Duteronomi 18:18 - Nobonob Baibel

¹⁸ amunu da nai ag amelagppa akkulnu amu, da geha danab laa ag oolagppanu na bia epeɗidkkul. Da geha dahil nai propet amu medappi, nug ag amelagppa nai oh da nug madakkununab appi amu, nug tutukku ab dooglag.

Duteronomi 18:18 Referans Kwoze

Jon 8:28

Amunu Jesus Nug ag amelagppa aum. “Dimppa ag Danab Bekkalag da ad emaitakppa atuliɗona amu, ag da am Kayak Bekka dooglag. Amu ele, da dahil dabmakppa keeke ii hettem. Iitta. Mame Nug da ippuniɗom amu, da amunuib madittem, ag amu ele dooglag.

Duteronomi 18:15

Yawe, ahilag Kayak, Nug ag ehanadkkunu geha ahilagppanu propet danab laa da bia nug epeɗikku amunu, ag propet amu nug aɗi nai ag amelagppa mattieb amu, ag nug oɗe doyeg!

Jon 4:25

Jesus anam a amu, ah nug Jesus amegppa aum. “Da Mesaia uɗikkunu daatte doottem; Nug am Kristus. Nug uɗia, keeke oh ig danab ah ippunigkku,” awa aum.

Luk 24:19

Nug anam awa a amu, Jesus Nug aa oɗ matom. “Aɗi keeke?” Awa a amu, aria aa Nug amegppa kobol oh Jesusnu heppig, aa amunu mattiya, inam apiɗ. “Jesus, Nasaret ted, Nug amu Kayaknu propet, Nug Kayak nai diig genab ɠagattag ele Kayak noobppa, danab ah amelagppa ele mattia mehuqa, Nug uɗat ɠagattag ele Kayak noobppa, danab ah amelagppa haaha oiyom.

Jon 1:45

Anam a amu Pilip nug Nataniel mattia antta, amegppa aum. “Danab Moses nug anukka ɗo naippa nuhignu yom, propet ag ele nuhignu yaappig amu, ig aakku anidmut. Nug am Josep bekka Jesus, Nasaret ted,” awa aum.

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Aisaia 51:16

⌊Amu Yawe Nug ele atte.⌋ “Da dahil nai ag oɗelagppa mekkul. Da ag atognoadkkulnu, da eppelppa ag tonadkkul. Da, da hab hein, wan ele hemi, amu gemu da ag Juda danab ah, da ag amelagppa attem. ‘Ag am danab ah dahilaɗ.’ ” Yawe Nug anam atte.

Jon 17:8

Nai oh na da meɗame ele amu, da ag mattai aoppig. Da nahip-ppanu uɗimi amu, ag genab dootteb; na da meiɗe uɗimi, ag amu ele oolagppa genab dootteb.

1 Timoti 2:5

Yo, Kayak laippu daatte, gamag danab ele laippu, Nug Kayak amu danab ele gamagppa daatte, danab amuam Kristus Jesus.

Jon 17:18

Na wan imuppa meiɗe uɗie, wanppan danab ah oolagppa dayeye oimi, amubia da ag maatti, ag ele wanppan danab ah oolagppa daan oiglagnu gotteb.

Jon 15:15

Maɗi nid nug danab okkai nuhig aɗi hette amu, nug ii dootte amunu, da baula ahilagnu maɗi nid ii attem. Iitta. Da ahilagnu da lailad attem. Aɗinu? Da Mamel keeke oh da amelppa a doomi, amu da amu oh mattiyi ag dooppig.

Sam 110:4

Yawe Nug nuhig nai ɠagattag qetta aum amu, Nug ii baolima. Nug aum. “Na am Melkisedek bia, mana mettak danab hanhannu daattem,” awa aum.

Sam 2:6

Nug amelagppa mattiaya, Nug atte. “Da hei, laa da tituanmi ele, nug Sion appa, king daatte. Ao, qauko Sionnu amu, qauko amu dahilnu tituanak daatte.” Yawe Nug anam awa atte.

Hibru 7:22

Kayak Nug Jesus mana mettak danab daakkunu, nuhig nai ɠagattag qetta aum, laa ag anukka mana mettak danab daappig, ahilagnu anam ii aum, diig amunu ig ⌊Jesusnu oonigppa genab doottem, ig dimppa nug tituana nai qakkak nai bau, ig nob ena aɗi aɗi aognignu atte amu, ig genab aognignu doottem.

Aisaia 50:4

Naɗi Yawe Nug da oɗel ehanitte, da nai ena madikkulnu elele amunu, da nai enappa danab ah ag uug nau doon oitteb ele, da ag ehanadkkulnu elele daattem. Deɗ oh buttua Nug maɗeɗile, da ahattem. Nug da maɗeɗile ahai, Nug he, da daul hume, Nug aɗi atte amu, da dim lamidkkulnu dabmein aute awe daattem.

