Duteronomi 20:6 - Nobonob Baibel

⁶ Aun laa grep dad heme, amge na meu laa ii aon lame? Laa ii lame dayeb, na banppa mauhppe, laa ag lamananu, na eɗun aabppa gokkut!

Duteronomi 20:6 Referans Kwoze

Sepanaia 1:13

Da heppi, kekeɗ ag uɗin, ban hena, danab ah amu dilag en aon gokkulag. Ao, kekeɗ ag uɗin, anam henana, ag danab ah amu laulkad loppaɗppeg nauhkkulag. Danab ah eheɗ anam hetteb amu, ag laulkad heppig, amge ag appa ii daamna. Ge, ag grep dad ebappig, amge ag grep dad amuppanu meu laa aon, wain laa hena, nakok laa ii lamana.” Yawe anam awa atte.

Jeremaia 31:5

Ag Israel baula qauko nakok Samaria guguittak daatteb heqoppa muɗi grep eppaglag. Ge, dad gumak danab ag amu ebappeg, muɗi meu ob, ag meu amu aon lanana, ag oolag gamag ahakku.

Aisaia 65:22

⌊Gemu haen kuɗum kekeɗ ag uɗin, ahilag keeke aotteb, amge⌋ haen amuppa da heppi, ag laulkad buuppeg, laa ag uɗin amuppa ii daamna. Da heppi, ag keeke ebappeg, laa ag uɗin ii lamana. Aɗinu? ⌊Da ag ehanadkkul.⌋ Amu dahilad danab ah ag ad haen elab daatteb bia daaglag. Ao, danab ah da ag tituanadmi amu, ag aɗi keeke ag eppelagppa hetteb ele amu, ag uɗat amunu meunu haen elabnab oolag gamag ahakku.

1 Korint 9:7

Am danab laa nug ban danab daatte amu, nug amuppa nuhig ee iite aotte? O danab laa nug grepnu dad ebatte amu, nug grep meu iite latte? O danab laa nug meeme gumadtte amu, nug uɗat amu haaha, meeme huh amu iite latte?

Duteronomi 20:5

Mana mettak danab nug ban danab amelagppa nai mattia maleb amu, ban daup ikki ag ban danab amelagppa akkulag “Aun laa na lag laa heme, amge na ii qeapime? Ii qeapime dayeb, banppa ag na nidappeg mauhppe, laa ag na laut qeapimnanu, na eɗun aabppa gokkut!

Duteronomi 20:7

Aun laa na ah aokkutnu daattem, amge na ii aome? Na ii aome dayeb, na banppa mauhppe, laa nahip ah aomanu, na gona ah aokkut!” aon akkulag.