Duteronomi 22:4 - Nobonob Baibel

⁴ Na mudippan layap laa, nug nuhig donki o makau okkai ebehi ele ibppa na qa niieb anidna amu, na aib eheɗ hena, layap uuidme. Na gona, layap ehanidppe, doɗ eɗua ahaɗ!

Duteronomi 22:4 Referans Kwoze

1 Tesalonaika 5:14

O lainkad, ig nai baula tuɗidta, ahilkad dabmak maɗettagnignu ag amelagppa iikku attem. Danab ag bahi yaak doonna, hamu uɗat iitta oitteb ele amu, ag nau aomnanu nai ag amelagppa aig! Laa oo baɗak dootteb amu, ag ɠagattag aqeg! Ag laa ag ɠagattag iitta amu, ag ehanatteg! Danab oh dilagnu amu, ag dagom kobol dim lamidna oiyeg!

2 Korint 12:15

Aria, da am dahil keeke oh ahilagnu agappi gokkunu uug laa ii doottem. Am dahil bau dayak ele, ag ehanadkkulnu maoppi gokkunu uug ii doottem. Da oo mauhak ahilagnu huanak doottem dayeb, ag amu anidna, ag dahilnu oo mauhak nakokib dooglagte?

Rom 15:1

Ig danab ig oonigppa genab ɠagattag doottem ele, ihinig uɗat am danab ag oolagppa genab ɠagattag ii dootteb ele ag ehanadkkunignu daatte. Ag akka ahilag uug maoglagnu elele iitta amunu, ig ehanadta, uug ahilag maotu! Amu ig ikka ig aɗi hekkunignu oonig daatte amu, ig ihinig dabmak amuib aib dim lamidta oimut.

Matyu 5:44

Amge da ag amelagppa attem. Ag ahilkad kekeɗnu ag oolag mauhaɗ! Amu aun laala ag ahilagppa eheɗ hadatteb amu, ag Kayak ahilagnu unuqitteg!

Duteronomi 22:3

Anamib, mudippan layap laa, nuhig donki, lamen, o keeke laa ele layap nug he qettoɗom dayeb, na anidkkut amu, na aib eheɗ hena ii atognome.

Duteronomi 22:5

Ah ag danab dilag lamen ii takkaglagoitte, danab ag ah dilag lamen ii takkaglagoitte. Aɗinu? Yawe, ahilag Kayak, Nug danab ah anam hettebnu ooppa uuaknab dootte.