Duteronomi 20:8 - Nobonob Baibel

⁸ Ban daup ikki ag anam awona, ag tuɗidna, inam ele akkulag. “Aun laa na baɗak, o na ban haknu elele ii doottem? Na anam bia doottem dayeb amu, na laa amu ippunidppe, nug ele anam doya, nug baɗa, ban ii hemanu na aabppa ukke!” Ag amu ele akkulag.

Duteronomi 20:8 Referans Kwoze

Ikki Danab 7:3

Anam amunu, ag anam amananu, na nahip ban danab inam appe doyeg! ‘Aun laa nug baɗe, beɗu hahaɗtte, nug eɗua aha, aabppa ukkaɗ!’ Na anam appe doyeg!” awa aum. Yawe Nug anam Gideon amegppa a, Gideon nug ban danab amelagppa a, 22,000 danab ag eɗun aabppa goppig. Ukkaegeg, ban hekkulagnu amu, danab 10,000 aakkuib daappig.

Revelesen 21:8

Amge laa ag baɗanna, akka ahilagnu dabmena hak kobol dim lamidna, laa ag oolagppa genab doyak iitta, laa ag kobol nau uɗig wak hetteb ele, laa ag danab aqaeg mauhtteb, laa ag gappai kobol hetteb, laa ag baɗ mak danab, laa ag dup noa kayak hambuppuak binag mak danab, amu nai hambuppuak danab oh ele, amu oh aab ameg kalu laa huana eotte onig salpa eotteppa, ag amuppa aben aoglag. Amuam mauhak ebqak 2 aakku,” awa aum.

Duteronomi 1:28

Ig attem heta, wan amu ooppa nota aognig? Ihinkad lokkumakppa atu italak danab ag nai aeg, ig oonigppa gai-iitta doottem. Ag atteb, ‘Danab wan amuppan ag am elab, ag ahilag ɠagattag amu ig eɗikkak. Aab okkai ahilkad am okkai okkai, aab amunu aɗ amu attannab tak. Appa danab okkai okkainab daatteb. Danab okkai okkai amu ag am Anak buɗubppan!’ ” Ag anam aakku appig.

Revelesen 3:16

Amge iitta, na dabmak dahil daatte bianab ii henana, gamagmag daattem amunu, da na bu okkai medakkulnu miag doottem.

Luk 9:62

Nug anam aum, amge Jesus Nug amegppa aum. “Aun nug dahilnu oo aɗit ele amu, nug Kayaknu ɗo maɗoɗ ooppa daakkunu elele iitta,” awa aum.

Duteronomi 23:9

Haen ag ahilkad kekeɗ banelag gona, haen tutu dayaknu aab kalakppa daanna amu, ag Kayak ele ouqa dayaknu elele iitta keeke, ag keeke amu oh dilagnu awaidna dayeg!

Namba 32:9

Ag ahan gona, oolnu noak onig Eskol, appa batak gonana, wan amu italna oiyona, ag eɗun uɗina, ag Israel danab ah laa oh, ag Yawe wan ag aoglagnu mattom ele, ag amuppa nokkulagnu dabmenan daappig, ag ahilag dabmak amu qeeg neum.

Namba 13:31

Kalep nug anam aum, amge lokkumakppa atu italak danab laa ag nug ele goppig amu, ag appig. “Ig danab amu ele ban hekkunignu elele iitta. Aɗinu? Ahilag ɠagattag am ig eɗikkak,” aon appig.

Eksodas 15:15

Edomnu ikki danab ag eheɗ nau baɗaglag. Ao, Moap danab ɠagattag ele amu, ag ebehilag huanaknab hahaɗadkku. Kanan danab ah dilag ɠagattag am eɗua, le mekku.

1 Korint 15:33

Hambuppualadmananude dabmeig! Danab nau ag anam maditteb ele amu, ig ag ele oignig amu, geha ag ihinig dabmak heppeg kabolieb, ag oitteb bia oignig.

Duteronomi 20:9

Am ban daup ikki ag anam ahilkad daup oɗ mattak hena malona amu, ag daup huu anen anen, ag amu dilag anuqak danab otiglagnu onilag diiglag.

Prowerb 24:10

Uug bette haenppa, na uug amu eɗidkkutnu tuɗidna ii hettem dayeb amu; nahip ɠagattag am okkai iitta laa ippunadtte.