Duteronomi 23:4 - Nobonob Baibel

⁴ Danab amu ag, ag haen ag Israel ag Isipnu ahan ukkaeg, ag ena hena, ee, le ele ii madappig. Iitta. Ag Beor bekka Balam, Peto ted Aram Naharaim uppanu amu, ag nug uɗia, ag eheɗ laa awaknu anak waappa daaglagnu akkunu, nug uɗat medappig.

Duteronomi 23:4 Referans Kwoze

Nehemaia 13:2

Amon danab, Moap danab ele ag Israel oolagppa laippunab ii daamnanu diig am, haen Israel ag Isip wan uun uɗippig, ag uɗiegeg, Amon danab, Moap danab ele ag ee, le ele aon, Israel ii madappig. Iitta. Ag amu hak uun, Moap dilag king nug Balam heeb, Israel ag eheɗ laa awaknu anak waappa daaglagnu men doɗo mettom. Nug amu he, Balam nug amu hekkunu heum, amge Kayak he, eheɗ laa awaknu anak waappa dayaknu nai amu eɗua, itittak ena dayom.

2 Pita 2:15

Hambuppuak ippunittak danab amu, ag ib tutukku ettan, ib eheɗppa gotteb. Ag Beor bekka Balam, nug ib dim lamittom ele dim lamidtteb. Balam nug men doɗonu oo mauhe, kobol nau haaha, men doɗo aokkunu dabmeum.

Matyu 25:40

Ag anam appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa heppig amu, ag dahilppa heppig,’ awe akkul.

Sekaraia 2:8

Ag amu hekkulagnu diig am, Yawe Nukka Ɠagattag Oh Ele, Nug da, ⌊Sekaraia, Nug da⌋ Nug binag medakkulnu meiɗe uɗiminu atte. Nug wanppan wan laala, ag ag Israel eɗadna, ahilkad keeke aon goppig ele, Nug amu dilagnu inam atte. “Aun nug ag Israel eheɗ hadatte ele, nug da, Yawe, nug da eheɗ heiɗtte.

1 King 18:4

Amu haen kuin Jesebel nug Yawenu propet danab aqeeqe, Obadaia nug propet danab amunu 100 diia, men oɗe aɗit, amuppa lokkumattom. Nug propet danab 50 laa amu men oɗe laappa lokkumattowa, 50 laa amu men oɗe laappa lokkumatte daaegeg, bret, le ele matte, lanan daappig.

1 Samuel 25:11

Amu da dahil bret, le, amu doɗ da baalag otaɗadmi ele, da ee amu danab sipsip uɗilag otaɗadtteb lakkulagnu bappaidmi amu, aɗinu da amu awen, da danab laih da ii doottem ele madakkul?” awa aum.

Namba 23:7

Balam eɗua uɗia, Balak hibaitta dayeye antta, nug digma, Yawe aɗi nai amegppa aum amu, nug nai meunab ele amu mattiom. Nug aum. “Balak nug da appal Aramnu ahe, ippa uɗikkulnu aum. Yo, Moap dilag king nug he, da qauko, kaɗag uɗitteppanu daatteb, da appanu ippa uɗimi. ‘Na uɗin, dahilnu Jakop buɗub ag eheɗ laa awaknu anak waappa daaglagnu a!’ awa aum. ‘Ao, na uɗin, Israel ag nauhkkulagnu a!’ awa aum.

Aposel 9:4

Anam amu, Saul nug wanppa na qa, wanppa niieye, nai baag laa na, inam nug amegppa a doyom. “Saul, Saul, na aɗinu da eheɗ heiɗttem?” awa aum.

Aisaia 63:9

Haen ag uug nau dooppig amu, Nug ele uug nau doya he, laa nugatoppa daatteb amu, nug ehanatte, padal ii meppig. Nug ahilagnu oo mauhak doya, ag dabmatta, oo gai-iitta doya oo metta ehanittak kobol ele dim lamittom amunu, haen kuɗum ag nau doyegeg, Nug amunu qagaiettakppanu eɗua uhuqak heum. Anukka, haen amuppa, maɗ kuɗum ukkom amu, Nug danab laa nid nakok laa ehanitta awa maotte, amubia ag ehanattom. ⌊Yawe Nug nukka amu oh ahilagnu heum.⌋

Jut 1:11

Danab amunu am gadonnab gadon. Ag Kainnu kobol hena oitteb. Ag men doɗonuib dabmena, Balam kobol eheɗ heum bia hetteb. Ag anukka Kora tappe nak ha nauhom, amubia ag anam hena, padal metteb.

Josua 24:9

Aria, Sipor bekka Balak, Moap dilag king, nug ahe, ag Israel, nug ag ele ban heppig. Nug Beor bekka Balam, nug ag eheɗ laa awaknu anak waappa daaglagnu akkunu oɗ mettom,

Jeremaia 49:1

Amon danab ah dilagnu amu, Yawe Nug inam atte. “Israel danab ah ag nid danab laa iite menuadppig? Israel buɗub laa iite daatte? Iitta. Israel danab ah ag nid danab menuadppig. Ag buɗulkad ele amunu, gemu Amon danab, ag kayak hambuppuak Molek noobppa dup nona, nug binag metteb ele, aɗinu danab amu ag Gad wanppa daatteb? Aɗinu Amon danab ag Gadnu aabppa daatteb?” Yawe Nug oɗ ma, anam atte.

Esra 9:1

Amu dimppa Israel dilag ikki laa ag uɗin, da, Esra, ag da amelppa appig. “Danab ag gemu ig miag taliligna daatteb ag, ag kobol nau digdig, Kayak Nug kobol amunu ooppa uuaknab dootte amu, ag kobol amu hetteb. Ag Kanan danab, Hit danab, Peres danab, Jebus danab, Amon danab, Moap danab, Isip danab, Amo danab ele dilag kobol nau dim lamidna heegeg, Israel danab ah ag danab ah amu ele ouqak ii daamnanu ag akka ag awaidna ii daan, ag ele kobol nau hetteb. Israel danab ah, Lewi buɗubppan mana mettak danab, Lewi buɗubppan mana mettak danab iitta ele, ag amu hetteb.

Gayak Nai 1:10

Kekeɗ ag uɗin, Juda dilag en aon goppig; wanppan wan laala, amuppan danab ag Kayak ii dim lamidtteb ele, ag Yawenu mettid lag ooppa ukkaegeg, Juda danab ah ag amelagppa anadppig. O Kayak, na danab amunu ag na lautppa wana nokkulagnu aib ame; amge ag wana noppig.

Esekiel 44:9

Amu Naɗi Yawe Nug inam atte. “Wan laihnu danab, ag oolag babaittak iitta, beɗulag gaɗa otaɗak iitta ele amu, amunu laa nug dahil mettid lag ooppa iinab tema. Ge, wan laihnu danab, ag ag Israel oolagppa daatteb ele, ag oolag babaittak iitta, beɗulag gaɗa otaɗak iitta ele amu, ag ele, ag iinab temana.