Duteronomi 2:25 - Nobonob Baibel

²⁵ Gemu digmak da heppi, wan ohppan danab ag digmena, baɗak eheɗ nau ele ahilagnu dooglag. Ag aɗi hettebnu doona amu, ag naunab doon, ag baɗak okkai dooglag,” awa aum.

Duteronomi 2:25 Referans Kwoze

Duteronomi 11:25

Ag Nug oɗe dim lamidkkulag dayeb amu, ahilkad kekeɗ ag ag ii eɗadmana; kekeɗ ag geha oolna gokkulag. Ele amu Yawe, ahilag Kayak, Nug ahilkad kekeɗ dilagppa heeb, kekeɗ ag ahilagnu baɗak eheɗ nau dooglag. Nug amu hekkunu nai anan qakkom, amu aakku hekkunab. Nug ag wan madatte, ag wan amuppa adeppa adeppa oiglag amu, Nug amuppa anamnab aakku hekku.

Duteronomi 28:10

Ag anam daappeg, wan atu ohppan danab ah ag anadkkulag amu, ag Yawe Nug ag nuhikkudnab daaglagnu diiom anadna, ag ahilagnu ebehilag oh bodoetta le mekku.

Eksodas 23:27

Da ag noolagppa anuqe ukke heppi, ahilag kekeɗ, ag ag ele ban hekkulag amu, ag eheɗ nau baɗappeg, ootot aqeb, ag eɗun, oolna gokkulag.

Revelesen 3:9

Iikkud antte! Da heppi laa ag, ‘Ig am Juda,’ aon atteb, amge ag am Juda tutukku iitta, ag am Satannu daupib, ag geha na noomppa dup nokkulag, da nahipnu ool mauhtte ele dooglag.

Sam 105:38

Isip danab ah ag Israel danab ah dilagnu baɗak okkai dooppig amunu, ag ukkaeg, Isip ag enaib dooppig.

Josua 9:24

Josua nug anam a amu, Gibeon ag nob mena appig. “Ig, nahipad maɗi nid maɗi ah ele amu, ig anam hemutnu diig am, Yawe, ahilag Kayak, Nug nuhig maɗi nid Moses amegppa, nug wan imu oh ag matteb, wan imuppan danab ah ele oh heeb, padal mekkulagnu haknunab nai aum amu, ig amu doomut amunu, ig anam hemut. Ig bau dayak ihinignu dabmeta, ag baɗadta, ig anam hemut.

Jeremaia 33:9

Da Israel danab ah dilagppa, Juda danab dilagppa ele anam hewoya, da Jerusalemnu dabmein, da gamag ahak dookkul. Amu wanppan wan ohppan danab ah ag kobol ena ena da Jerusalem appa hekkul anidna, ag onig okkai, binag ele da meɗaglag. Ge, ag da maɗoɗ okkai, enub okkai ele Jerusalem danab ah madakkul anidna, ag dahilnu ebehilag oh bodoetta le meebeb, ag beɗulag hahaɗkku.” Yawe Nug anam atte.

Genesis 35:5

Jakop anam he, ag ahan Betel ukkaegeg, Kayak Nug he, appan danab ag baɗak eheɗ nau doon, ag Jakop aɗi ele ban ii heppig.

1 Stori 14:17

Dawit nug anam heum amunu, danab ah wan atu ohppa nuhignu nai dooppig, amu Yawe he, wanppan wan ohppan danab ah ag oh nug baɗidppig.

Josua 10:2

Anam amu, aria Adoni Sedek nug, amu nuhikkud danab ah ele ag Gibeon danab ag Israel ele maɗoɗ daan, ag ehanadkkulagnu ele nug tituanna nai qagappig doona, ag huananab baɗappig. Ag baɗappig diig amu, Gibeon am aab okkainab; am aab laala king ele, am aab amubia. Laa amu, Gibeon am Ai eɗittak; am ele amu, Gibeon danab oh ag am daup danab ɠagattagnab.