Duteronomi 18:15 - Nobonob Baibel

¹⁵ Yawe, ahilag Kayak, Nug ag ehanadkkunu geha ahilagppanu propet danab laa da bia nug epeɗikku amunu, ag propet amu nug aɗi nai ag amelagppa mattieb amu, ag nug oɗe doyeg!

Duteronomi 18:15 Referans Kwoze

Aposel 7:37

Amu Moses nugib aakku, nug nai imu Israel amelagppa aum. ‘Kayak Nug geha ahilagppanu danab laa da bia nug propet daakkunu epeɗia meeb, ahilagppa gokku,’ awa aum.

Jon 1:45

Anam a amu Pilip nug Nataniel mattia antta, amegppa aum. “Danab Moses nug anukka ɗo naippa nuhignu yom, propet ag ele nuhignu yaappig amu, ig aakku anidmut. Nug am Josep bekka Jesus, Nasaret ted,” awa aum.

Luk 9:35

Baɗaegeg, lombig ooppanu baag laa inam a dooppig. “Imuam da Bekkal, da Nug tituanmi. Ag nuhig nai doyeg!” awa aum.

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

1 Timoti 2:5

Yo, Kayak laippu daatte, gamag danab ele laippu, Nug Kayak amu danab ele gamagppa daatte, danab amuam Kristus Jesus.

Jon 6:29

Aeg am Jesus oɗelagppa awa aum. “Kayaknu uɗat am iikku. Ag Kayak Nug laa me uɗiom ele, ag nuhignu oolagppa genab dooglagnu daatte,” awa aum.

Luk 24:19

Nug anam awa a amu, Jesus Nug aa oɗ matom. “Aɗi keeke?” Awa a amu, aria aa Nug amegppa kobol oh Jesusnu heppig, aa amunu mattiya, inam apiɗ. “Jesus, Nasaret ted, Nug amu Kayaknu propet, Nug Kayak nai diig genab ɠagattag ele Kayak noobppa, danab ah amelagppa ele mattia mehuqa, Nug uɗat ɠagattag ele Kayak noobppa, danab ah amelagppa haaha oiyom.

1 Jon 3:23

Nuhig haknunab nai am inam. Ig Nug Bekka Jesus Kristusnu oonigppa genab doot, Nug ig amenigppa haknunab nai aum, amubia ig lainkad ele nug oo mauhak ele doognigoitte.

Luk 10:16

Jesus Nug anam ana, Nug ippunittak awak danab amelagppa aum. “Danab nug ahilag nai dootte amu, nug dahil nai dootte. Am danab nug ag dimadatte amu, nug da dimeɗatte. Danab nug da dimeɗatte, nug laa Nug he da uɗimi ele amu, Nug dimedatte,” awa aum.

Duteronomi 34:10

Mosesnu haen dimppa propet laa Israel oolagppa Moses bia am iitta. Am Yawe, Moses ele, aa nug amegppanab nai madipiɗ

Jon 1:21

Anam a amu, ag appig. “Anam daatte dayeb amu, na am aun? Na am Elaiyate?” aon appig. Aeg amu, nug aum. “Da am nug iitta.” Nug anam a amu, ag appig. “Ge, na nug iitta daattem dayeb amu, na am propet laa uɗikkunu, ig nug ameg mettem ele, amute?” aon appig. Ag anam aeg amu, nug, “Iitta,” awa aum.

Duteronomi 5:5

Ag aab dittiaknu baɗan, qauko ii teppig, amunu da ag, Yawe ele gamalagppa daami. Nug da amelppa mattie, amu da nuhig nai awe, ag amelagppa mattiyi dooppig. Nug inam aum.

Luk 2:32

Nug iitta aɗi ag nahip ib anidkkulagnu, Nug Israel ag binag amahlak oppiaawak ele aoglagnu amahlak daatte,” awa aum.

Matyu 21:11

Ag anam oɗ meeg amu, danab ah kuɗumnab ag Jesus omalppig ele ag appig. “Nug amu Jesus, Nug am propet, Galilinu aab Nasaret danab,” aon appig.

Luk 2:25

Haen amuppa danab laa Jerusalem dayom, nug onig Simeon. Nug Kayak noobppa tutukku oiyaya, Kayak binag ena maama, Israel dilag ehanattak danab ameg meum. Kayak Ouɗi nuhigppa dayom.

Luk 7:16

Danab ah oh ag amu anidna, ag Kayaknu ebehilkad oh bodoetta le me, ag Kayak binag mena appig. “Propet naɗi laa ig oonigppa uɗiom. Kayak Nug ig ehanigkkunu uɗiom,” aon appig.

Jon 4:19

Jesus Nug anam a, aria ah nug Jesus amegppa aum. “Danab Naɗi, da aakku na dooidmi, na am propet amunu,

Jon 9:17

Ag anam hena amu ag eɗun, danab anukka ameg gaɗuom ele oɗ medappig. “Danab amu Nug na amen babaittom amunu, na nuhignu aɗi attem?” aon appig. Anam aeg am nug aum. “Nug am propet,” awa aum.

Namba 12:6

Nug aum. “Aa nai dahil doyeɗ! Haen dahil propet danab laa ag oolagppa daatte amu, da Yawe, da tuleglegppa da diil, dahil nai ele nug ippunidttem, tul niiakppa da nug amegppa nai madittem.

Namba 12:8

Iitta. Haen da nug ele nai madittep amu, ii nug anidɗaɗa nai madittep. Da nai miagib madittem, nai tonak ii madittem. Nug da, da Yawe, nug da attemun amu aniɗtte. Anam aakku daatte amunu, aɗinu aa dahil maɗi nid Moses, aa nuhignu nai eheɗ akkulahnu ii baɗaya, nai eheɗ nuhignu apiɗ,” awa aum.

Hosea 12:14

Amge Israel danab ah ag hipunin henan daaegeg, Yawe Nug ahilagnu oppoɗi beum daatte. Ag danab aqaeg mauhppig amunu, Naɗi Nug ag bu madakku. Israel ag Yawenu, “Nug am keeke hamunab,” dabmeppig amunu, Nug heeb, amunu nob ahilagppa daakku.