Duteronomi 19:17 - Nobonob Baibel

¹⁷ aria, danab amu, laa nug nuhignu, “Nug eheɗ amu heum,” aum ele amu, aa oh, mana mettak danab, amu hettoɗiak danab ele, ag oh haen amuppa uɗat amu henan daatteb amu, aa ag noolagppa, Yawe noobppa ele daapeɗ, hettoɗiak hekkulagoitte.

Duteronomi 19:17 Referans Kwoze

Duteronomi 17:9

Ag nai amu akkan, appa gona, mana mettak danab, ag ele Lewi buɗub amu, ag ag, amu epeɗiak danab haen amuppa daatte, ag nug, mana mettak danab ele oh nai amunu oɗ madappeg, ag nai amu anidna, epeɗin elele mettaglag.

Duteronomi 21:5

Mana mettak danab, ag Lewi buɗub daatteb amu, ag ele appa gokkulag. Aɗinu? Yawe, ahilag Kayak, Nug ag nuhig ɗo maɗoɗnu uɗat Nug onigppa hekkulagnu, ag Nug onigppa danab ah itadkkulagnu, ag am haen nai beeb, aun nug genab atte, o aun nug eheɗ heum, o nug qak daye aun eheɗ heum, ag amu hettoɗin akkulagnu otiattom.

Malakai 2:7

Nug amu heumnu diig am: Mana mettak danab nug doyak tutukkuib madikkunu daatte. Ao, danab ah ag mana mettak danab dilagppanu ippunittak aoglagnu daatte. Diig laa am, mana mettak danab anen anen ag am Yawe Nukka Ɠagattag Oh Elenu nai awa ukkak danab daatteb.

Eksodas 22:8

Amge ag yab danab amu mattin ii anidna amu, ag danab keeke gumom ele, nug keeke amu yab awomte, o iittate, ag amu dooglagnu, ag nug aon, mettid lakka da noolppa goppeg, da nuhignu ippunadppi dooglag.

Duteronomi 25:1

Danab aɗit laa aa mattiak ahilah aoya, hettoɗiakppa goya daaglah dayeb, epeɗiak danab nug laa amu tutukku atte, laa nug eheɗ heum akku.

Esekiel 44:24

Danab aɗit laa aa naippa a ona, a doak hekkulah dayeb amu, mana mettak danab ag epeɗiak danab daan, aa oolahppa aun nug ena hette, aun eheɗ hette amu, ag dahil ɗo dabmenana, ag nai amu babaitteg! Mana mettak danab ag hobul dayaknu haen epeɗiak, ag Israel ag hobul amuppa ag aɗi hekkulagnu ɗo mattami amu, ag ɗo iɗu iɗu amu oh dim lamidna, ag dahil Sabat, dahilnu tituanak daakkunu ɗo mattami amu, ag amu ele dim lamidkkulagoitte.

Eksodas 21:6

aria, gumak danab nuhig nug danab amu awa, Kayaknu mettid lagppa, nug amuppa ukka heeb, nid nug od ukku, ad amuppa hibaitta dayebeb, gumak danab nuhig nug tutuippa nug daug bami otuleb, amu geha nid amu nug danab amu, nuhig maɗi nidib dayeb ukkeb, nuhig mauhak batakku.

Duteronomi 16:18

Yawe, ahilag Kayak, Nug aab oh madakkun hette amu, ag amuppanu epeɗiak danab, amu okkai danab ele otiatteg! Ag Israel dilag huu okkai anen anen, ag anam heig! Ag otiadppeg, geha ag danab ah dilagppa epeɗiak, Israel wan ohppa nai doya mala hettoɗia epeɗia elele mettak kobol dim lamidnana hekkulag.