Duteronomi 18:6 - Nobonob Baibel

⁶ Lewi buɗub laa nug amunu oo heeb, nug aab Israel ooppa daatteb, nug amuppanu aha, Yawe aben epeɗikkuppa ukka, aguppa daakku. Nug amu hekku am nai iitta.

Duteronomi 18:6 Referans Kwoze

Duteronomi 12:5

Iitta! Ag Yawe, ahilag Kayak, ag Nug gumidna gona, Nug noobppa dup nona binag mekkulagnu, Nug Israel ooppa aben adekku, Israel dilag huu okkai attenppa, Nug onig aguppa daakkunu, ag amuppa Nug noobppa dup nona binag mekkulagnu tituankku, ag amuppa gona heig! Ag mauhnoak aben laalappa ii hemana.

1 Pita 5:2

Ag Kayaknu danab sipsip bia ag eppelagppa daatteb atognoadna autna aweg! Ag ɗo duttunakppa bia daanna, ahilag uɗat aib heppig. Iitta. Ag Kayak oo niitte amubia ena doonna hekkulag. Ag men doɗo aoglagnu aib dabmenana heppig, ag oolag ahebeb hekkulag.

1 Timoti 3:1

Nai imuam genab, danab nug Kristen tamaniaknu gumak ikki danab bekkunu oo niitte dayeb amu, nug aakku uɗat enanu oo hette.

Sam 84:10

Deɗ laippu na guguitta dayaknu am enanag. Deɗ 1,000 atu laih adekku dayaknu am enanag iitta! Da Kayaknu mettid lag, da amuppa od gumak danab aakkuib daakkul am enanag. Da nau hak danab ele daat, keeke ena ena ele aɗat oignig, amuam eheɗ, am nau.

Sam 84:5

O Kayak, laa ag nahip-ppan ɠagattag aon, ag na gukkuidna Jerusalem gokkulagnu oolag hette amu, ag itittak ena aoppig daatteb.

Sam 27:4

Keeke laippu laa aakkuib da Yawe, da Nug meɗakkunu oɗ medakkulnu heinne daattem. Yo, keeke laippu aakkuib, da aokkulnunab ool daatte. Keeke amuam, da bau daattem haenppa, da Nug laugppa dayeye, da haen oh, anttak enanag nuhig andette daakkul. Ao, da Nug laugppa da Yawe antten dim lamidkkulnu Nug madikkul.

Sam 26:8

O Yawe, da na laut, na appa daattem ele amu, da nahip lag amunu ool huananab hette. Ao, da nahip lag, binag amahlak oppiaawak ele nahip appa ana daatte amu, da lag amunu ool huana hette.

Duteronomi 16:2

Ag Yawe, ahilag Kayak, ag Nug binag mekkulagnu Pasowa Hobulnu doɗ laala mana, Nug mettaglagnu amu, ag makaute, o sipsipte, o meemete, ag amuppa mana mettak amu hekkulag. Am ag mana mettak amu hekkulagnu amu, ag aben Yawe, Nug onig appa daakkunu aben epeɗikku, ag amuppa hekkulagoitte.

Duteronomi 12:11

ag keeke oh da ag haknunab attem amu, ag amu oh akkan, Yawe, ahilag Kayak, Nug onig aguppa daakkunu aben epeɗikku ele, ag amuppa wakkulagoitte. Keeke amuam inam: manaknu ofa, mana mettak laala ele, keeke obatak eblaih tanig ele ooppanu obatak laippu Kayak mettak, Kayak hamu ɗo mettak, aria aɗi keeke ena ena ag nai genab ana qakkaknu ofa hekkulagnu appig ele.

Duteronomi 18:7

Nug appa, Yawe, nuhig Kayak, nug Nug onigppa Yawenu ɗo maɗoɗnu uɗat hekkunu elele. Nug laikkud, Lewi buɗub laala ag appa, Yawe onigppa uɗat henan daan, Nug noobppa uɗat hetteb bia hekkunu elele.

Namba 35:5

Ib amuppa amu, wannu uma ukkak daug laih laih waɗele oh amu 900 mita daakku. Aab okkai am, wan amu gamagppa daakku. Wan amuam gikkiɗah dad ahilagnu amu, amuppa doɗ ag daan lakkulagnu daakku.

Duteronomi 12:14

Am ag mana mettak hekkulagnu amu, ag aben Yawe, Nug ahilag huu okkai laa ooppa aben Nug epeɗikku ele, ag amuppaib hekkulagnu daatte. Aben amuppa ag manaknu ofa henana, ag keeke oh haknunab anak da attem amu hekkulagoitte.