Duteronomi 20:18 - Nobonob Baibel

¹⁸ Ag amu hekkulag amu, danab ah wan amuppanu ag kayak hambuppuak noolagppa dup nona binalag menana, ag kobol digdig laa, Yawe Nug kobol amunu ooppa uuaknab dootte ele, ag kobol amu hetteb amu, wan amuppan danab ah ag kobol amu ippunadkkulagnu ib iitta daan, ii ippunadmana. Ag danab ah amu ag ahilag kobolppa amu hebeppeg anadkkulag dayeblob amu, ag eɗun, Yawe, ahilag Kayak, ag nuhigppa hipunin hekkulag.

Duteronomi 20:18 Referans Kwoze

Eksodas 23:33

Ag hipunin dahilppa hemananu, ag danab gemu appa daatteb, ag ag uuadppeg, ahilag wanppa aib daappig. Aɗinu? Ag uuadppeg daaglag dayeb amu, geha ag ag eeɗadppeg, oolag eɗueb, ag kayak hambuppuak ahilag amu noolagppa dup nona binalag menana, hipunin hekkulag. Binalag meppeg amu, kayak hambuppuak amu ag heppeg, ag pelem nauppa tekkulag.” Yawe Nug ɗo amu oh Moses amegppa aum.

Epesus 5:11

Gatatu uɗat, meu iitta ele, dimittim danab ag hetteb ele amu, ag anam aib heppig. Iitta. Ag gatatu uɗat am nau, ag amu miag atippeg, danab ah oh antteg!

2 Tesalonaika 3:14

Am laippu laa nug nai ig uɗug imuppa yaamut imu dim ii lamitteb anidna, ag danab amu dab mena, nug uuidna piɗe dayeg! Ag anam heppeg, geha nug nuhig kobol eheɗ amunu uɗa nekku.

2 Korint 6:17

Nug anam aum, amu Nug baula ele aum. “Anam amunu, ag ahan hipunin danab uuadna, ag gona, aben laih piɗe daaglag. Ag keeke Kayaknu neekkakppa dubuttid ele aib aɗappig. Am ag anam heppeg, geha da dakka ag diiatten,

1 Korint 15:33

Hambuppualadmananude dabmeig! Danab nau ag anam maditteb ele amu, ig ag ele oignig amu, geha ag ihinig dabmak heppeg kabolieb, ag oitteb bia oignig.

Josua 23:13

ag imu tutukkunab doyeg! Yawe, ahilag Kayak, Nug baula heeb, ag Israel, ag Kanan danab ii lamadmana. Iitta. Ag anamib daanna, eheɗ hekkulagnu eeɗadnana, ag am uhui, o pelem bia, ag Israel, ag amuppa tekkulagnu daaglag. Ag heppeg, ag Israel, ag am danab nug qaietta ugakka, qettippa guittak dootte, ag amubia doonna daaglag. Ag qaun laa amegppa ya daatte, ag ahilagppa anam bia daaglag. Wan imuam enanag, Yawe, ahilag Kayak, Nug ag madatte, amge ag Kanan danab ele laippu daaglag dayeb amu, Yawe Nug heeb, ag Israel ag ippa ii daamna. Ag wan imuppanu iitta mekkulag.

Eksodas 34:16

Am laa amu, ag Israel ag danab ah amu ele nug tituanak hekkulag dayeb amu, haen ag ahilkad nid bau dilag ah huu amuppanu diiglag, am geha ah amu ag kayak hambuppuak ahilkad noolagppa dup nona binalag menana, ag ag gamulkad eeɗadppeg, ag da uuiɗna, kayak hambuppuak amu noolagppa dup nona binalag mekkulag. Kobol amuam dahil neekkakppa gappai aɗa oiyak kobol bia daatte,” awa aum.

1 Timoti 6:5

danab ag ahilag dabmak augigiak ele, ag haen oh oolag laippu iitta ele oitteb. Doyak diig genabib amu, ag ii aɗatteb, oolagppa ele ii daatte. Ag oolagppa Kayak nainu, “Keeke uɗat iittappa, hamu awaknu ib aakku,” aon atteb.

Ikki Danab 2:3

Haen amuppa ele da nai imu ami. ‘Ag da oɗel ii dim lamidkkulag dayeb, da danab wan imuppa daatteb, da heppi, ag Israel ag ii lamadmana. Da amu ii hepa amunu, danab ah amu ag daanna, ag am danab nug qaun qettippa guittak medatte bia, ag eheɗ hadappeppeg, ahilkad kayak am pelem bia, ag aguppa tena, eheɗ aoglagnu daaglag,’ awe ami. ⌊Am gemu anamib daakku⌋,” awa aum.

Duteronomi 18:19

Am inam daakku. Nai dahil danab amu oɗeppanu uɗitte amu, aun laa nug nai amu doyaknu uukku amu, da nug bu medakkul.

Eksodas 34:12

Amge ag tutukku dabmeig! Ag danab ah wan ag gemu gona aoglagnu hetteb, ag aguppa daatteb amu, ag Israel, ag danab ah amu ele aib nug tituanppig! Ag anam heppeg amu, danab ah amu ag oolagppa daan, ag ahilag kobol nau hekkulagnu ag eeɗadppeg, ag nena qena, nauhna autna aoglag.

Duteronomi 9:5

Amu ag am genab tutukku hak danab, o ag am danab ag dabmak oiyak ahilag ele am tutukkuib amunu, ag wan amu aoppeg, ahilag daakkunu hetteb aib dabmeppig. Iitta. Danab amu ag ahilag hak nau amunu, Yawe, ahilag Kayak, Nug heeb, ag Israel ag ag lamadkkulagnu, Nug ag mamelkad aɗi, Abraham, Aisak, Jakop ele, ahilagnu Nug anam hekkunu nuhig nai ɠagattag qetta aum, amu meu okkunu, Nug anam hekku.

Duteronomi 20:17

Am ag Hit danab, Amo, Kanan, Peres, Hiwi, Jebus danab ele, Yawe ahilag Kayak, Nug ag haknunab anak ag amelagppa aum bia, ag heppeg, danab amu ag Yawenuib nuhig pelemppa daaglagoitte.

Duteronomi 20:19

Haen ag aab okkai laa ele nug qenan, oo mattan aqaglagnu daappeppeg ukka, eɗidkkulagnu haen elabnab gokku dayeb amu, ag ad meu lakkulagnu elele, ag ad amu aib heppeg nauhppig. Ag aib oadppig. Aɗinu? Ad ag am kekeɗ iitta, amu ele ban haknu ii daatteb.

2 King 21:3

Nug mameg Hesekaia aabaabppanu mettid lag nakok loppaɗom amu, Manase nug lag amu eɗua buualattom. Nug kayak hambuppuak Bal binag maknu qaɗab ele hatta, nug kayak hambuppuak Aserah dabmekkulagnu biidod ele heum. Amuppa, Manase nug Israel dilag king Ahap heum, amubia nug ele amu heum. Manase nug anam ha, nug ele aam, kalam, hoɗopai ele noolagppa dup noa binalag meum.

Eksodas 23:32

Ag danab appanu ele ag aib nug tituanna nai qagappig; ahilag kayak hambuppuak ele amu, ag ag ele aib nug tituanna nai qagappig.

Duteronomi 18:9

Amu ag wan, Yawe, ahilag Kayak, Nug madakkunu hette amu, haen ag amuppa nona daanna, ag ooppa uuaknab doyak kobol, danab ah appa daatteb ele gemu hetteb amu, ag hemananu dabmena autnanab aweg!