Duteronomi 20:1 - Nobonob Baibel

¹ Haen ag ahilkad kekeɗ banelag gona, kekeɗ ag hos, bannu karis ele anadnana, ag ban danab, ahilag ebqak am ag eɗattak ele anadnana, ag aib baɗappig. Aɗinu? Yawe, ahilag Kayak, Nug ag Isipnu diia uɗiom ele, Nug ag ele daaglag!

Duteronomi 20:1 Referans Kwoze

Duteronomi 31:8

Yawe Nug anuqa gokku amunu, na aib baɗak doome, o na aib ootppa, ‘Da elele iitta,’ doome. Nug na ele daaglah; Nug na ii uuidma, na ii paɗaidma,” Moses anam aakku Josua amegppa aum.

Sam 20:7

Aabaab laa ag ena ɠagattag daaglagnu ag ahilkad ban daup, amu bannu keeke elenu oolagppa genab dootteb, amge ig amu, ig Yawe, ihinig Kayak, ig nuhignu oonigppa genab doottem.

Duteronomi 31:6

Ag ɠagattag daan, ahilagnu aib ottaippig! Ahilagnu aib eheɗ nau baɗappig! Aɗinu? Yawe, ahilag Kayak, Nug ag noolag awa gokku. Nug ag ii uuadma, ag ii paɗualadma,” awa aum.

Rom 8:31

Amunu ig Kayak keeke heum ele, amu ohnu ig aɗi aot akkunig? Ig inam aot akkunig. “Kayak Nug ig ehanigtte dayeb amu, laa nug ig kekeɗ mekka eɗigkku? Iitta!” aot akkunig.

Aisaia 43:2

Ag dahilad daatteb amunu, haen uug nau, uug amuam danab nug le umanab noa ukkak mataɗa laih gotte, amubia uug nau amu ahilagppa bekku amu, da ag ele daagnig. Ag dahilad daatteb amunu, haen uug nau, uug amuam danab nug le ui ele mataɗa laih gotte, amubia uug nau amu ahilagppa bekku amu, da ehanatten heppi, ag nena ii qemana. Ag dahilad daatteb amunu, haen uug nau, uug amuam danab nug aab aɗuppa oiyaya gotte, amubia uug nau amu ahilagppa bekku amu, da ehanatten heppi, ag aab ewakppa guittak ii aomna. Ge, aab aɗu amu ewattebeb, ag guittak ii aomna.

Aisaia 31:1

Aun aɗi ag Isip appanu ehanittak aoglagnu dabmetteb amu, ahilagnu am gadonnab gadon. Ag bannu hosppa ⌊Isipnu⌋ ehanittak aoglagnu dabmetteb. Ag Isip dilag daup bannu karis kuɗum eleppa daan, ban hetteb doon amunu, bannu karis amuppa ehanittak aoglagnu oolagppa genab dootteb. Ao, ag Isipnu ban danab kuɗumnab hos attan daan oin, ban hetteb doon amunu, ahilagppa ehanittak aoglagnu oolagppa genab dootteb. Ag anam dabmetteb, amge ag Israel dilag Kayak Oppiaawak Ele, ag nuhig dabmak aoglagnu oɗ ii medatteb. Ao, ag Yawenu, ag ehanittak nuhigppanu aoglagnu ii dabmetteb. Ag anam hetteb amunu, ahilagnu gadonnab gadon.

Josua 1:5

Josua, da haen oh na ele daagnih. Da Moses ele daamuɗ, amubia da na ele daagnih. Na wanppa bau daappe, haen amu ohppa laa nug na eɗidkkunu elele ii daama. Da na ii uuidpa. Da na ii paɗaidpa.

Aisaia 7:14

Na atnu oɗmak hekkutnu uume amunu, Naɗi Nug nukka geha at laa na ippunidkku. At amuam inam. Ah makkun laa nug oo ele daya, geha nug nid danab menua, nid onig Imanuel ataɗkku.

Sam 118:6

Yawe Nug da ele daattep amunu, da ii baɗapa. Ao, ⌊Yawe Nug ag ii paɗatteb hekkulag dayeb amu⌋, danab ag dahilppa aɗi eheɗ laa hekkulagnu elele daaglag? Laa iitta.

