Duteronomi 23:16 - Nobonob Baibel

¹⁶ Uuppe, nug aab attennu oo hette, nug amuppa ag oolagppa daakku. Ag aib eheɗ hedappig.

Duteronomi 23:16 Referans Kwoze

Eksodas 22:21

Amu ag laa nug wan laihnu danab, ag nug uug aib medappig. Aɗinu? Anukka ag Israel, ag ele anam aakku nug daatte bia, ag Isip appa wan laihnu danab daappig.

Eksodas 23:9

Ag laa nug wan laihnu danab, ag nuhignu kobol nau aib heppig. Aɗinu? Anukka ag Israel ag Isip appa wan laihnu danab ah daappig amunu, ag wan laihnu danab ah ag aɗi uug digdig dootteb amu, ag amu aakku dootteb.

Jems 2:6

Amge ag, da nai imu ahilagnu yaattem ele amu, ag daɗek danab heeg uɗalag nette. Ag dootteb, danab enulag ele ag heeg, ag Kristen ag aakku uug anidtteb. Danab enulag ele ag aakku eeɗatteg, hettoɗiak abenppa watteb.

Malakai 3:5

Amu Yawe Nukka Ɠagattag Oh Ele Nug atte. “Haen amuppa da ag hettoɗiakppa maadkkul. Da danab ag onig awak heppig, danab wau uuitta ah laa ele oipiɗ, laa hambuppunna, nai hambuppuaknu, da dahil nai ɠagattag qein, nai amuam genab attem, appig ele amu, da ahilag kobol nau amunu paha mattien, naippa yaaladkkulnu daakkul. Laa ag ahilkad uɗat nid daden elele ii madappig, laa ag ah qab, gamulkad mauhppig, amu nid anilkad mamelkad mauhppig ele eheɗ hadappig, amu laa ag wan laihnu danab ag uɗin, ag oolagppa daaegeg, ag ahilagnu nai doya mala hettoɗia epeɗia elele mettak kobol ii dim lamidppig amu, da ahilag kobol nau amunu paha mattien, naippa yaaladkkulnu daakkul. Danab ah nau amu hetteb ele amu, ag dahilnu ebehilag oh bodoetta le ii mette amunu, da anam hekkul.” Yawe Nukka Ɠagattag Oh Ele Nug anam atte.

Sekaraia 7:10

Ag ah qab, nid ag mamelkad mauhppig, wan laihnu danab ah, amu daɗek danab ah ele aib eheɗ hadappig. Laa amu, ag anen anen, ag lailkad dilag guittak mattaglagnu maittak aib aoppig.” Yawe Nug anam atte.

Jeremaia 7:6

amu ag laa, ag wan laihnu danab, aria nid ag mamelkad mauhppig, amu ah ag gamulkad mauheg, qab daatteb, ag amu eheɗ hattanana, ahilkad keeke yab bia aotteb amu, ag kobol amu genab uun, ii hekkulag dayeb, ag wan imuppa danab hamu aqappeg ii mauhkkulag dayeb, ag gemu kayak hambuppuak dim lamadna, amuppa eheɗ aotteb amu, ag kobol amu ele uuglag dayeb,

Prowerb 22:22

Na daɗek danab anadna, ag daɗek daatteb, diig amunu na aib eheɗ hattame; hettoɗiakppa ele, na daɗek ag ehanittak iitta ele, appa na ahilagppa eheɗ aib heme.