Duteronomi 21:4 - Nobonob Baibel

⁴ Ag epeɗin aon, wan oolnu noakppa, aben auntai laa wan ii buuom ele, o keeke laa ii eppak eleppa gokkulagoitte. Aben amuppa amu lenag laa ii qaɗaiedatte ele, amuppa ukkak ele. Oolnu noak amuppa amu, ag makau balat amu duug qiiglagoitte.

Duteronomi 21:4 Referans Kwoze

1 Pita 3:18

Kristus Nug hipunin uhuqa mettaknu haen laippu aakku mauhom. Nug baula ii mauhma. Nug beɗuppa aab laa iitta, amge Nug ig danab, ig beɗunigppa aab ele, Nug ig omaikka, Kayak toppa wakkunu Nug mauhom. Ag heeg, Nug beɗu mauhom, amge Kayak Ouɗi Nug he, Nug eɗua hibaitta, bauklel daatte.

Duteronomi 21:3

Anam hena, aab atten am gaɗa amuppanu miag daatte doon amu, ag inam hekkulag. Ag heppeg, aab amuppan ikki danab ag makau balat, makau mameg nug uɗat laa ii mettom, nug makau amu keeke eeɗkkunu doɗnu duugppan tuqai duugppa ele ii qakkom amu, ag amu laa anidna epeɗiglagoitte.

Duteronomi 21:5

Mana mettak danab, ag Lewi buɗub daatteb amu, ag ele appa gokkulag. Aɗinu? Yawe, ahilag Kayak, Nug ag nuhig ɗo maɗoɗnu uɗat Nug onigppa hekkulagnu, ag Nug onigppa danab ah itadkkulagnu, ag am haen nai beeb, aun nug genab atte, o aun nug eheɗ heum, o nug qak daye aun eheɗ heum, ag amu hettoɗin akkulagnu otiattom.

1 Samuel 6:7

Amunu amu, ag uɗatnu karis bau bappaidna, ag makau anig aɗit, nalti huh lattep ele, danab laa nug deɗ laa makau amu doɗnu duugppan tuqai duultippa ii qakkalatom ele amu, ag makau amu diiatna, doɗnu duugppan tuqai duultippa qakkalatona, ag uɗatnu karis amuppa qakkaglag, amge aa nalti diiatna, eɗun aɗppa maateg!” aon appig.

Esekiel 36:9

Aɗinu? Ag qauko, da ahilagnu dabmettem; da ag ena neekkadkkul. Danab ag ahilag wan buunna, ee eppaglag.