Duteronomi 23:19 - Nobonob Baibel

¹⁹ Na laipad Israel ag lon nahip-ppanu aoglag dayeb amu, na lonnu intres aib aome. Amuam men doɗote, o eete, o keeke laala ele eɗua daden mak haenppa tuɗittak ele awaknu aib heppig.

Duteronomi 23:19 Referans Kwoze

Eksodas 22:25

Danab o ah dahil laa ag oolagppan nug keekenu tutu mak dayaya, ahilagppanu lon aweb amu, ag danab nug bisnis uɗat ha, lonnu intres aotte amu, ag nug hette bia aib heppig. Iitta. Ag intres laa aib aoppig.

Sam 15:5

ag men doɗo lon hetteb, amge ag eɗua awaknu tuɗidna okkai awak kobol uutteb, ag hettoɗiakppa, o adekkuppa laa beɗulagppa aab iitta ele eheɗ aoglagnu, ag lokkumakppa eheɗ hekkulagnu ehanittak ii aotteb. ⌊Danab ah ag amu hetteb ele amu, ag na lautppa, nahip qaukoppa wakkulagnu elele.⌋ Am danab ah ag kobol ena amu hetteb, ag kobol nau amu ii hetteb ele amu, ag hanhan ɠagattag daaglag.

Esekiel 22:12

Ag Jerusalem danab ah, ag oolagppan laa ag laa men doɗo mattaeg, ag laa aqaeg mauhtteb. Ag Jerusalem danab ah, ag lailkad lon mattan, ag lonnu intres digdig aotteb. Ge, ag gane medappig, amu eɗittak laa eɗun aotteb. Ag Jerusalem danab ah, ag mudippan laippu ele keeke lokkumakppa awaknu duttuna hak kobolppa ag eppelagppanu men doɗo keeke aotteb; amuppa ag keeke ii aolob aotteb. Ge, ag Jerusalem danab ah, ag dahilnu daulag atiom oitteb.’ ” Naɗi Yawe Nug anam atte.

Esekiel 18:13

Bekka amu nug danab laa lon metta, eɗua awaknu haenppa nug lonnu intres aotte. Ge, nug gane mettom, amu eɗittak laa aotte. Danab anam nug bau daakkute? Iitta! Nug kobol digdig, da kobol amunu oolppa uuaknab doottem amu, nug kobol amu oh heum amunu, nug mauhkkuoitte. Nuhig mauhak am nug beɗuppa. Laa beɗuppa iitta.

Aisaia 24:2

Danab ah oh uug amu anidkkulag; laippu laa ii eɗidma. Iitta! Oh ag geha uug amu aoglag. Mana mettak danab, am danab ah hamu, ag oh, uɗat gumak danab, am maɗi nid, ag oh, uɗat gumak ah, am uɗat hak ah hamu, ag oh, keeke aon meeg, laa daden metteb danab, am danab uɗin, keeke ahilagppa daden metteb ele, ag oh, danab men doɗo lon laa eppegppanu aotteb, am danab, laa ag nug eppegppa lon aotteb, ag oh, danab amu oh ag geha haen nau amu anidkkulag. Laippu laa haen amu ii eɗidma. Iitta.

Jeremaia 15:10

O anai, na da ii menuiɗlom am ena. Wan imu ohppan danab ah ag dahilnu ena ii doon, ag dahilnu nai hetteb. Da aɗi keeke, ag amu anidna, dahilnu eheɗ dooglag, da amu laa ii hemi, amge danab ah oh ag da eheɗ laa awaknu anak waappa daakkulnu atteb.