Duteronomi 23:11 - Nobonob Baibel

¹¹ Tueb meebeb nug le laakku. Anam le layeb, aam noobob, haen amuppanab amu, nug eɗua haen tutu dayaknu aab kalakppa gokkunu elele.

Duteronomi 23:11 Referans Kwoze

Hibru 10:22

amunu, ig oonigppa hambuppuak laa iitta ele daatta, ig Jesusnu oonigppa genab doot autta aota, Nug he ig ihinkad hipunin uhuqa mekkak daatteb dootta, ig beɗunig le oppiaawakppa babaitta malak oitta, Kayak gumidta gotu!

Lewitikas 15:5

Aun laa nug laa amunu niiak aben aɗatte amu, nug lamen nuhig mihalatta, nug le ele laakkuoitte. Anam ha, nug Kayak ele ouqa dayaknu elele iitta dayeb ukkeb, tueb batakku.

Lewitikas 14:9

Deɗ eblaih aɗit ele, deɗ amuppa amu, nug inam hekkuoitte. Nug beɗu uɗig oh, amuam ikki, akkaɗi, amehpi, amu beɗu oh uɗig ele baula akkeb ukkeb, lamen nuhig mihalatta, le ele laakkuoitte. Anam heeb amu, nug Kayak ele ouqeya daaglahnu elele.

1 Pita 3:21

Aria, ag gemu daatteb amu, ag am Noa aɗi, ag aɗi keeke ippunigtteb bia daatteb. Ag ele leppa ehanittak aotteb. Amuam layattak, amge layattak am beɗunigppanu dubuttid ihaknu keeke iitta. Iitta. Layattakppa ⌊ag oolag eɗueb,⌋ ahilkad ooppan oiyak ippunittaknu ulum am ag oolagppa eheɗ laa ii daatte ippunatte, ag amuppa Kayak oɗe genab dim lamidkkulagnu Nug amegppa ahilag nai ɠagattag qettan maditteb. Amunu diig am Jesus Kristus, Nug mauhakppanu eɗua hibaittom.

Matyu 3:11

Da ag oolag eɗuom Kayak dim lamidtteb ele leppa layadttem, amge laa Nug da dimulppa uɗitte amu, nuhig ɠagattag am dahil eɗidtte. Nug am danab okkainab, da am okkai iitta; dahil hak am nuhig bia iitta, dahil am elele iittanab iitta. Nug Kayak Ouɗi, aab aɗu eleppa ag layadkku.

Esekiel 36:25

Ag wan ahilagppanab daappeg, da le oppiaawak ele awen, ahilagppa tauɗppi ag oppiaawak daaglag. Da heppi, dubuttid, da noolppa daakkun elele iitta ahilagppa laa ii daama; ag baula kayak hambuppuak dottolkad noolagppa dup nona binalag ii memana.

Sam 51:7

Na dahil hipunin oh uhuqna meɗan heppe, da oppiaawak daakkulnu oɗ medattem. Ao, na heppe, da oppiaawak bein, lamen hakkab bia daakkulnu unuqidttem.

Sam 51:2

Na heppe, da oolppa aab iitta daakkunu oɗ medattem. Yo, na dahil hipunin uhuqna meɗan heppe, da oppiaawak bekkulnu unuqidttem.

Lewitikas 22:6

Am mana mettak danab laa nug ib anamppa Kayak ele ouqa dayaknu elele iitta daakku dayeb amu, nug anam dayeb ukkeb, uudokku. Nug ofa oppiaawak ele, nug amu ii lakkuoitte, ukkeb le layowa, nug lakku.

Lewitikas 15:13

Haen laa nug beɗuppan leppu nette ele, nug eɗua ena daatte dayeb amu, nug eɗua, Kayak ele ouqeya daaglahnu elele bekkunu amu, nug deɗ eblaih laippu ele anam dayeb ukkeb, deɗ eblaih aɗitppa nug amu hekkuoitte. Nug lamen nuhig ihalattowa, nug le gotteppa ele le laya, nug Kayak ele ouqa dayaknu elele daakku.

Lewitikas 15:11

Aun laa nug beɗuppan leppu nette ele, nug eppeg tatam ii mihowa, laa beɗu aɗatte dayeb amu, laa amu nug lamen nuhig mihalatowa, nug le ele laakkuoitte. Nug am Kayak ele ouqa dayaknu elele iitta dayeb ukkeb, tueb batakku.

Lewitikas 11:25

Laa nug doɗ amunu laa mauhom, gaɗa aɗa maweb gokku dayeb amu, nug nuhig lamen ihadkkuoitte. Nug Kayak ele ouqa dayaknu elele iitta dayeb ukkeb, tueb batakku.

Lewitikas 15:16

Am haen danab nug ah ele niieh, leppu nette ele, leppu amu haen laa, danab laa nug ah ele ii niipeɗ, nuhigppa hamu nekku dayeb amu, nug beɗu oh ihakkuoitte. Nug Kayak ele ouqa dayaknu elele iitta dayeb ukkeb, tueb batakku.

Duteronomi 23:10

Aun laa nug tul niia, hipab leppu hamu gokkaɗom dayeb amu, nug Kayak ele ouqa dayaknu elele iitta amunu, nug haen tutu dayaknu aab kalak amu uua aha, deɗ laippu oh amu laih ukka daakkuoitte.

Duteronomi 23:12

Amu ag haen tutu dayaknu aab kalak giginppa appa gona hippuɗkkulagnu aben laa epeɗiglag.