Duteronomi 20:16 - Nobonob Baibel

¹⁶ Iitta. Wan Yawe, ahilag Kayak, Nug ag aulag daakkunu madatte, amuppan aab okkai amu, ag appa laa uuppeg, bau aib dayom.

Duteronomi 20:16 Referans Kwoze

Josua 11:14

Ag anam hena, Israel ag keeke ena ena, am makau keeke, banppa agappig ele amu, ag amu oh diippig. Keeke amu oh am aakku ahilagnab dayom, amge ag danab ah amu oh qep elabppa aqaeg mauhadppig. Ag laippu laa iinab uuitteg dayom.

Namba 33:52

ag danab wan amuppa daatteb ele lamatteg! Ag ahilkad kayak hambuppuak dottolkad adppa hoyattak, ahilkad kayak brasppa, o aenppa eppelagppa hadappig ele amu, ag heppeg nauhppeg, ag kayak hambuppuak dilag mettid lag nakok oh ele loppaɗadna heppeg nauheg!

Josua 10:40

Anam daye, Josua nug aakku wan atu amu oh nug awom. King amu, danab ah ele Israel ag eɗadppig, ag ahilag wanppa daappig, wan atu amuam Negeb, wan qauko qauko ele, qauko nakok qauko okkai diigppa daatteb, qauko nakok amuam Kanan wan ooppa qaban uɗitteppanu daatteb, amu qauko okkai heqoppan ele. Nug he, wan amuppan danab ah oh am Yawenuib nuhig pelemppa daappig. Nug laippu laa uue, ii dayom. Yawe, Israel dilag Kayak, Nug anam hekkununab aum amunu, nug heum.

Josua 10:28

Haen amuppaib, Josua nug aab Makeda eɗittom. Nug qep elabppa aab amunu danab ah, ahilag king ele aqom. Nug he, aab amunu danab ah ohnab ag Yawenuib nuhig pelemppa daappig; laippu laa iinab tippalom. Nug Jerikonu kingppa heum bianab, Makeda dilag kingppa heum.

Duteronomi 7:16

Yawe, ahilag Kayak, Nug danab ah huu laalappanu diia, ag eppelagppa mekku amu, ag hadappeg nauheg! Ag aib ahilagnu oolag gai-iitta doon, oolag mattan, ehanadppeg, ag oolagppa daappig. Ag ahilkad kayak ele noolagppa dup nona binalag aib meppig. Aɗinu? Ag amu hekkulag dayeb amu, ag doɗ pelemppa teum daatte bia daaglag.

Namba 21:35

Yawe anam aum amunu, Israel ag King Og, nug bekkod, am nuhikkud ban daup oh ele aqappig. Ag laippu laa ii uuitteg dayom. Anam hena, ag nuhig wan ahilag daakkunu aoppig.

Josua 9:27

amge Josua nug haen amuppa he, Gibeon danab ah ag Israel danab ah dilag, amu Yawenu qaɗabnu ele, aben adeppa qaɗab buuaknu, Yawe Nug epeɗikku amu, ag amunu ele aab awak, amu le itak uɗat ele hedappig. Babaittak ib amunu amu daye uɗie, gemu ⌊nai imu yaak haenppa⌋ ele, anamib daatte.

Josua 9:24

Josua nug anam a amu, Gibeon ag nob mena appig. “Ig, nahipad maɗi nid maɗi ah ele amu, ig anam hemutnu diig am, Yawe, ahilag Kayak, Nug nuhig maɗi nid Moses amegppa, nug wan imu oh ag matteb, wan imuppan danab ah ele oh heeb, padal mekkulagnu haknunab nai aum amu, ig amu doomut amunu, ig anam hemut. Ig bau dayak ihinignu dabmeta, ag baɗadta, ig anam hemut.

Namba 31:17

Anam be, ag aakku gona, Midian danab okkai oh aakku aqan malappig, amge gemu amu, ag nid naunau, nid danab daatteb, aria ah aun aɗi ag danab ele niippig ele amu, ag ag oh ele aqeg!

Duteronomi 20:15

Amge ag anam hekkulagnu anak imuam aab okkai laih uma daatteb dilagppaib hekkulag; wan miag daatteb, aab amuppa ag anam aib heppig.

Duteronomi 20:17

Am ag Hit danab, Amo, Kanan, Peres, Hiwi, Jebus danab ele, Yawe ahilag Kayak, Nug ag haknunab anak ag amelagppa aum bia, ag heppeg, danab amu ag Yawenuib nuhig pelemppa daaglagoitte.

Josua 6:24

Aa anam heeh, Israel ag aab okkai amu, ooppan keeke oh ele manaeg ewom. Keeke silwappa, golppa, brasppa, o aenppa hattak aakkuib amu, ag keeke amu Yawenu mettid lagnu en maknu oo, amuppa daaglagnu maadppig.

Josua 8:8

Haen ag aab okkai eɗidna aona amu, ag Yawe Nug haknunab aum bia, ag aab okkai amu amotppeg ewaɗ! Da ag aɗi aɗi hekkulagnunab aakku ami; ag anam heig!” awa aum.

Josua 8:25

Amunu deɗ amu Ai danab ah oh, am ahilag ebqak 12,000, ag oh mauhna malappig.

Josua 10:20

Amu Josua, Israel daup ele ag Amo ban danab aqanna, daup ameg tanig ele amu ohbia aqaegeg ukke, laippu laippunab ag eɗun ahilkad aab okkai ɠagattag aɗ eleppa goppig.

1 Samuel 15:3

Da amu hekkul amunu, na heppe, na Israel danab ele ag ahan, banelag gona, Amalek ele ban hena, ag Amalek oh, amu ahilkad keeke ohnab ele heppeg, ag dahilnuib, dahil pelemppa dayeg! Ag keeke laippu laa aibnab uuppeg dayom. Ag Amalek danab, ah, nid naunau, nid yuɗ ele, amu ahilkad makau, sipsip, kamel amu donki ele, ag amu ohnab aqappeg mauheg!’ ” awa aum.

Duteronomi 4:21

Amge ag beɗulagppa, Yawe Nug dahilnu oo nauhom. Nug da Jodan le mataɗe, wan ena Yawe, ahilag Kayak, Nug ag aulag daakkunu madakkunu hette ele, amuppa ii nopanu nuhig nai ɠagattag qetta aum.

Duteronomi 24:4

gamu tatamnu nug ah amu, Kayaknu neekkakppa nug ooppa dubuttid tak ele daatte, nug Kayak ele ouqa dayaknu elele iitta beum daye, eɗua ii aoma. Aɗinu? Yawe Nug amunu ooppa uuaknab dootte. Ag heppeg, Yawe, ahilag Kayak, Nug wan ag aulag daakkunu madakkunu hette ele amu, wan amu dubuttid ele daakkunu aib heppig.

Duteronomi 31:5

Yawe Nug danab ah wan amuppa daatteb ag eppelagppa maatteb, amu ag da haknunab anak nai ahilagnu ami bia ahilagppa hekkulag.

Josua 9:7

Ag anam aeg amu, Israel ag nai nob mena, Hiwi danab amelagppa appig. “Ag am miag ippanu iitta amu, ig attem heta doognig? Ag am miag ippanu anam doyadkkunig dayeb amu, ig ag ele nug tituanak ii hemata,” aon appig.