Duteronomi 18:4 - Nobonob Baibel

⁴ Ag ee tatam oɗuttenu, keeke laala tatamnu ele amu, ag mana mettak danab ahilag daakkunu mattaglag. Amuam ee aeg, wain bau, olip goɗen bau, amu sipsip tatamnu uɗig otaɗak ele.

Duteronomi 18:4 Referans Kwoze

Lewitikas 23:17

Amu hekkulagnu amu, ag daattebppanu bret kunum aɗit diiatna, mana mettak danab toppa wappeg, nug awa, Yawe noobppa huma epponitta mettaknu ofa hekku. Amuam mana mettak Yawenu hak daakku. Bret kunum aɗit anen anen, amuam 2 kilogram plaua enanag, yis ele kabolia manak daakkuoitte. Bret amuam maɗ anen anenppa, ahilag ee tatam oɗutte manan, Yawe mettaglagnu ofa aakku.

Lewitikas 23:10

“Na Israel danab ah nai imu appe doyeg!” awa aum. ⌊Nug Moses amegppa anam a amu, Moses nug ag amelagppa inam aum.⌋ “Haen ag wan da ag madattem ele, ag amuppa tena daanna, ag ee aeg tatam oɗuttenu ehag laa akkan, mana mettak danab toppa wakkulag.

Eksodas 23:19

Ag ee tatam oɗutte ele, ag ee amunu laih enanag aon, da Yawe, ahilag Kayak, ag ee amu aon, da laulppa uɗieg! Ag meeme nag, anignu huhppa aib badippig.

Eksodas 22:29

Ag keeke ebappeg, da heppi, meu okku amu, ag keeke ebappignu meu, wain, olip goɗen ele amu, ag amunu maha ofa daakkunu da meɗaglagnu aib uuppig. Ag uug doon, oolag uug ele da nakok nakokib meɗaglagnu am aib. Ag oo gamag ahak ele, elele meɗaglagnu meɗeg! ⌊Pasowa ebqak 1 haenppa da ag amelagppa amibia amu,⌋ buɗub buɗub doobob, ag ahilkad nid danab tatamnu da meɗeg!

Job 21:20

Danab nau hette, nugnab nug amegppa Kayak nugib heeb nauhkku anttaɗ! Ao, nugnab Laa Nukka Ɠagattag Oh Elenu bu awaɗ!

Rom 8:23

amge Kayak keeke oh hattom, keeke amu aakkuib ag anam ii hetteb. Iitta. Ig Kayak Ouɗi aomut, Nug am hanhan ena dayak awaknu hapin pania mekkom daatte amu, ig ele Kayak Nug heeb, ig beɗunig bau aot, ig Nug bekkodnab daagnignu aeqakkata, ameg meta daattem.