Duteronomi 17:17 - Nobonob Baibel

¹⁷ King nug ah kuɗum wauud daaglagnu diieb amu, ag nug Yawe toppan geɗidkkulag amunu, king nug ah kuɗum, nuhig ah daaglagnu ii diikkuoitte. Nug en naɗi, silwa, o gol keeke, nug amu ii aɗa daakkuoitte.

Duteronomi 17:17 Referans Kwoze

Nehemaia 13:26

Da kobol amunu ag amelagppa ele inam ami. “King Solomon nug wan atu laihnu ah diiom, diig amunu nug hipunin iite heum? Wan atu ohppa king laa nug bia ii dayom, nug okkainab dayom. Kayak, Solomonnu Kayak, Nug Solomonnu oo huana mauhom, Nug Solomon king daakkunu tituane, nug Israel oh dilag king dayom, amge laihnu ah ag heegeg, nug hipunin heum.

Matyu 19:5

Nug anam haatowa, ‘diig amunu ewau matulak haenppa danab nug anig mameg ele uuata, nug wau ele matulak daaya, aɗit amu aa ouqak laippu daaglah.’

Sam 62:10

Na keeke lokkumakppa awaknu duttuna hak kobolppanu, “Da anam hekkulnu elele daattem amunu, amuppa da keeke ena kuɗum aokkulnu elele,” aib ootppa genab doon dabmeme. Ao, na dabmak hambuppuak aib aonna, yabhokppa keeke aokkutnu maittak aonna heme. Na ⌊ib enappa⌋ en kuɗum aokkuttai, amge na keeke amunu, “Anuqak keeke,” aib dabmeme.

Genesis 2:24

Amu Yawe Kayak Nug ah danabppa heum, diig amunu ewau matulak haenppa danab nug anig mameg ele uuata, nug wau ele matulak daaya, aɗit amu aa ouqak laippu daaglah.

Malakai 2:15

Haen na ah aome amu, Yawe Nug he, na waat ele laippu iite daapiɗ? Gaɗalahppa, ouɗilahppa ele aa nuhig daattep. Kayak Nug diig aɗinu kobol amu daakkunu meum? Nug aa nid ag genab tutukku hak kobolib dim lamidkkulagnu menuadkkulahnu oo hette. Anam amunu na nakka dabmettan autna awe! Na bau daanna, na nai nahip loppaɗmananu, na waatnu dabmenan oiye!

1 Timoti 6:17

Danab ah wannu haen imuppanu keeke kuɗum ele amu, Na tutukku imu ag amelagppa appe doyeg! Ag beɗuppa tak kobol aib heppig. Ag keeke oh paha nauhtteb ele, ag amunu oolagppa genab aib dooppig. Ag Kayak, Nug nukka aakkuib keeke ena ena kuɗum, ig oonig gamag ahakkunu megatte ele amu, ag nuhignu aakkuib oolagppa genab doyeg!

1 Timoti 6:9

Amge laa ag enulag kuɗum ele daaglagnu dabmak huanak aotteb amu, eheɗ hekkulagnu oo eeɗak, pelemppa tak, oo hak dabmak iitta ele, aria oo hak danab guittak medatte ele, oo hak amu oh ag heeg, danab padal mette ele amu, keeke amu oh danab ag enub danab daaglagnu oolag hette amu aqadtteb.

Luk 12:15

Anam awona, Nug danab ah oh amelagppa aum. “Ag dabmena, tutukku doyeg! Ag baubau awaknu hik qak kobol oh aib heppig. Aɗinu? Danab nug keeke ohnu elelenab eɗittak daatte amu, nug nuhig keeke amuppa bau dayak ii aotte,” awa aum.

Matyu 13:22

Ee aeg wan uud keeke qaun ele beppigppa nena qeppig ele amu, nai amu inam ippunigtte. Danab laa nug nai dootte, amge wannu haen imunu uug laala, enub awak uɗatnu ameg qak kobol ele, keeke amu oh danab amu nug ooppa he, Kayak nai iitta ma, meu ii otte.

1 King 10:21

King Solomonnu kap oh am golppaib hak, am nug lag enanagnab laa onig Lebanon Duppunu Lag Enanagnab, lag amuppan tappiɗ keeke, ag gol ena dubuttid iitta ele, amuppaib hak. Keeke laa ag silwappa laa ii heppig. Aɗinu? Solomonnu haenppa danab ah ag silwanu am keeke hamu bia dooppig.

2 Samuel 5:13

Amu Dawit nug Hebron uua, Jerusalem ta dayaya, nug wauud laala, aria wauud amge wauudnab iitta laala ele diie, ag Dawit bekkod, aɗekkud laala ele menuadppig.

2 Samuel 12:11

Natan nug Kayaknu nai Dawit amegppa anam awowa, nug tuɗitta aum. “Yawe nug inam ele atte. ‘Na baenadppa dilagppanab uug naunab beeb dookkut. Da heppi, na amenppanab laa na baenadppan laa nug na waatad diieb, amunppa, danab ah noolagppa ag nug ele niiglag.

1 King 10:27

Solomon nug king dayom, haen amuppa amu nug silwa, ad sida ele huanak awa, Jerusalem uɗiom. Amunu haen amuppa silwa am men bia, ambak Jerusalem appa dayeye, amu ad sida gikkiak ele huanak, ambak, Israel wan qauko nakok qauko okkai diigppa daatteb, appa ad sikamo fig huanak daatteb, amubia Jerusalem appa ad sida gikkiak ele huanak dayom.

2 Stori 1:15

Solomon nug king dayom, haen amuppa amu nug silwa, gol, ad sida ele huanak awa, Jerusalem uɗiom. Amunu haen amuppa silwa, gol ele am men bia, ambak Jerusalem appa daaeheh, amu ad sida gikkiak ele huanak, ambak; Israel wan qauko nakok qauko okkai diigppa daatteb, appa ad sikamo fig huanak daatteb, amubia Jerusalem appa ad sida gikkiak ele huanak dayom.

2 Stori 11:21

Rehoboam nug wauud 18 ele, amu ah laa nug wauud amge wauudnab iitta, am 60. Amu Rehoboam nug ah amu oh dilag oo mauhom, amge nug Apsalom aɗeg Makahnu oo huana mauhom. Amu Rehoboam nug bekkod 28, aɗekkud am 60.

Prowerb 31:3

Na aib ah dim dim lamadnana, nahip ɠagattag kakidme! Ao, uɗat nahip hekkutnu yag bak iitta memanu, na ah ag heeg king nauhtteb amu, na ag ele aib oippig.

1 Stori 14:3

Amu Dawit nug Jerusalem ta dayaya, nug wauud laala ele diie, ag nug bekkod, aɗekkud laala ele menuadppig.