Duteronomi 21:8 - Nobonob Baibel

⁸ Ag anam anana, ag tuɗidna akkulag. “O Yawe, laa qe mauhak iikku daatte amu, ⌊auntai heum ig ii doottem. Ig doolom amu, ig qepput mauhlo, amge ig ii doottem amunu,⌋ ig eheɗ haknu nob nau doɗ tiigppa iitta mekkunu hepput elele medakkunu, doɗ imu qemut. Ig nahipad danab ah, ig Israel, na ig ehanittak okkai nahip-ppa qagaiettakppanu eɗua uhuqak dayaknu heme ele amu, ig na ig hettem imu elele beum anidkkutnu oɗ medattem. Na ig danab ah nahipad, ig eheɗ heta, danab beɗuppa aab iitta duug omut ii amananu oɗ medattem,” aon akkulag. Ag anam hekkulag dayeb amu, eheɗ haknu nob nau doɗ tiigppa iitta meeb elele medakkunu hak am elele mekku.

Duteronomi 21:8 Referans Kwoze

Jona 1:14

Ag eeɗkkulagnu elele iitta anidppig amunu, ag Yawe unuqidna appig. “O Yawe, na nakka, na oot daye, na he, yu imu aakku eheɗ ahom amunu, O Yawe, ig na unuqidttem. Ig danab imu buɗipput, yuppa noa mauheb amu, na amunu nob mena, ii iqamnanu oɗ medattem. Yo, na danab laa nug danab laa eheɗ laa ii heum ele, nug nug qe mauhtte, na nug nob medattem, na amubia ihinignu ii hemananu oɗ medattem,” aon unuqidppig.

Matyu 23:35

Anam amunu, wan imuppanu genab tutukku hak danab aqe mauhak digmak Abel, nug am genab tutukku hak danab, nug mauhe uɗie, Berekia bekka Sekaraia, ag nug qaɗab, Kayaknu mettid lag ele gamagppa qeeg mauhom, nuhig mauhak batak amu, qe mauhak hipunin amu oh danab ah haen geha imunu ag qaɗelagppa daakku.

Esekiel 23:3

Ah aɗit amu aa Isip wanppa aa ah makkun appa daayya, aa ib baag ah beya, kobol amu tuɗidya heeheh ukke, ah okkai meya, anamib hepiɗ. Aa heeh, danab ag ahilag kobolppa heegeg, ib baag ah daapiɗ.

Jeremaia 26:15

Amge ag imu tutukku doon oiyeg! Da keeke laa ag hak amunu iuppeg mauhkkulnu laa ii hemi amunu, ag da iuppeg ii mauhkkuloitte. Ag da iuppeg mauhkkul amu, ag aakku eheɗ heppeg, ag beɗulagppa aab daakku amunu, Yawe Nug ag, aab okkai imu, amu danab ah aab imuppa daatteb ele bu madakku. Amuam genabnab daattenu diig am, Yawe, laa iitta, Nugib keeke imu oh appi dooglagnu meiɗe uɗimi.” Jeremaia nug nai amu ag amelagppa mattiom.

Sam 19:12

Auntai laa nug nuhig eheɗ hak doyaya ii hette oh ele, nug amunu oo maittak aokkunu elelete? Laa iitta. O Kayak, na oot da meɗan, hipunin da doyeye heinne, ii hettem ele amu, na uhuqna meɗakkutnu oɗ medattem.

2 King 24:4

Amunu laa am, Nug Manase nug Jerusalem ohppa danab ah kuɗumnab, ag eheɗ laa ii heppig ele aqe mauhppig. Manase kobol heum amu, Yawe Nug antta, ⌊Juda danab ah kuɗum ele ag nug dim lamidppig antta, ag oolag ii eɗuom ele antta,⌋ Nug Juda dilag hipunin uhuqa madakkunu elele ii doyom.

2 Samuel 3:28

Joap nug amu he, dimppa haen Dawit nug amu doya, nug aum. “Laa Ner bekka Apner qe mauhom, amge Yawe Nug dootte, da, da buɗulad ele, ig Nug noobppa hak amunu beɗunigppa aab iitta.

Duteronomi 21:7

Ag anam hena, ag, “Ig danab imu ii qemut, ig ele ii anitutut heppig,” akkulagoitte.

1 King 2:31

A amu, king nug Benaia amegppa aum. “Anam amu, nug oo daatte bia appa nug daatteppa, na nug qeppe mauheb, gaɗa aon gona boume! Joap nug danab ag eheɗ ii heppig, nug hamu aqe mauhppig amu, kobol nau amunu da mamel nug uug amu mawom, gemu da ele maottem. Amunu na nug qeppe mauheb, eheɗ hak amunu uug am baula da, da mamel buɗub ele, ihinigppa ii daama.

Lewitikas 17:4

amge nug doɗ amu awa, mettid haknu peh lag danab ah appa qagmetteb ele, nug lag amu odppa, Yawe gumitta, doɗ amu mana, Yawe medakkunu ii uɗitte dayeb, nug am danab laa nug hipunin okkai ha, layag qe mauhtte, hipunin amubia hekku. Nug aɗi heum ele, amuam danab laa qe mauhak bia heum amunu, nug Israel oolagppanu geɗittak daakkuoitte.