Josua 1:9

Doye! Daib haknunab nai imu na iite mettami? Na ɠagattag daan, ootppa ɠagattag doye! Da, Yawe, nahip Kayak, da na adeppa gokkut amu, da na ele oh gokkunih amunu, na baɗak eheɗ nau aib doome. Nahip dabmak am qe nak aib dayom.” Yawe Nug anam Josua amegppa aum.

Sam 46:11

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 46:7

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

2 Stori 14:11

Ag bappaidna, Asa nug Yawe, nuhig Kayak, nug Nug unuqitta aum. “O Yawe, laa na bia laa iitta. Na laa ag gai-iitta daatteb ehanadppe, ag laa ɠagattag daatteb eɗadkkulagnu elele. O Yawe, ihinig Kayak, ig nahipnu dabmettata, na oninppa daup huanaknab imu ele ban hekkunignu uɗimut daattem amunu, na ig ehanigppe, ig daup imu eɗadkkunignu oɗ medattem. O Yawe, na ihinig Kayak daattem, na uuigppe, daup imu eɗigppeg, danab ah laa ag daup imu na eɗidppig amananu na unuqidttem,” awa unuqittom.

Ikki Danab 6:12

Nug anam heehe, Yawenu engel nug gumitta noa aum. “Yawe Nug na, na ban danab ɠagattag okkai ele, Nug na ele daattep!” awa aum.

2 Stori 20:12

O Kayak ihinig, daup laihnu uɗippig amu, na ag epeɗiadna, ag eheɗ hetteb anidna, bu iite mattamna? Aɗinu? Danab banenig uɗin ig iqaglagnu hetteb ele, ag daup huanaknab, ig ag eɗadkkunignu elele iitta. Ig attem hekkunig amu, ig ii doottem, amge ig na neekkidttem,” awa unuqittom.

Josua 11:9

Ag oh aqan malona amu, Josua nug hos, ⌊ag baula banppa oiyaknu elele iitta daaglagnu,⌋ nug ag baelkad bittub diɗilkad otaɗatta, nug kekeɗ dilag bannu karis oh manatte ewadppig. Yawe Nug anam aakku hekkunu a amu, nug anam aakku heum.

Duteronomi 7:1

Haen Yawe, ahilag Kayak, Nug ag wan nona aon daaglagnu daatte, Nug amuppa omalatta noa, Nug geha heeb, ag Israel, ag wanppan wan laalanu danab ah appa daatteb ele, ag ag lamadkkulag. Danab amu ag am; Hit danab, Girgas danab, Amo danab, Kanan danab, Peres danab, Hiwi danab, Jebus danab ele. Danab ameg eblaih aɗit ele amu, ag am danab ɠagattag ele, ag eɗattak daatteb.

Duteronomi 2:7

Amu aɗinu ⌊Yawe Nug ag ee, le ele daden mekkulagnu aum⌋? Yawe, ahilag Kayak, Nug ag aɗi aɗi eppelagppa heppig ele amu, Nug uɗat amu oh itattom. Nug ag atu taɗak naɗi amuppa gonana, keeke ohnu heegeg, Nug ag atognoattom. Maɗ 40 imu ooppa, Yawe, ahilag Kayak, Nug ag ele daanna, aɗi keeke ag amu aon, bau daaglagnu doyom amu, Nug amu elele matte, ag keeke laanu ii tutu meppig.

Namba 23:21

Nauhak laa Jakop buɗub dilagppa bekkunu gemu ii daatte. Ao, Israel danab ah ag qagaiettak laa anidkkulagnu ii daatte. Yawe, ahilag Kayak, Nug ag ele daatteb. Yo, Nug ahilag king daatte, amu ewak amu ahilagppa daatte.

Genesis 26:3

Na wan imuppa nakok daye! Anam amu, da na ele daaɗa, da na itidkkul. Da Abraham amegppa dahil nai ɠagattag qetten ami, amubia, da na, amu na buɗunad ele wan imu oh madakkul.

Duteronomi 7:18

Amge ag ahilagnu aib baɗappig! Yawe, ahilag Kayak, Nug Paro, amu Isip wan ohppa ele dilagppa heum amu, hak amu ag daulagppa doaɗ!

Duteronomi 20:2

Ag banelag gokkulagnu daabppeg amu, mana mettak danab nug uɗia, ban daup daulag batakku.

Duteronomi 20:3

Nug akku. “O Israel danab ah, ag daulag human doyeg! Ag gemu kekeɗ banelag gotteb. Ag aib baɗappig! Oolagppa gai-iitta aib dooppig. Ag ban henana, ag baɗak eheɗ nau dooppeg, ahilag dabmak eɗatteb, hamu laih laih aib oolppig.

