Duteronomi 21:14 - Nobonob Baibel

¹⁴ Amge na nug awona, na nug uuidkutnu oot heeb amu, nug na waat dayom, nug ah makkun iitta amunu, na nug aib meppe, laa daden mekkulagnu maidme, o na aib nug am begbeg maɗi ah nahip daakkunu hettame. Iitta. Na uuidppe, adeppa gokkunu oo hette ele ukkaɗ!

Duteronomi 21:14 Referans Kwoze

Duteronomi 22:29

danab amu nug 600 gram silwa, ah mameg medakku. Nug anam hewowa, nug ah amu aokkuoitte. Amunu diig am, nug aɗa, wagai me, ah amu ele aa gappai aopiɗ, ah amu nug baula ah makkun ii daatte. Nug ah amu awowa, nug uuitteb gokkunu elele iitta; gemu, dimppa ele.

Genesis 34:2

Ukke, Hiwi danab onig Hamor, nug am wan amu dilag okkai, nug bekka Sekem nug Daina antta, ameg qe haaha amu, nug nuhigppa kobol eheɗ heum.

Duteronomi 22:24

ag danab amu, ah amu ele oh diiatna gona, aab amunu aɗ od oɗeppa maatona, ag menppa makkuɗatppeg mauhkkulahoitte. Ah nug ehanittaknu ii eum amunu, ag nuhignu anam hekkulag. Danab nug mauhkku diig am, nug danab laa wau beɗuppa eheɗ heum. Kobol nau ag oolagppa daamanu, ag heppeg, aib dayom!

Duteronomi 22:19

Ag ele heppeg, nug 1 kilogram silwa, eheɗ heum noob daden ma madakku. Amunu diig am, nug Israel ah makkun laa nug beɗu nauhak ele aum, amge nug anam iitta. Nug ag silwa doɗo amu matteb, ag am ah mameg mettaglag. Ah amu nug danab amu wau daakkuib. Nug ah amu iinab uuidma; haen amuppa, dimppa ele.

Ikki Danab 19:24

Antteg! Da, da aɗel makkun imu, amu danab imu wau amge waunab iitta ele geha iikku diiaten, dimittim doppi, ag ahilahppa aɗi hekkulagnu amu, ag hekkulag, amge ag kobol uɗa nak nau guittak ele danab imuppa aib heppig!” awa aum.

Duteronomi 21:15

Danab laa nug ah aɗit diiata, Nug laanu oo mauhkku, amge laanu nug oo mauhaknab ii dookku dayeb, ah aɗit oh aa nid danab menuglahtai, amge ah laa, danab nuhignu oo mauhaknab ii dootte amu, nug tatam nid danab menukkutai.