Duteronomi 20:11 - Nobonob Baibel

¹¹ Am danab amu ag, ag ahilag nainu elele doona, aabnu od matulppeg, amu danab ah oh ooppa daatteb, ag, ag aɗi atteb am henana, ag ag waalagppa daan, ahilkad maɗi nid maɗi ah ele daaglag.

Duteronomi 20:11 Referans Kwoze

Luk 19:14

Amge nug wanebppan danab ⌊laa⌋ ag nuhignu nau ninig ele dooppig amunu nug ukke, am danab amu ag heeg, ag oolagppan danab laa ag nug dim lamidnana ag inam appig. ‘Ig danab imu nug ihinig king daakkunu ig oonig ii daatte,’ aon appig.

Sam 120:7

Da maɗoɗ daagnignu aiyi, ag bannu aakkuib maditteb.

Ikki Danab 1:28

Ag anam heeg ukke, haen Israel ag ɠagattag ele bena daanna amu, ag Kanan danab ah duttunadna heeg, Kanan ag maɗi nid maɗi ah ele daan, uɗat heppig, amge Israel ag lamadppeg, Kanan danab ah ag wan amuppa iinab daamnanu ii heppig.

Josua 16:10

Josua, nuhig ehanittak ele, ag wan amu Epraim madappig, amge Epraim ag Kanan danab Gesernu ii lamadppig amunu, danab Gesernu ag Epraim oolagppa daaeg uɗie, gemu ⌊nai imu yaak haenppa⌋ ele, ag ahilag maɗi nid bia daatteb.

Josua 9:27

amge Josua nug haen amuppa he, Gibeon danab ah ag Israel danab ah dilag, amu Yawenu qaɗabnu ele, aben adeppa qaɗab buuaknu, Yawe Nug epeɗikku amu, ag amunu ele aab awak, amu le itak uɗat ele hedappig. Babaittak ib amunu amu daye uɗie, gemu ⌊nai imu yaak haenppa⌋ ele, anamib daatte.

Duteronomi 20:10

Haen ag aab okkai laa aqaknu banelag gona, ban haknu tekkulag henana, tatam amu, ag aab amuppan danab ah ag inam inam heppeg, ag ii aqadmana, ag ag ele maɗoɗ daaglag, ag nai amu meppeg ukkaɗ!

Duteronomi 20:12

Amge ag nai amu aoglagnu uun, ban haknu bappaidkkulag dayeb amu, ag aab amu oo mettan aqaglagnu maadna daaglagoitte,

Josua 9:8

Israel ag anam appig, aria Hiwi danab ag appig. “Ig ahilkad maɗi nid daagnignu hettem,” appig amunu, Josua oɗ matta aum, “Ag am atteg? Ag adeppanu uɗippig?” awa oɗ mattom.

2 King 6:22

Nug anam oɗ meum, amge Elisa nug inam amegppa aum. “Na aib aqappe mauhppig. Na ban hettem haenppa kekeɗ aɗualadttem amu, na ii aqai mauhtteb amunu, ameg imu ele aqappe ii mauhmana. Iitta. Na ee, le ele madappe, ag ee, le ele amu lawona, dimppa ag eɗun, ahilag king gumidna gokkulag,” awa aum.

Josua 9:9

Josua nug anam a, ag nai nob mena appig. “Ig, ig ahilkad maɗi nid amu, ig Yawe, ahilag Kayak, ig Nug onig okkainu doomut amunu, ig wan umanabnu uɗimut. Ig Yawe, ahilag Kayak, nuhig hak ɠagattag, Isip appa heum amu doomut amunu, ig uɗimut.

1 King 5:1

Amu aab okkai Tair dilag king Hiram nug anukka Dawitnu layam ena dayom, nug Solomon nug king daakkunu goɗen gokkaɗakppa tituanak awa, nug mameg Dawit abenabppa king ba daatte, nug amu doyowa, diig aɗit amunu nug nuhikkud ehanittak anuqak danab laala maatte, ag Solomon anidkkulagnu uɗippig.