Duteronomi 21:18 - Nobonob Baibel

¹⁸ Am danab laa nug bekka nug oɗe dim lamidmanu dabmak nuhig ɠagattag eppe ii dim lamidtte, nug nai tappe nak danab daya, nug mameg, o anig tolidya, bu metteheh, aa oɗelah ii dim lamidtte dayeb amu,

Duteronomi 21:18 Referans Kwoze

Lewitikas 19:3

Ag anen anen anilkad mamelkad dilagnu ena elele dooglagoitte. Amu dahil sabatnu ɗo da ag mattami amu, ag haen oh dabmettan, amu waappa daaglagoitte. Da am Yawe, ahilag Kayak.

Eksodas 20:12

Na mamen, anin ele binalah mate! Ge! Na paha ii mauhmananu, na wan laappa, da Yawe, nahip Kayak, da na medakkulnu hettem amu, na appa haen elab daakkutnu, na anam hekkut.

Aisaia 1:5

⌊O Israel danab ah,⌋ aɗinu ag nai tappe nak kobol tuɗidna henana oitteb? Aɗinu ag bu baula aoglagnu hetteb? Israel ag nid laa, hibguitta haaha, bu awe, mukki gaɗa laɗue ukke, beɗu laa oh ele ihi mettom, ag amubia nauhppig daatteb. Ao, Israel ag nid laa beɗu oh oɗe ele, amubia ag nauhna autna aoppig daatteb.

Aisaia 1:2

Hab daup ag nai doyeg! Wan danab, ag daulag human doyeg! Aɗinu? Yawe Nug inam atte. “⌊Juda danab ah ag⌋ am nid naunau dahilad. Da ag atognoatten bekkadmi, amge ag da waalppa daaglagnu uun, dahil nai tappaeg ne oitteb.

Prowerb 30:17

Laa nug mameg awa awa qedatte; anig oɗe dim lamidkkunu, ‘Am keeke hamunab,’ dootte amu, alɗal nug ameg oolnu noakppa ya lakku. Ao, kaub ag nug beɗu lakkulag.

Prowerb 29:17

Na bekkat tolidna, bu medakkut amu, na oot maɗoɗ ele daakkut; nug heeb, na nuhignu enanagnab dookkut.

Prowerb 20:20

Danab nug anig, o mameg ele nug eheɗ laa awaknu anak waappa daakkunu akku dayeb amu; nuhig bau dayak am laa lam gatatuppa qauhom bia iitta mekku.

Prowerb 19:18

Na bekkat tolidna bu mette! Aɗinu? Amuppa na nug ena bekkunu dabmak aɗan oikkutnu elele; na nug tolidna, bu mettak ii hekkut amu, na nug mauhkkunu ibppa mettem.

Esekiel 24:13

Jerusalem danab ah, ag kobol nau heppig; ag gappai heeb baknu kobol dim lamidppig. Anam amu, da heppi, ag oppiaawak daaglagnu hemi, amge ag uun, dubuttid ele daaglagnu heppig. Anam amunu, ag bu awak iitta eleppa oppiaawak baula ii daamna. Iitta. Da ahilagnu oppoɗi bak doottem, amu da bu eheɗ madappi ukkeb, gogppa teeb, dahil oppoɗi bak oug meeb, ag oppiaawak daaglag.

Esekiel 22:7

Jerusalem danab ah, ag oolagppan laa ag mamelkad anilkad dilagnu, “Keeke hamunab,” dootteb. Ag oolagppan laa ag wan laihnu danab eheɗ hadatteb, amu laa ag ag nid mamelkad iitta ele eheɗ hattana, ag ah qab ele eheɗ hadatteb.

Jeremaia 31:18

Amu Yawe Nug atte. “Da genab Israel danab ah ag mahitteb doomi. Ag mahina atteb. ‘Makau nag nug nai ii doyaya, kobol digdig heehe, mameg bu mettom, amubia Kayak, na ig bu anam mekkame. Ig bu aakku aomut. O Yawe, na am ihinig Kayak amunu, na ehanigppe, ig eɗut nahip-ppa uɗignignu oɗ medattem.

