Duteronomi 18:12 - Nobonob Baibel

¹² Yawe Nug laa ag anam hetteb ele, Nug ahilagnu ooppa uuaknab dootte. Am wan ag aoglagnu hetteb, appan danab ag anam hetteb amunu, Yawe, ahilag Kayak, Nug heeb, ag Israel ag danab amu lamadkkulag.

Duteronomi 18:12 Referans Kwoze

Lewitikas 18:24

Ib imu ohppa danab ah Kanan wanppa daatteb ele ag heegeg, dahil neekkakppa ag oolagppa dubuttid teum daatte. Amu diig amunu da heppi, ag Israel, ag danab amu lamadkkulag. Amunu ag Israel, ag kobol wan amuppan danab ag hetteb ele heppeg, da ahilagnu da dahil neekkakppa ag oolagppa dubuttid teum daatte anidpanu, ag kobol amu aibnab heppig.

Duteronomi 9:4

Anam amu, Yawe, ahilag Kayak, Nug heeb, ag Israel ag danab ah amu lamadkkulag amu, dimppa ag akka ahilagnu aib, “Ig am genab tutukku aɗi amunu, Yawe Nug ig wan imu aognignu omaikka uɗia mekkom!” appig. Iitta. Wanppan wan anen anen imunu danab ah ag hak ahilag am nau amunu, Yawe Nug heeb, ag danab amu lamadkkulag.

Lewitikas 18:27

Am danab ah, wan da ag appanu diie gottem ele, amuppanu ag kobol dahil neekkakppa dubuttid ele heegeg, dahil neekkakppa ag oolagppa dubuttid teum daatte amunu, dahil neekkakppa wan amuppa dubuttid tak okkai ele daatte.

Lewitikas 18:25

Wan imuppan danab ah ag kobol dubuttid tak ele anam heppig amunu, wan atu imu oh am dahil neekkakppa dubuttid teum daatte. Diig amunu da danab ah ag ippa daatteb ele, da ag bu matten heppi, ag ahan gokkulag, danab nug bahe ba gotte, amubia ag gona, ag appa ii daamna.

Duteronomi 14:27

Ag amu henana, ag Lewi buɗubppan mana mettak danab iitta, amu dilagnu amu, ag aib ahilagnu daulag atiom. Aɗinu? Ag am ahilag wan laa, ag aulag daakkunu ii mattak.

Esekiel 31:11

diig amunu da hei, wan laappan okkai nug ad amu nau heumnu bu medakkunu nug eppegppa dayom. Da ad am uui,

Duteronomi 9:5

Amu ag am genab tutukku hak danab, o ag am danab ag dabmak oiyak ahilag ele am tutukkuib amunu, ag wan amu aoppeg, ahilag daakkunu hetteb aib dabmeppig. Iitta. Danab amu ag ahilag hak nau amunu, Yawe, ahilag Kayak, Nug heeb, ag Israel ag ag lamadkkulagnu, Nug ag mamelkad aɗi, Abraham, Aisak, Jakop ele, ahilagnu Nug anam hekkunu nuhig nai ɠagattag qetta aum, amu meu okkunu, Nug anam hekku.

Duteronomi 22:5

Ah ag danab dilag lamen ii takkaglagoitte, danab ag ah dilag lamen ii takkaglagoitte. Aɗinu? Yawe, ahilag Kayak, Nug danab ah anam hettebnu ooppa uuaknab dootte.

2 King 23:24

Josaia nug danab ag danab mauhak ele gamag danab, mauhak ele mattiak danab amu, nug ag lamattom. Laa amu, nug kayak hambuppuak dottolkad danab ag laulkadppa maatteg daatteb, amu kayak hambuppuak dottolkad danab ag laulkadppa maatteg daatteb laala oh akke ukkom. Amu ohnu amu, Yawe nug ooppa uuaknab dootte, am Josaia nug amu oh Jerusalem appa, am Juda wan ohppa ele he ii daappig. Aɗinu? Nug Kayaknu ɗo nai oh, ɗo nai bukppa dayom, mana mettak danab Hilkaia nug buk amu Yawenu mettid lagppa anttom amu, nug ɗo amu oh dim lamidkkunu oo dayom.