Duteronomi 2:12 - Nobonob Baibel

¹² Anukkanab, Hor danab ag tatam Seir appa daattappig, amge Esau buɗub, ag danab amu lamadppig. Ag amu hena, hattaeg nauheg, ag wan ahilagppa daappig. Seir danab amu ag, ag Israel ag Kanan hattaeg nauheg, ahilag wanppa daappig bia, danab amu hattaeg nauheg, ag ahilag wanppa daappig. Yawe Nug Kanan wan amu Israel ahilag daakkunu mattom.

Duteronomi 2:12 Referans Kwoze

Duteronomi 2:22

Yawe Nug Esau buɗub ag Seir daatteb amu, Nug ag ehanattom bia Amon danab ehanattom. Nug he, Esau ag Hor danab lamadna hattaeg nauhppig amunu, Esau buɗub ag ahilag wan aon daappig. Ag wan amu aon daaeg uɗie, gemu ⌊nai imu yaak haenppa⌋ ele daatteb.

Genesis 14:6

Hor danab ele, ag Seir wanppa laih qauko qauko eleppa daappig amu, ag ag ele eɗadna, aben laa onig Elparan, atu taɗak guguittak daatte amu, amuppa batappig.

Duteronomi 2:32

Yawe Nug da amelppa anam a, dimppa Sihon nug nuhig daup ele, Jahas appa ig ele ban hekkunignu uɗippig,

Duteronomi 2:13

Aakku Moses tuɗitta aum. “Ig Seretnu oolnu noakppa, Moap dilag tomppa, yau uɗitteppanu waut, amu Yawe Nug ig oolnu noak amu oppat-ta gokkunignu aum amunu, ig anam aakku hemut.