Jeremaia 5:3

Yawe Nug anam a amu, da Nug amegppa ami. “O Yawe, na danab aun aɗi ag doyak diig genabib dim lamidkkulagnu hetteb ele, na danab ah amubia mattiadttem, ⌊amge nahip danab ah ag amubia ii hetteb⌋. Na bu mattame, amge ag eheɗ heppignu oolagppa guittak ii dooppig. Na oɗoɗadme, amge ag bu mattak nahip amu ii dabmena, oolag eɗukkunu uuppig. Ag heeg, ag na oɗen dim lamidmananu dabmak ahilag ɠagattag eppom. Ag oolag eɗukkunu uun, iinab heppig,” awe ami.

Prowerb 30:11

Laa ag mamelkad eheɗ laa awaknu anak waappa daaglagnu anana; ag anilkad ele ii itadtteb.

Prowerb 28:24

Aun laa nug mameg o anignu keeke yab awa, “Imu eheɗ iitta,” akku; nug am laa keeke he nauhtte layag daatte.

Prowerb 22:15

Nid naunau ag Kayak dab-ii-maama hak hetteb; amge na ag toliadna, bu madakkut dayeb, kobol amuam uma ukka daakku.

Prowerb 15:5

Laa nug Kayak dab-ii-maama ii dim lamidtte ele, nug mamegnu tolitta bu mettak tappe nette; amge laa nug tolitta bu mettak awa, dabmaama dim lamidtte amu, nug aakku eheɗ bemanu dabmak awa dabmak amu dim lamittak kobol dim lamidtte.

Prowerb 13:24

Laa nug nid naunau nuhikkud, nug eheɗ hak ahilagnu toliatta, bu ii madatte amu, nug danab nug laanu nau ninig ele dootte, nug ahilagnu anambia hette; amge laa nug nid naunau nuhikkud dilagnu oo mauhtte amu, nug ag toliatta, bu mattak ii uutte.

Prowerb 1:8

O bekkal, na mamen da, na dahil tolittak nai doye! Ao, na anin toppan ippunittak ena aome amu, na amu aib uume.

2 Samuel 7:14

Da nug mameg daakkul; nug da bekkal daakku. Nug eheɗ heeb amu, da heppi, laa ag bu mettaglag. Da heppi, ag mataɗak nau nug mettaglag.

Duteronomi 27:16

Appeg, Lewi buɗub ag inam akkulag. “Aun laa nug mameg, o anig onig he nauhtte, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.

Duteronomi 8:5

Amunu ag nid mamelkad, anilkad ele ag nid naunau ahilkad toliadna bu madatteb, amubia Yawe, ahilag Kayak, Nug ag toliatta, bu madatte doyeg!

Lewitikas 21:9

Am mana mettak danab laa aɗeg nug ib baag ah ba, gappai awawa oikku dayeb amu, amuppa nug dahil neekkakppa nug ooppa dubuttid teum daatte, am nug aakku mameg uɗa nak nau guittak ele medatte. Ag nug maippeg mauhkkuoitte.

Eksodas 21:17

Am danab ⌊nug mamegnu, o anignu oo nauheb,⌋ nug anig, o mameg eheɗ laa aokkunu anak waappa daakkunu akku dayeb amu, aria ag nug qeppeg mauhaɗ!

Eksodas 21:15

Am danab laa nug mameg, o anig makkuɗeb, anig o mameg nug mauhkku, o iitai mauhkku, aria ag danab nug anam heum amu, ag qeppeg mauhaɗ!

Duteronomi 21:19

mameg, anig ele aa bekkalah aɗaya aoya, ikki danab dilag qagmak aben ahilah aab odppa daatte, aa amuppa ikki danab gumadya wakkulahoitte.

1 Samuel 3:13

Ge! Eli bekoɗ aa eheɗ nau heyaya, da noolppa, amu Israel danab noolagppa ele aa danab nau daaeheh, Eli doyom, amge nug aa ii hemayanu aa daulah elele ii batom amunu, da nug amegppa, da nug, amu nug buɗub dilagnu ele oh epeɗiatten, uug madakkulnu ami.

Jeremaia 5:23

Yu nug anam dahil ɗo dim lamidtte, amge ag Juda danab ah, ag da oɗel dim lamidmananu dabmak ahilag ɠagattag eppe, ag da dimeɗan, dahil nai tappaeg nette. Ag oh ag dahil ibppa gomananu, ag ib laa aon, piɗe wappig.