Duteronomi 23:3 - Nobonob Baibel

³ Amon tedte, o Moap tedte, o nug buɗubppud laala menuak laippu bia 10 batak, ag Yawenu danab ah Israel, ag ag ele laippunab ii daamna.

Duteronomi 23:3 Referans Kwoze

Nehemaia 13:23

Amu haen amuppa ele da Juda danab ag Asdot ah, Amon ah, Moap ah diippig ele anadmi.

Nehemaia 4:7

Ig anam heut, Sanbalat, Tobia, nug Arebia danab, Amon danab, aab Asdot danab ele, ag ig Jerusalemnu aɗnu anam heutut, aɗ attan teete, aɗ giɗo am ele heut qelakkak daaglagnu hemut ele doon, ag oolag huana nauhom.

Nehemaia 4:3

Amon ted Tobia nug Sanbalat heqoppa dayeye, Sanbalat nug amu mattiom. Nug anam mattie, Tobia doya, nug ele ig Juda awa awa iqa aum. “Ag hetteb umu amu, qai nakok laa onig foks, nug men aɗ amu attan telo amu, aɗ amuam eɗua, na qelo,” awa aum.

Rut 4:6

Boas nug anam a amu, danab laa amu, nug aum. “Ehe, anam daakku dayeb amu, da ii hepa. Aɗinu? Wan amu da buɗulad dilag ii daama. Na wan amu laa eppegppa dayaknu qagaiettakppanu eɗua uhuqak daakkunu he! Da am iitta,” awa aum.

Aisaia 56:3

Amu wan laihnu danab laa, nug Yawe dim lamittatta, nug Kayak noobppa dup noa, genab binag mette amu, nug, “Yawe Nug da nuhikkud danab oolagppa daakkulnu genab uukku,” aib aum. Amu danab laa, nug hipab qak daatte amu, nug, “Da nid ele daakkulnu elele iitta amunu, Yawe Nug dahilnu oo ii hema,” aib aum.

Matyu 5:43

Amu ag anukka nai laa ele aoppig amu ag nai amu dootteb. Nai amuam inam. ‘Na layapnu oot mauhkku, amge na kekeɗ nahipnu, na ootppa nau ninig ele doye!’ aon appig.

Duteronomi 23:2

Ah ag ib baag nid menuadkkulag, ag amu buɗulkad menuak laippu bia 10 batak, ag Yawenu danab ah Israel, ag ag ele laippunab ii daamna.

Jeremaia 49:1

Amon danab ah dilagnu amu, Yawe Nug inam atte. “Israel danab ah ag nid danab laa iite menuadppig? Israel buɗub laa iite daatte? Iitta. Israel danab ah ag nid danab menuadppig. Ag buɗulkad ele amunu, gemu Amon danab, ag kayak hambuppuak Molek noobppa dup nona, nug binag metteb ele, aɗinu danab amu ag Gad wanppa daatteb? Aɗinu Amon danab ag Gadnu aabppa daatteb?” Yawe Nug oɗ ma, anam atte.

Gayak Nai 1:10

Kekeɗ ag uɗin, Juda dilag en aon goppig; wanppan wan laala, amuppan danab ag Kayak ii dim lamidtteb ele, ag Yawenu mettid lag ooppa ukkaegeg, Juda danab ah ag amelagppa anadppig. O Kayak, na danab amunu ag na lautppa wana nokkulagnu aib ame; amge ag wana noppig.