Duteronomi 18:14 - Nobonob Baibel

¹⁴ Danab ah ag wan ag nona lamadna, ahilag wan aoglagnu hetteb eleppa daatteb amu, danab amu ag onig awak danab, eman hak danab ele, ag amu dilag ehanattaknu oɗ madatteb, amge Yawe, ahilag Kayak, Nug ag amu hemananu aib aum daatte.

Duteronomi 18:14 Referans Kwoze

Aposel 14:16

Anukka, Kayak Nug danab ah buɗub ohnu ag ib digdig gokkulagnu aib ii aum

Duteronomi 18:10

Ag bekkalkad, o aɗelkad diin, kayak hambuppuak dilagnu aib mana mettak heppig. Am ag eman hak, o onig awak, o ouɗi nau qalaknu keeke doyaknu hak, o emaɗ hak,

Genesis 20:6

Abimelek anam a amu, Kayak Nug tulppa eɗua, nug amegppa aum. “Da doottem, na keeke imu heme, amge na doonna ii hee, na beɗunppa aab iitta amunu, da hei, na dahilppa hipunin ii heme. Da hei, na nug ele ii oipiɗ.

2 King 21:6

Manase nug amu ha, nug bekka mana, kayak hambuppuak laa mettom. Nug amu ha, nug emaɗ kobol, eman kobol ele dim lamitta, nug mauhak ele gamag danab, mauhak ele mattiak danab ele gumatta ukka, doyak mettaglagnu oɗ mattom. Nug Yawenu neekkakppa kobol eheɗ iɗu iɗu kuɗum heum. Manase nug hipunin huanak kuɗum amu Yawe noobppa haaha, amuppa nug he, Yawe Nug oo huana nauhom.

Jeremaia 27:9

Yawe Nug anam anana, Nug imu ele atte. “Da Yawe, da ag ahilkad okkai amelagppa akkulagnu imu ele attem. ‘Anam bekku amunu, ag ahilkad propet, ahilkad eman danab, danab ahilkad ag tul niiakppan meu heeg miag atitte, ahilkad mauhak ele gamag danab, amu ahilkad emaɗ hak danab ele dilag nai aib dabmeppig. Ag anen anen, ag amelagppa, “Na Babilon dilag king waappa maɗi nid ii daan, nuhig uɗat ii hemana,” aon atteb amge, ag ahilag nai amu aib dooppig; aib dabmeppig.

Daniel 2:27

King anam oɗ mette, Daniel nug aum. “O king, doyak danab laa, o emaɗ danab laa, o baɗ mak danab laa, o eman danab laa nug king atte bia hekkunu elele iitta,

Maika 5:12

Da heppi, emaɗ hak maɗi ahilagppa iinab daama. Ao, da heppi, ag baula danab laa emaɗ hak kobolppa heppeg ii nauhma.

Aisaia 2:6

⌊O Yawe,⌋ na nahipad danab ah, ag Jakop buɗub amu, na ag uuadna dimattame. Aɗinu? Nahipad danab ah ag danab ah aam bedeppanu dilag dabmak hambuppuak aoeg, ahilagppa ambeum. Ao, danab ah nahipad ag Pilistia danab ah dilag eman hak kobol aon, ag amu hetteb. Ag danab ah Yawe ii dim lamidtteb ele laippu oinna hetteb.