Duteronomi 2:7 - Nobonob Baibel

⁷ Amu aɗinu ⌊Yawe Nug ag ee, le ele daden mekkulagnu aum⌋? Yawe, ahilag Kayak, Nug ag aɗi aɗi eppelagppa heppig ele amu, Nug uɗat amu oh itattom. Nug ag atu taɗak naɗi amuppa gonana, keeke ohnu heegeg, Nug ag atognoattom. Maɗ 40 imu ooppa, Yawe, ahilag Kayak, Nug ag ele daanna, aɗi keeke ag amu aon, bau daaglagnu doyom amu, Nug amu elele matte, ag keeke laanu ii tutu meppig.

Duteronomi 2:7 Referans Kwoze

Luk 22:35

Jesus Nug Pita amegppa nai amu awowa, Nug nai baula tuɗitta ippunittak awak danab 12 amelagppa aum. “Anukka da hei ag gonana amu, men doɗo inaknu hogot, oiyaknu battam, baelag gaɗa ele ii akkan goppig, haen amuppa amu ag keeke laanu tutu mak dooppigte o iitta?” oɗ mattom. Oɗ matte amu ag, “Iitta,” appig.

Nehemaia 9:21

Ag atu taɗakppa maɗ 40 oiyegeg, na atognoadna autna aome amunu, ag keeke laanu tutu ii meppig. Lamen ahilag alag ii me, ag baelkad ele ii titiɗadppig.

Duteronomi 29:5

Amu Yawe Nug atte. “Maɗ 40 oh da, Yawe, da ag omalatti, atu taɗakppa oimut. Ag oiyegeg, ag ahilkad lamen, baelkad gaɗa ele ii nauhppig.

Sam 31:7

Na uug da iwom anidme. Ao, na da oolppa guittak nau doomi anidme. Anam amunu da nahip oo mauhaknab kobolnu amu, da gamal huananab ahatte.

Job 23:10

Da Nug ii anidttem, amge Nug da ib attenppa oittem amu, Nug dootte amunu, Nug ma anttak elele meɗa maleb, da enanag bein daakkul; da danab nug he, gol enanag ba daatte, da gol amubia enanag bein daakkul.

Sam 90:17

Naɗi, na ihinig Kayak, nahip itittak ena ihinigppa daakkunu oɗ medattem. Ao, ig aɗi keeke oh hettem, amuppa na ig ehanigppe, ihinig uɗat meu okkunu unuqidttem. Ge, ig aɗi keeke oh hettem, amuppa na ig ehanigna heppe, meu okkunu oɗ medattem.

Genesis 26:12

Nug anam a, dimppa Aisak wan amuppa dayeye, Yawe nug itittom amunu, Aisak nug keeke laala eppa, maɗ amu ooppa nug eppomnu meu kuɗumnab awom.

Genesis 24:35

Yawe Nug dahil okkai Abraham keeke ohnu itittom amunu, nug enub kuɗum ele; sipsip, makau, kamel, donki, silwa, gol, maɗi nid maɗi ah ele.

Genesis 12:2

Amu da heppi, na buɗunad ag appatna, huu okkainab, ɠagattag ele daaglag. Da na itittak ena ele medakkul. Na onin okkai humappi, na laala itittak ena madakkut.

Genesis 39:5

Potipar nug nug laug, nuhikkud keeke laa oh Josep eppegppa me, haen amu dimppa Yawe Nug Josep beɗuppa Potipar itittom. Nug Potiparnu keeke oh, laugppanu, dad okkaippanu ele ititte, ena beppig.

Jon 10:27

Sipsip dahilad amu, ag da baal dootteb. Da ag doyadttem, amu ag da dim lamiɗtteb.

Sam 1:6

⌊Nau hak danab ag anam aakku daaglag.⌋ Aɗinu? Yawe Nug genab tutukku hak danab ah atognoadtte, amge nau hak danab ag padal mekkulag.

Genesis 30:27

Jakop anam a amu, Laban nug oɗeppa awa aum. “Na oot dahilnu ena daatte dayeb amu, na gokkutnu aib heme. Na da ele ippa daagnih. Aɗinu? Da dahil emanppa Yawe Nug nappa da itiɗom anidmi.

Namba 14:33

Ag da, Yawe, ag da ippunadmi bia da dim lamiɗkkulagnu uun heppig amunu, diig amunu ag bekkalkad geha atu taɗakppa mauhnoak maɗ 40 oiglag. Ag geha anam oippeg ukkeb, ag laa oh mauhadkkulag.

