhom, gemu ele oot mauhtte ippunigkkutnu od medattem?” aon atteb. Ag anam atteb amu, Yawe Nug inam iikku amelagppa atte. “Esau am Jakop awag, me da ag alalag Jakopnu ool mauhom.

Duteronomi 4:37

Nug ag mamelkad aɗi dilagnu oo mauhom amunu, Nug ag buɗulkad tituanatta, Nug nukka nuhig ɠagattag okkai eleppa Nug ag Isipnu diia, omalatte uɗippig.

Josua 24:10

amge da nug anam akkunu uuen, nug amu amananu ib keldomi. Da anam heine hei, Balam nug ag haen nakok kuɗum itattom, amunu Balak nug ag aqamanu da ib oo nemi.

2 Samuel 16:12

Nug anam heebeb, Yawe Nug uug nau dahilppa gemu beum antta, Nug nai nau danab imu dahilnu maditte ele dabmaama, eɗua ehaniɗa heeb, da ena daakkultai,” awa aum.

Nehemaia 13:2

Amon danab, Moap danab ele ag Israel oolagppa laippunab ii daamnanu diig am, haen Israel ag Isip wan uun uɗippig, ag uɗiegeg, Amon danab, Moap danab ele ag ee, le ele aon, Israel ii madappig. Iitta. Ag amu hak uun, Moap dilag king nug Balam heeb, Israel ag eheɗ laa awaknu anak waappa daaglagnu men doɗo mettom. Nug amu he, Balam nug amu hekkunu heum, amge Kayak he, eheɗ laa awaknu anak waappa dayaknu nai amu eɗua, itittak ena dayom.

Duteronomi 2:29

Esau buɗub, Seir datteb ag uuikkeg, ahilag wanppa nota wata uɗimut. Moap, Ar daatteb, ag ele anam heppig. Uuigppe, ig nota gota, Jodan mataɗta wata, Yawe, ihinig Kayak, Nug wan megakkunu hette, ig amuppa notu!” Da nai amu nug dookkunu mei ukkom.