Duteronomi 33:5

Israel danab ah dilag ikki danab ag qagmeppig. Ao, Israel dilag huu okkai danab ah oh ag ikki danab ele oh qagmeppig. Ag qagmeppig amu, haen amuppa Yawe Nug Israel dilag king beum,” awa aum.

Namba 12:13

Aron nug anam Moses amegppa aum amunu, Moses nug Yawe unuqitta aum. “O Kayak, na nug ehanidppe, nug eɗua ena daakkunu oɗ medattem!” awa unuqittom.

Duteronomi 5:5

Ag aab dittiaknu baɗan, qauko ii teppig, amunu da ag, Yawe ele gamalagppa daami. Nug da amelppa mattie, amu da nuhig nai awe, ag amelagppa mattiyi dooppig. Nug inam aum.

Jon 1:21

Anam a amu, ag appig. “Anam daatte dayeb amu, na am aun? Na am Elaiyate?” aon appig. Aeg amu, nug aum. “Da am nug iitta.” Nug anam a amu, ag appig. “Ge, na nug iitta daattem dayeb amu, na am propet laa uɗikkunu, ig nug ameg mettem ele, amute?” aon appig. Ag anam aeg amu, nug, “Iitta,” awa aum.

Jon 12:48

Laa nug da dimeɗa, dahil nai ii aokku amu, nuhig epeɗiak nug aokkunu appa ana daatte. Nai da nug dookkunu mattimi ele amu, nai amu geha gog tak haenppa nug hettoɗiakppa epeɗikku.

Aposel 3:22

Nuhignu Moses nug inam aum. ‘Naɗi, ahilag Kayak, Nug ag ehanadkkunu geha ahilagppanu propet danab laa da bia nug epeɗikku amunu, ag propet amu nug aɗi nai ag amelagppa mattieb amu, ag nug oɗe doyeg!

Aposel 7:37

Amu Moses nugib aakku, nug nai imu Israel amelagppa aum. ‘Kayak Nug geha ahilagppanu danab laa da bia nug propet daakkunu epeɗia meeb, ahilagppa gokku,’ awa aum.

Eksodas 4:12

amunu, na ukke! Da geha na nai madikkutnu na oɗen ehanitten, nai amu ippunidppi, na nai amu oh madikkut,” awa aum.

Eksodas 4:15

Nug na anidkkunu uɗitte amu, ⌊nug uɗieb, uɗat imu, da na medattem ele amu, uɗat amu haknu haen beeb,⌋ na nug amegppa appe, nug am geha nai amu oh mehuqkku. Da am geha aa keeke aɗi mattiglahnu ippunatppi, aɗi keeke hekkulahnu ele ippunatppi, aa hekkulah.

Namba 23:5

Balam nug nai amu mattia male, Yawe Nug nai laa amegppa aum. Nug nai amu amegppa ana amu, Nug aum. “Na eɗun, Balak toppa gona, nai imu appe doyaɗ!” awa aum.

Duteronomi 34:10

Mosesnu haen dimppa propet laa Israel oolagppa Moses bia am iitta. Am Yawe, Moses ele, aa nug amegppanab nai madipiɗ

Aisaia 51:4

Amu Yawe Nug atte. “Ag danab ah dahilad amu, ag dahil nai doyeg! Ge, ag huu dahil amu, ag daulag human, dahil nai doyeg! Aɗinu? Da heppi, danab ah ag ɗo dahil dooglag. Ao, da heppi, dahil nai doya mala hettoɗia epeɗia elele mettak kobol am danab ah oh dilag amahlak daakku.

Jeremaia 1:9

Yawe Nug anam awowa, Nug eppeg bahia, da oɗel lauɗitta, Nug da amelppa aum. “Da dahil nai na oɗenppa aakku memi.

Amos 2:11

Da ele hei, ag bekkalkad laa ag dahil propet danab bena daappig. Ao, da hei, ag bekkalkad laa ag dahilad danab, Nasarait atteb, ag anam daappig. O Israel danab ah, da genab iite attem?” Yawe Nug anam atte.

Namba 23:16

Balam nug anam awowa, nug nukka laih ukke, Yawe nug uɗa ta, Nug nai laa amegppa aum. Nug nai amu amegppa ana amu, Nug aum. “Na eɗun, Balak toppa gona, nai imu appe doyaɗ!” awa aum.

Hosea 12:14

Amge Israel danab ah ag hipunin henan daaegeg, Yawe Nug ahilagnu oppoɗi beum daatte. Ag danab aqaeg mauhppig amunu, Naɗi Nug ag bu madakku. Israel ag Yawenu, “Nug am keeke hamunab,” dabmeppig amunu, Nug heeb, amunu nob ahilagppa daakku.