1 Samuel 17:32

Nug nai me ukke, Dawit nug doya, Saul gumitta ukka, noobppa dayaya, amegppa aum. “Naɗi, Pilistia danab umu, nug heeb, laa aib baɗom! Da, nahip maɗi nid, da goppi, nug ele ban hekkunih,” awa aum.

2 Stori 20:15

Amu Yawenu Ouɗi Nug Jahasiel, nuhigppa daye, Jahasiel nug aum. “O King Jehosapat na, amu ag Juda danab, laa Jerusalemnu, laa Juda wanppa laih laihnu amu, ag oh nai doyeg! Yawe Nug ag amelagppa inam atte. ‘Ag daup huanaknab uɗin daatteb amu, ag amu dilagnu aib baɗappig; ahilag dabmak amu dilagnu qe nak aib dayom,’ awa atte. Aɗinu? Ban imu haknu am ahilag keeke iitta. Iitta! Am Kayaknu keeke.

Sam 23:4

Amu, O Yawe, da aben laa, appa gatatu nau ele daatte amu, da appa oikkul dayeb, na appa ele da ele daagnih amunu, da ii baɗapa. Nahip sipsip gumattaknu dudqak hokkat, nahip doɗ nau lamittaknu bu ele da oo maɗoɗ meɗattep.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Eksodas 20:2

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Namba 10:9

Haen kekeɗ ag uɗippeg, ag ele ag wanelagppa ban hekkulagnu heppeg amu, ag kekeɗ amu ele ban hekkulagnu henana, ag trampet amu huana iwalppeg, da Yawe, ahilag Kayak, da amu doyen, da ag kekeɗ eppelagppanu eɗuen diikkul.

Duteronomi 1:29

Amge da ag amelagppa ami. “Ag baɗak eheɗ nau aib dooppig! Ag aib baɗappig!

Duteronomi 7:21

Yawe, ahilag Kayak, Nug am ɠagattag okkai ele, danab Nug antta, ebehi oh bodoetta le mette elenu Kayak amunu, ag danab amu dilagnu baɗak eheɗ nau aib dooppig.

Duteronomi 9:3

Amge ag imu tutukku doyeg! Yawe, ahilag Kayak, Nugib geha ag noolag awa, Jodan le mataɗa ukka, aab aɗu gakkaɗak naunab keeke he nauhtte, amubia Nug heeb, danab amu ag padal mekkulag. Nug geha heeb, danab amu ag, ag Israel noolagppa ahilag ɠagattag bodoetteb daaglag. Amunu Yawe Nug hekkununab nai anan qakkom bia, Nug heeb, ag Israel ag wana laippun kekeɗ lamadppeg, ag padal mekkulag.

Ikki Danab 6:16

Gideon nug anam a, Yawe nug amegppa aum. “Da na ele daagnih amunu, na geha Midian dilag daup oh hadappe nauhkkulag,” awa aum.

2 Stori 14:10

Ag uɗieg, Asa nug nuhikkud daup ele ag ahan gona, Sera, nuhikkud daup ele uɗalag tekkulagnu goppig. Ag gona Maresa guguittak teeg, oolnu noak onig Sepata, ag appa ban hekkulagnu bappaidppig.

Sam 46:8

Ag dona, Yawe Nug keeke heum amu antteg! Ao, ag dona, wan imuppan wan anen anen ⌊appan danab ah ag ban haknu oolag mauhak daatteb ele amu,⌋ Nug attemnab he nauhppig amu antteg!

Jeremaia 16:14

Amu Yawe Nug atte. “Ag anam daaglag, amge haen laa uɗitte, haen amuppa danab ag baula, ‘Yawe Nug Israel danab ah Isipnu omalatte beppig, Nug genab bau daatte, genab amubia nai da attem imuam genab,’ ii amana.

Sekaraia 10:5

⌊Juda⌋ ag ban danab ɠagattag, banppa ban ɠagattag hetteb bia daaglag. Ao, ag danab, ag ahilkad kekeɗ eheɗ eɗadtteb bia hekkulag. Aɗinu? Yawe Nug ag ele daatteb. Ge, ⌊Yawe ag ele daatteb, amunu⌋ ag ban ɠagattag hena, ag kekeɗ hosppa ban hetteb ele eɗadkkulag.