Duteronomi 20:19 - Nobonob Baibel

¹⁹ Haen ag aab okkai laa ele nug qenan, oo mattan aqaglagnu daappeppeg ukka, eɗidkkulagnu haen elabnab gokku dayeb amu, ag ad meu lakkulagnu elele, ag ad amu aib heppeg nauhppig. Ag aib oadppig. Aɗinu? Ad ag am kekeɗ iitta, amu ele ban haknu ii daatteb.

Duteronomi 20:19 Referans Kwoze

Matyu 3:10

Antteg! Epeɗiak haen am miag. Ad meu ii otte amu, nug mameg o qiie, aab aɗuppa mawe te eotte.

Duteronomi 26:6

Amge Isip ag ig eheɗ heikkegeg, guittak dootta, uɗat ɠagattag hetata daamut.

Matyu 21:19

Nug enug qe, ad fig laa ib daugppa dayeye antta, meu lakkunu waum, amge meu laa ii anttom. Iitta! Uɗugib anttom. Antta amu Nug ad amu amegppa inam aum. “Na baula meut iinab omana! Iittanab iitta,” awa aum. Anam a ad fig nug pahanab bunaɗom.

Duteronomi 20:18

Ag amu hekkulag amu, danab ah wan amuppanu ag kayak hambuppuak noolagppa dup nona binalag menana, ag kobol digdig laa, Yawe Nug kobol amunu ooppa uuaknab dootte ele, ag kobol amu hetteb amu, wan amuppan danab ah ag kobol amu ippunadkkulagnu ib iitta daan, ii ippunadmana. Ag danab ah amu ag ahilag kobolppa amu hebeppeg anadkkulag dayeblob amu, ag eɗun, Yawe, ahilag Kayak, ag nuhigppa hipunin hekkulag.

Duteronomi 20:20

Amge ag ad laala ag dootteb, am ee iitta, ag amu oadkkulag. Ag amu diin, aab okkai amu talilittak, ban haknu keeke hattana, ban hebeppeg ukkeb, eɗitteg!

Jeremaia 6:6

Am keeke amu bekkunu diig am, Yawe Nukka Ɠagattag Oh Ele Nug inam atte. “Jerusalem danab ah ag bu aoglagoitte. Ag lailkad gai-iitta daatteb ele, ag ag eheɗ hadatteb. Le moɗ laa, le appanu baabaib gotte, amubia Jerusalem danab ah ag nau henan daatteb. Jerusalem danab ah ag laa guittak mattanna heeg, nauhak okkai daatte. Aab okkai amuam danab guittak awom, o danab oɗe nau awom, am amubia daye andette daattem. Ag nau anam henan daatteb, ag bu aoglagoitte amunu, ag Juda dilag kekeɗ da ag amelagppa attem. ‘Ag Jerusalem eɗidkkulagnu ag ad oadna aɗ diigppa mena, aabnu aɗ letaɗna, aab ooppa nokkulagnu wan laihnu buun, aɗ amuppa gokkaɗppeg, aɗ elele baɗ!’

2 King 3:19

Ag ahilag aab ɠagattag aɗ ele amu, ag eɗadna aona, ag aab okkai oh ele eɗadna aoglag. Ag eɗadna awona, geha ag ad ena ahilkad amu oh ag oadna, ahilkad le qeppuɗia bak oh ag keldoadna, wan ahilkad ee eppaknu aben ena ohppa amu, ag men agappeg nona tonadppeg, nauhak dayeg!” awa aum. ⌊Elisa nai mattia male, king ewam ag ahan, nug uuidna gona aeg, daup ag le ippu naunau bia buualadppig.⌋

2 King 3:25

Ag amu henana, ag aab ahilkad hatteg nauhna autna aoppig. Israel ag Moap wan amu aben ohppa gona oinna, wan laih laala, dad haknu aben ena, amuppa ban danab ag men akkan akkaeg nona, wan amu tonom. Le qeppuɗia bak ahilag ele oh keldoadna, ad ena ena oh ele oadppig. Ag aab ahilkad oh heeg nauheg, aab laippuib anam bia ii dayom. Aab amu onig Kirheres. Aab amu dayeye, ban danab ketapol eppig ele ag aab amu talilidnana, ag men eeg, aab amu ooppa noum.