Duteronomi 2:30 - Nobonob Baibel

³⁰ Da nai amu mei ukke doyom, amge Hesbon dilag king Sihon nug ig anam hekkunignu uuom. Aɗinu? Yawe, ahilag Kayak, Nug ag ehanatteb, ag Sihon eɗidkkulagnu, Nug he, Sihonnu dabmak aakku ɠagattag eppe, hibguitta heum. Sihon nug ag wan nuhig oppatna gokkulagnu uuom me, ag gemu dootteb bia, Yawe Nug ag ehanatte, ag nug eɗidppig.

Duteronomi 2:30 Referans Kwoze

Namba 21:23

Ag nai amu meeg ukkom, amge Sihon nug Israel ag nuhig wanppa wana gokkulagnu uuom. Nug uuom amunu, nug nuhig ban daup kuɗum oh diie, ag atu taɗakppa, Israel ele ban hekkulagnu goppig. Ag gona, aab onig Jahas appa teeg, appa ag Israel ele ban heppig.

Eksodas 4:21

Am Yawe Nug Moses amegppa aum. “Dimppa na gona, Isip tewona amu, na kobol danab haknu elele iitta, da na kobol amu na hekkutnu ɠagattag mettami amu, na amu oh Paro noobppa hekkut. Na anam hekkut amge da heppi, Paronu dabmak aakku ɠagattag ebakku. Nuhig dabmak am ɠagattag eppa dayebeb, Paro nug danab ah uuatteb ii gomana.

Eksodas 11:10

Moses, Aron ele amu, aa uɗat ɠagattagnab ele kuɗum Paro noobppa hepiɗ, amge Yawe Nug he, Paronu dabmak aakku ɠagattag eppa dayom amunu, Paro nug he, Israel ag nuhig wan, am Isip wan, ag wan amu ⌊paha⌋ uun ii goppig.

Aisaia 48:4

Da ag, ahilag dabmak am ɠagattag eppom daatte, da ag heppeg, dabmak ahilag eɗukkunu iinab hetteb am doomi. Ahilag dabmak am ɠagattagnab; aen o bras bia.

Ikki Danab 11:20

Ag anam appig, amge King Sihon nug Israel ag nuhig wan oppatna, laih gokkulag aakkuib hekkulagnu amu, nug ooppa genab ii doyom amunu, nug ban daup nuhikkud oh onilagppa e gona, Jahas appa qagmena, haen tutu dayaknu aab kalan, ag banelag gona, Israel danab ele ban heppig.

Duteronomi 2:31

Sihon nug ag uuatteb, nuhig wanppa nona wana gokkulagnu uue amu, Yawe Nug da amelppa aum. “Antte! Da Sihon, nuhig wan ele ag eppelagppa mekkulnu digmein hettem. Ag aguppa daaglagnu ag digmena aweg!” awa aum.

1 King 12:15

King Rehoboam nug anam aum amunu, nug danab ah, ahilag oo hak, ag amunu nug amegppa appig amu, nug ahilag nai amu ii dabmeum; dim ii lamittom. Amu beumnu diig am, Yawe Nug nukka he, King Rehoboam nug danab ah appig amu oɗelag dim ii lamittom. Aɗinu? Yawe Nug Nebat bekka Jeroboam amegppa nai aum, nai amu heeb, meu bekkunu heum. Anukka Yawe Nug Silonu propet Ahaiya amegppa Jeroboamnu a, Ahaiya ukka Jeroboam amegppa aum.

Gayak Nai 3:65

Ao, na heppe, ag uug okkainab laa doon, ag eheɗ laa awaknu anak waappa daaglagnu oɗ medattem.

Eksodas 7:14

Paro nug anam he, aria Yawe Nug Moses amegppa inam aum. “Paro nug nuhig dabmak am ɠagattag eppak daatte; nug Israel paɗatteb gokkulagnu ii hette.

Namba 21:33

Israel ag Jaser eɗittona amu, ag eɗun, aon Basannu ib ukkak, amu goppig. Ag ukkaegeg amu, Basan dilag king Og, nug nuhikkud ban daup oh ele ag Edrei appa, ag ele ban hekkulagnu uɗippig.

Namba 21:34

Ag ban hekkulagnu uɗieg amu, Yawe Nug Moses amegppa aum. “Genabnab da ag ehanadppi, ag danab amu eɗadkkulag amunu, ag aib ahilagnu baɗappig. Geha da ag ehanadppi, ag nuhig ban daup oh eɗadppeg, da geha ahilag wan ag madakkul. Ag Amo dilag king Sihon, Hesbon dayaya gumak heum ele, ag nuhigppa heppig bia hetteg!” awa aum.

2 Stori 10:15

King Rehoboam nug anam aum amunu, nug danab ah, ahilag oo hak, ag amunu nug amegppa appig amu, nug ahilag nai amu ii dabmeum; dim ii lamittom. Amu beumnu diig am, Kayak Nug nukka he, King Rehoboam nug danab ah appig amu oɗelag dim ii lamittom. Aɗinu? Yawe Nug Nebat bekka Jeroboam amegppa nai aum, nai amu heeb, meu bekkunu heum. Anukka Yawe Nug Silonu propet Ahaiya amegppa Jeroboamnu a, Ahaiya ukka Jeroboam amegppa aum.