Namba 14:34

Lokkumakppa atu italak danab ag wan atu italkkulagnu maatteg goppig amu, ag deɗ 40 oippig. Anam bia, ag hipunin heeg, ag hipunin hak amunu guittak maɗ 40 batak doon oiglag. Maɗ laippu, amu deɗ anen anen, deɗ 40 wan italna oippig, am amu elele medakku. Ib amuppa amu, da ahilag hak amunu eheɗ doyeye ool ii madattem, ag amu dooglag.’

Namba 32:13

Yawe Nug Israel dilagnu oo huana nauhe, Nug he, ag atu taɗakppa maɗ 40 oh yawaina oippig. Ag anam oinna, Yawe he, laa kobol eheɗ heppig ele, ag mauhadna iitta meppig.

Duteronomi 1:19

Yawe, ihinig Kayak, Nug ig anam hekkunignunab amenigppa a, ig Horep qauko uut, ahat yawaita, atu ag aakku anidppig ele amu, atu taɗak okkainab amuppa oit oit gomut. Danab nug atu taɗak amunu baɗak dookkunu elele. Ig atu taɗak amu oppat-ta gota, Amo dilag wanppa, laih qauko qauko eleppa tekkunignu teta, ig Kades Barnea temut.

Duteronomi 1:46

Amu ig Israel, ig Kades appa haen nakok elab daamut.

Duteronomi 2:6

Am ag eete, iitta lete laa aoglag amu, ag daden mena aoglagnu daatte,’ ” awa aum.

Duteronomi 2:14

Anukka ig Kades Barneanu ahat ukkaut, maɗ 38 uue, ig anam Seretnu oolnu noak oppat-ta gomut. Am Yawe Nug anam daakkunu nuhig nai ɠagattag qetta aum bia, danab ag Kades Barnea tatam appa daanna, ban haknu ɠagattag elele amu, ag maɗ 38 amu ooppa ohnab mauhadppig.

Sam 107:4

Danab ah laala ag atu taɗak nau, ag appa yawaina oinna, ag aab okkai laa amuppa daaglagnu laa ii anidppig.

Jeremaia 2:2

“Na ahan, Juda danab ah oh ag nai dahil imu dooglagnu appe doyeg! ‘Ag Israel, ag dahil ah bia daatteb. Amu da Yawe, da anukka ag dahilnu oo mauhaknab dooppig daulppa dotte. Ag ah bau nug gamunu oo mauhtte, amubia ag dahilnu oo mauhak dooppig. Ag anam doon, ag atu taɗak, appa ag dim lamiɗna uɗippig. Ao, wan danab ah keeke ii ebattebppa, appa ag da dim lamiɗppig.

Hosea 13:5

Da ag atu taɗakppa atognoadmi; aben amuam gakkaɗak naunab ele.

Amos 2:10

O Israel danab, da Yawe, da Amo dilag wan ag madakkulnu, da ag Isipnu diie bein, da atu taɗakppa maɗ 40 ag omalatte oimi.

Genesis 39:3

Potipar nug Yawe Josep ele daapiɗ, nug amu anttowa, nug Josep aɗi heum am enaib beeg ele anttowa amu,

Eksodas 16:35

Am Israel ag maɗ 40 maana laeg ukke, ag haen amuppa gona, Kanan wanppa, danab ah appa daappig amu, ag daaegeg, ag gona appa tena, ag maana baula ii lappig.

Namba 1:1

Israel danab ah ag Isipnu ahan ukkaeg, maɗ aɗit bia uue, ag atu taɗak onig Sinai, appa daappig. Maɗ amunu kalam ebqak aɗitnu deɗ tatam amuppa, Moses nug mettid haknu peh lag danab ah appa qagmetteb ele, nug appa dayeye, Yawe Nug amegppa aum.

Namba 22:12

Balam nug anam Kayak amegppa aum, amge Kayak Nug eɗua Balam amegppa aum. “Na aib ag dim lamadme. Danab huanaknab Moap wan daugppa daatteb amu, da ag itittak ena mattamide amunu, na aib ag eheɗ laa awaknu anak waappa daaglagnu ame!” awa aum.

Duteronomi 29:4

Amge anukka, gemu ele ⌊ag kobol amu ohnu diignu doyak tutukku aoglagnu oolagppa guittak ii dootteb⌋ amunu, Yawe Nug ag anidkkulagnu, o ag daulagppa dooglagnu amu, Nug heeb, ag diignu doyak tutukku aoglagnu ii heum.