Duteronomi 2:24 - Nobonob Baibel

²⁴ Amu Yawe Nug tuɗitta aum. “Ahappeg! Gemu ag Arnonnu oolnu noak oppatna ukkeg! Iikkude antteg! Da ag ehanatte heppi, ag Amo dilag king Sihon, Hesbon daatte eɗidppeg, da nuhig wan ag madakkul. Ag banelag gona, nug qekkulagnu ban hena, digmen wan aweg!

Duteronomi 2:24 Referans Kwoze

Daniel 4:17

Danab ah ag Kayak Attannab Laa Oh Eɗattak Nug wanppanu ɗo maɗoɗ oh gumadtte dooglagnu, ag auntai laa nug ɗo maɗoɗ laa dilag okkai daakkunu amu, Kayak Nugib he, danab laa, danab onig eletai, o danab onig iittanab eletai, nug huu dilag okkai daatte dooglagnu amu, amu miag atitte. Nai awa ukkak danab ag nai imu mattieg, laa dootteb. Ao, laa ag Kayaknu oppiaawak ele daatteb, ag keeke imu bekkunu nai imu atteb,’ awa eum.

Daniel 2:38

Nug danab, ah, doɗ wanppa oitteb, ai hab waappa hagagaɗna oitteb ele na eppenppa meum. Danab, doɗ, ai ele ag adeppa adeppa daatteb amu, Kayak Nug he, na ahilag okkai daattem. Dottog ikki golppa hak am na ippunigtte.

Esekiel 29:20

Da hei, Nebukatnesar nug nuhikkud daup ele, ag Tair aab ele ban heppig, amge ag nob ena laa ii aoppig. Anam, amge da nug uɗat amu hekkunu ai heum amunu, nug amunu nob ena aokkunu da Isip nug eppegppa mekkulnu dabmak awen, iikku hekkulnu attem.” Naɗi Yawe Nug anam atte.

Jeremaia 27:5

Da Yawe, da ɠagattag okkai ele, amu da ɠagattag amuppa da wan imu, danab ah wanppa daatteb, doɗ wanppa daatteb ele oh hattami. Da amu oh hattami amunu, da aun nug keeke amunu okkai daakkunu ool hette amu, da keeke amu oh nug eppegppa mettem.

2 Stori 36:23

Amu Sairus, Persia dilag king, nuhig nai am iikku. “Yawe, Nug Kayak hab attan daatte amu, nug wanppan wan atu oh da meɗom. Nug da meɗa, da nug laug laa Juda wanppa Jerusalem appa bapaidkkulnu da otiɗa, amu hekkulnu da amelppa aum. Nug anam aum amunu, ag Juda buɗub amu, ag oolagppa aun nug Jerusalem ukka, amu hekkunu dabmette ele amu, Yawe, nuhig Kayak, Nug ele daayya, nug ukkaɗ!” awa yom.

Josua 6:16

Ag anam hena, haen ag aab amu talilitteg, eblaih aɗit bate amu, mana mettak danab ag trampet huana iwalattegeg, Josua nug danab ewak hekkulagnunab ana, nug aum. “Yawe Nug aab okkai ag eppelagppa maattom amunu, ag eig!” awa aum.

Duteronomi 2:36

Yawe, ihinig Kayak, Nug ehanikke, ig aab onig Aroer aomut. Aab amu nug Arnonnu oolnu noak amu daugppa dayom. Nug ig ehanikke, ig aab nakok oolnu noak amu gamagppanab dayom, ig amu ele aomut. Yawe Nug ig ehanikke, ig aben oh aout ukke, Gileat batom. Aab amu ohppa ig eɗikkaknu laa iitta.

Esra 1:2

Amu Sairus, Persia dilag king, nuhig nai am iikku. “Yawe, Nug Kayak hab attan daatte amu, nug wanppan wan atu oh da meɗom. Nug da meɗa, da nug laug laa Juda wanppa Jerusalem appa bapaidkkulnu da otiɗa, amu hekkulnu da amelppa aum.

Namba 21:12

Aria, Israel danab ag Iye Abarim uun, ahan gona, Seret oolnu noak appa ag haen tutu dayaknu aab kalappig.