Duteronomi 2:37 - Nobonob Baibel

³⁷ Anam, amge ig Amon danab Jabok le daugppa daappig, amu aab qauko nakokppa daappig amu, ig amu dilagnu ag awaidta daamut. Yawe, ihinig Kayak, Nug ig ag ele ban hematanu aum amu, ig anamnab ag ele ban hak ii hemut.

Duteronomi 2:37 Referans Kwoze

Duteronomi 3:16

Aria, Israel dilag huu okkai Ruben, Israel dilag huu okkai Gad ele amu, da wan laih Gileatnu ukka, Arnonnu oolnu noak gamagppa wana ukkak, amu Jabok leppa wanak, da wan amu ag mattami. Le Arnon, le amuam Amon tomppa daatte.

Namba 21:24

Amge Sihon nug ban ii eɗittom. Iitta. Israel ag nug, nuhig ban daup ele eɗadna, ag nug qeeg mauhom. Ag nuhig wan, Arnon leppan digma ukka, Jabok batak amu, ag amu oh aoppig. Sihon nuhig wan amu ukka, Amon dilagppa batom, Israel ag wan nuhig amu aakkuib aoppig. Aɗinu? Amon, ag ahilag wan tom amu, ag ɠagattag aɗappig.

Genesis 32:22

Anam dayeye amu, tuqan amuppa Jakop nug wauuɗ, nug wauuɗ amge wauuɗnab iitta, amu nug bekkod 11 ele diiatta, nug Jabok le, le baag qakppa mataɗowa, ⌊eɗua ukka,⌋ nug he, nug baekkudppa laa oh ag le mataɗeg, amu nug he, laa ag keeke nuhig oh ele diin, le mataɗna wappig.

Duteronomi 2:19

Amon wan ooppa nokkulag. Amon danab ah, ag ⌊ele⌋ Lot alakkud amu, da ag wan ahilag, wan amu ahilag keeke daakkunu da ag mattami amunu, da wan ahilag maha nakok laa, da ag Israel, da ag ii madapa. Amu diig amunu ag Israel, ag Amon, ahilagppa ban nakok laa aib heppig,’ ” awa aum. ⌊Moses nug nai amu Israel danab ah amelagppa anam aum.⌋

Josua 12:2

King Sihon nug am Amo ted. Nug Hesbon dayeye, Israel ag eɗidna, nuhig ban daup ele eɗadppig. Wan nuhig tom am, Arnon oolnu noak, aab Aroer am oolnu noak amu daugppa dayom, amu wan nuhig tom am appa digma, oolnu noak amu awa ukka, le Jabok, appa waum. Le naɗi amuam wan tom Sihonnu, amu Amon ele dilag dayom. Wan laa onig Gileat, wan amunu maha laa am ele Sihonnu dayom. Wan maha amuam, Gileat wan maha laa le Jaboknu, laih yawalti uɗitteppanu daatte.

Ikki Danab 11:15

“Nai imuam Jeptanu. Israel ag Moap, o Amon wan laa ii aoppig.

Duteronomi 2:9

Ig ukkautut amu, Yawe da amelppa aum. “Da Moap danab ah, ag Lot alakkud amu, da ag Moap wan ahilag daakkunu da ag mattami amunu, da wan ahilag maha nakok laa, da ag Israel, da ag ii madapa. Amu diig amunu ele ag Israel, ag Moap, ahilagppa ban nakok laa aib heppig,” awa aum. Amu Moses nug danab ah amelagppa anam aum.

Duteronomi 2:5

Seir wanppa, laih qauko qauko ele, amu da amu Esau buɗub, ahilag keeke daakkunu da ag mattami amunu, da wan ahilag maha nakok laa, da ag Israel, da ag iinab madapa. Amu diig amunu ele, ag Israel, ag Edom ahilagppa ban nakok laa aib heppig.

Ikki Danab 11:22

Wan amunu tom am le Arnon ukka le Jabok batak. Amu atu taɗak ukka, Jodan leppa batak.