Duteronomi 20:14 - Nobonob Baibel

¹⁴ Amge ag ah, nid naunau, doɗ, amu keeke laala ele amu, ag amu ahilagnu aɗualadkkulag. Yawe, ahilag Kayak, Nug kekeɗ dilag keeke ag eppelagppa meum ele amu, ag amu aɗan, uɗatab mettaglagnu elele.

Duteronomi 20:14 Referans Kwoze

Josua 8:2

Geha ag Jeriko, nuhig king ele heeg nauhom bia, ag Ai heppeg nauhkku. Amge gemu, haen imuppa amu, ag danab dilagppan doɗ keeke, ag aoglag amu, ag amu oh ag ahilagnu aɗaglag. Amu ag ban hekkulagnu, ag aab okkai dimugppa lokkumna daappeg, haen beeb ag ahan, ban hekkulag,” awa aum.

Josua 22:8

nug imu ele aum. “Ag ahilkad kekeɗ eppelagppan enulag ippanu huanaknab aoppig; amuam makau, sipsip keeke huanak, silwa, gol, brans, aen, lamen ele amu, amu ag keeke amu oh aon, ag appalagppa gona, ag amu oh otin, laih ag lailkad laa ele matteg!” awa aum.

Namba 31:9

Israel ban daup ag amu hewona, ag ah, nid ele aɗualadna, makau, meeme, sipsip, donki, amu keeke laala Midian dilag oh ele diippig.

Rom 8:37

Amge keeke amu oh ig eɗigkkulagnu am elele iitta. Iitta. Kristus Nug haen oh ihinignu oo mauhtte amunu, ig kobol nau amu oh eɗadta autta aotta aottem.

Sam 68:12

⌊Anam aakku bekkunu ame amunu, anam aakku beum.⌋ Kekeɗ dilag king, amu ahilkad ban daup ele ag oolna gonana, keeke uuadna goppig ele, Israel ban danab ag diin panippig.

2 Stori 20:25

Jehosapat, nuhikkud daup ele ag anam anidna, ag kekeɗ dilag keeke aon gokkulagnu wana, ag ban haknu keeke, lamen, keeke enanag laala ele huanak anidppig. Keeke amu oh ag haen amuppaib akkan, mawadna gokkulagnu elele iitta. Keeke amuam huanak amunu, ag keeke amu mawadna gonan uɗinna, tuɗitteg ukke ukke deɗ ewamppa malappig.

Josua 11:14

Ag anam hena, Israel ag keeke ena ena, am makau keeke, banppa agappig ele amu, ag amu oh diippig. Keeke amu oh am aakku ahilagnab dayom, amge ag danab ah amu oh qep elabppa aqaeg mauhadppig. Ag laippu laa iinab uuitteg dayom.

Namba 31:18

Amge ah makkun ag danab ele ii niippig ele amu, ahilkad ah, o iitta maɗi ah daaglagnu uuadppeg dayeg!

Namba 31:11

Amu ag Midian dilag keeke oh, aria ah, nid naunau, nid, nid ahin ele, ag ag aɗalatteg, ag eppelagppa daappig, amu doɗ ele oh ag akkan, Moses, mana mettak danab Eleasar, amu Israel danab ah oh ele dilagppa goppig. Israel danab ah ag am Moap wan uɗemppa, Jodan le ihippa, laih, Jerikonu ukkakppa, appa haen tutu dayak aab kalan daappig.

Namba 31:15

⌊Nug ban daup ikki danab amu, ahilagnu oo nauhaknu diig am; ag Midian ah ii aqappig, amunu nug ag oɗ mattom.⌋ “Ag Midian ah oh am bau daaglagnu appigte?

Duteronomi 20:15

Amge ag anam hekkulagnu anak imuam aab okkai laih uma daatteb dilagppaib hekkulag; wan miag daatteb, aab amuppa ag anam aib heppig.

Duteronomi 2:35

Ig doɗ oh ihinignu aot, keeke laala aab eɗadmut eleppan ele akkamut.