Duteronomi 2:36 - Nobonob Baibel

³⁶ Yawe, ihinig Kayak, Nug ehanikke, ig aab onig Aroer aomut. Aab amu nug Arnonnu oolnu noak amu daugppa dayom. Nug ig ehanikke, ig aab nakok oolnu noak amu gamagppanab dayom, ig amu ele aomut. Yawe Nug ig ehanikke, ig aben oh aout ukke, Gileat batom. Aab amu ohppa ig eɗikkaknu laa iitta.

Duteronomi 2:36 Referans Kwoze

Josua 13:9

Wan ahilag amu, amunu tom am Arnon oolnu noak, aab Aroer am oolnu noak amu daugppa daatte, amu wan amu, nuhig tom am appa digma, oolnu noak amu, amu oolnu noak amu gamagppa aab laa appan daatte, am amu oh awa ukka, Medeba uɗemppa wana ukka, Dibon appa batom.

Duteronomi 4:48

Israel ag danab ag aab Aroer, Arnon oolnu noak daug aiɗa daatte, aben appanu danab eɗadna, ahilag wan aoeg ukke, Sirion qaukoppa batak ele eɗadna, wan amu oh aoppig. Sirion qaukonu, ag Hermon qauko ele adappig.

Duteronomi 3:12

Ig wan amu ihinig daakkunu aot, da wan maha Aroernu ukkak, Arnon oolnu noak eleleppa daatte, amu Gileatnu wan qauko qauko ele, amunu maha laa ele, nuhig aab oh ele, da wan amu Israel dilag huu okkai Ruben, amu Israel dilag huu okkai Gad ele mattami.

Sam 44:3

Amu ag akka, ahilag qep elabppa wan amu ii aoppig. Ge, ag akka ag ahilag ɠagattagppa, kekeɗ wan amuppa daappig ele ii eɗadppig. Amu iitta. Na ahilagnu oo mauhak doome amunu, na ag ele hanhan daan hena, nahip ɠagattag amuppa ehanatte, ag kekeɗ eɗadppig.

Rom 8:31

Amunu ig Kayak keeke heum ele, amu ohnu ig aɗi aot akkunig? Ig inam aot akkunig. “Kayak Nug ig ehanigtte dayeb amu, laa nug ig kekeɗ mekka eɗigkku? Iitta!” aot akkunig.

Jeremaia 48:19

Ag danab ah Aroer aabppa daatteb, ag ahan gona, ib daugppa daanna neegppeg ukkeb, danab ag ooltteb, ah kekeɗ aqamnanu oolna gobeppeg anadkkulag. Anadna amu, ag amelagppa aig! ‘Aɗi beebe ooltteb?’ oɗ matteg!

Aisaia 17:2

Kekeɗ ag geha amu heppeg, danab ah laa geha appa aab okkai laa distrik Aroer amuppa ii daamna; geha aab okkai oh hamuib daaglag. Geha aab amu hamu daappeg, sipsip ag geha appa ee lanana, ag ele appa niippeg, danab laa ag lamadkkunu am iitta amunu, ag ii baɗamna, ag hamu daaglag.

Josua 13:16

Wan ahilag amu, amunu tom am Arnon oolnu noak, aab Aroer am oolnu noak amu daugppa daatte, amu wan amu, nuhig tom am appa digma, oolnu noak amu, amu oolnu noak amu gamagppa aab laa appan daatte, am amu oh awa ukka, Medeba uɗem okkai daug uma ukkakppa dayom.

Josua 12:2

King Sihon nug am Amo ted. Nug Hesbon dayeye, Israel ag eɗidna, nuhig ban daup ele eɗadppig. Wan nuhig tom am, Arnon oolnu noak, aab Aroer am oolnu noak amu daugppa dayom, amu wan nuhig tom am appa digma, oolnu noak amu awa ukka, le Jabok, appa waum. Le naɗi amuam wan tom Sihonnu, amu Amon ele dilag dayom. Wan laa onig Gileat, wan amunu maha laa am ele Sihonnu dayom. Wan maha amuam, Gileat wan maha laa le Jaboknu, laih yawalti uɗitteppanu daatte.

Josua 1:5

Josua, da haen oh na ele daagnih. Da Moses ele daamuɗ, amubia da na ele daagnih. Na wanppa bau daappe, haen amu ohppa laa nug na eɗidkkunu elele ii daama. Da na ii uuidpa. Da na ii paɗaidpa.

Eksodas 23:31

Am da ahilag wan tom amu oppatppi, tom amu laa am yu oɗe onig Akaba, appanu digma ukka, yu naɗi Mediterenia appa batak daakku. Tom laa am le naɗi Yupretis laih yawalti uɗitteppanu, appa digma ukka, atu taɗakppa laih yau uɗitteppanu, appa batak daakku. Amu danab appa daatteb amu, da geha ɠagattag ag ag eɗadkkulagnu madakkul amunu, haen ag wan amu ooppa nona, ag danab amu lamadppeg gokkulag.

Namba 32:34

Gad danab ag aab Dibon, Atarot, Aroer, Atrot Sopan, Jaser, Jogbeha, Betnimra amu Betharan ele eɗun bappalatteg, ag aab okkai ɠagattag aɗ ele daaegeg, ag ahilkad sipsip, meeme ele dilag aɗ ele italadppig.

Ikki Danab 11:22

Wan amunu tom am le Arnon ukka le Jabok batak. Amu atu taɗak ukka, Jodan leppa batak.

Ikki Danab 11:26

Amge na amu, maɗ 300 uue, gemu ig Israel nahip wan aomutnu anana, ban haknu attem. Israel ag haen elab ippa daappig. Israel danab ah ag Hesbon aab, aab laa amu guguittak daatteb, aab Aroer, aab laa amu guguittak daatteb, aria aab laala ag Arnon le daug aiɗak, amuppa ele daaeg gotte. Wan amu genab nahip daatte dayeb amu, aɗinu na maɗ 300 uue, eɗun aokkutnu iikku ban hettem?

2 Samuel 24:5

Ag Jodan le mataɗna, ag gona, aab onig Aroer, oolnu noak gamagppa daatte, appa uɗat amu digmeppig. Ag amuppa digmena, ban danab onilag yaanna, ag gona gona, Gad wanppa ele hena, ag aab onig Jaser batak teppig.

2 King 10:33

Jodan leppanu kaɗag uɗitteppanu, appanu daatte amu, nug wan amu oh nug awom. Amuam Gileat wan. Israel dilag huu okkai Gad, Ruben amu Manase huu maha ele, ag wan atu amuppa daatteb. Wan amuam aab onig Aroer, oolnu noak onig Arnon daugppa daatte, appa digma ukka, Gileat wan oh, amu Basan wan oh ele batakppa daatte.

Josua 21:44

Amu Yawe Nug he, Israel dilag kekeɗ ag nakok laa heeg, Israel ag ii baɗadna, ag maɗoɗ, ena daappig. Yawe Nug ag mamelkad aɗi amelagppa Nug anamnab hekkunu nuhig nai ɠagattag qetta aum amu, Nug amu bianab heum. Yawe Nug Israel ehanattom amunu, ahilkad kekeɗ laa ag Israel ele ban hena, eɗadkkulagnu elele iitta daappig.