Duteronomi 18:5 - Nobonob Baibel

⁵ Ag amu hekkulagnu diig am, Yawe, ahilag Kayak, Nug Israel dilag huu okkai laa oh oolagppan Lewi buɗub ag hanhan, Yawenu ɗo maɗoɗnu uɗat Nug onigppa hekkulagnu tituanattom.

Duteronomi 18:5 Referans Kwoze

Duteronomi 10:8

Haen amuppa Yawe Nug Israel dilag huu okkai Lewi, ag Yawenu Tituanak Nainu Kunup kontrak inak ele maoglagnu otiattom. Nug ag nuhig ɗo maɗoɗnu uɗat Nug noobppa hekkulagnu, amu Nug onigppa danab ah itadkkulagnu ele otiattom. Uɗat amuam ahilag, ina hetteb.

Namba 3:10

Aron, nug bekkod ele amu, ag mana mettak danab daaglagnu otiatte! Ag aakkuib amu hekkulagnu daatteb. Danab laa nug amu heeb amu, ag qeppeg mauhkkuoitte,” awa aum.

Duteronomi 17:12

Ag aun laa nug enaen ma, nug epeɗiak danab, o mana mettak danab ag Yawe, ahilag Kayak, ag Nug noobppa nuhig ɗo maɗoɗnu uɗat hetteb ele amu, nug amu dilagnu ag am keeke hamunab dookku amu, ag nug qeppeg mauhkkuoitte. Kobol nau ag Israel, ag oolagppa daamanu, ag heppeg, aib dayom!

Namba 16:5

Nug hewowa amu, nug Kora laikkud ele amelagppa aum. “Butti amu, Yawe Nug aun am nuhig, aun am nuhignu tituanak daatte ele ippunigkku. Yawe Nug heeb, danab amu nug Yawe guguitta wakku. Ao, danab aun Yawe nug tituantte amu, Yawe Nug heeb, danab amu nug, Nug guguitta wakku.

Namba 25:13

amu tituanak amuam iikku. Nug danab ah ag da, Kayak, da diilnu eheɗ doomnanu yag-nab-bak doya heum amu, nug anam heumppa nug Israel danab ah dilag eheɗ haknu nob nau iitta mekkunu he elele mettom amunu, nug, amu nug buɗub ele, ag geha hanhan mana mettak danab daaglagib,” awa aum.

Eksodas 29:9

ikkilagppan lamen ele ikkilagppa itan, imualagppan lamen ele qakkalatte! Aron, nug bekkod ele ag mana mettak danab daanna, aria danab amu ag, amu ag bekkalkad, alalkad, buɗulkad uma ukkak, nid danab geha mana mettak uɗat amu agib hanhan hekkulag; ɗo anam daatte. Na Aron, nug bekkod ele ib amuppa baɗ madakkut.